31 C 
മാസം 210 രൂപ മാത്രം, 60 വയസ് മുതല് 5000 രൂപ പെന്ഷന്; അടല് പെന്ഷന് യോജന 2031 വരെ നീട്ടി
ന്യൂഡല്ഹി: അസംഘടിത മേഖലയില് അടക്കം ജോലി ചെയ്യുന്നവര്ക്ക് പ്രയോജനം ചെയ്യുന്ന പ്രതിമാസ പെന്ഷനായ അടല് പെന്ഷന് യോജന (APY) 2030 - 2031 വരെ തുടരാന് കേന്ദ്രസര്ക്കാര് തീരുമാനിച്ചു. പ്രധാനമന്ത്രി നരേന്ദ്ര മോദിയുടെ അധ്യക്ഷതയില് കഴിഞ്ഞ ദിവസം ചേര്ന്ന കേന്ദ്ര മന്ത്രിസഭയാണ് പദ്ധതി നീട്ടാന് തീരുമാനിച്ചത്. ഈ തീരുമാനം ലക്ഷക്കണക്കിന് ആളുകള്ക്ക് പ്രയോജനം ചെയ്യുമെന്നാണ് സര്ക്കാര് അവകാശവാദം. സംഘടിതമല്ലാത്ത മേഖലയിലെ ലക്ഷക്കണക്കിന് തൊഴിലാളികള്ക്ക് വാര്ധക്യകാല വരുമാന സുരക്ഷ വര്ധിപ്പിക്കുകയാണ് അടല് പെന്ഷന് യോജനയിലൂടെ ലക്ഷ്യമിടുന്നത്. പലര്ക്കും പെന്ഷന് ആനുകൂല്യങ്ങള് ലഭ്യമല്ലാത്ത സാഹചര്യത്തിലാണ് പദ്ധതി നീട്ടാനുള്ള തീരുമാനം. 2015 മെയ് മാസത്തില് ആരംഭിച്ച പദ്ധതി വരിക്കാരുടെ സംഭാവന അനുസരിച്ച് 60 വയസ് മുതല് പ്രതിമാസം 1,000 രൂപ മുതല് 5,000 രൂപ വരെ പെന്ഷന് നല്കുന്നു. സര്ക്കാര് ഗ്യാരണ്ടിയുള്ള ഈ പെന്ഷന് പദ്ധതിക്ക് വേറെയും ഗുണങ്ങളുണ്ട്. തൊഴില് ഏതുമാകട്ടെ, 18നും 40നും ഇടയിലാണ് പ്രായമെങ്കില് പദ്ധതിയില് ചേരാം. ഒരാള്ക്ക് 40 വയസു തികയുന്ന അന്ന് വരെ ചേരാം. ഉദാഹരണത്തിന് 40 ആം പിറന്നാള് 2025 ഒക്ടോബര് 13ന് ആണെങ്കില് അന്നു വരെ പദ്ധതിയില് അംഗമാകാം. പിറ്റേന്ന് മുതല് പറ്റില്ല. ഗവണ്മെന്റ് പൊതുമേഖലാ സ്ഥാപനങ്ങളിലെ ജീവനക്കാര്ക്കും പദ്ധതിയില് അംഗമാകാം. എന്പിഎസ് പെന്ഷനില് ചേര്ന്നിട്ടുള്ളവര്ക്കും അംഗമാകാം. പക്ഷെ ആരും ആദായ നികുതി അടയ്ക്കുന്നവരാകരുത്. പെന്ഷന് ലഭിക്കാനായി 60 വയസ് വരെ നിശ്ചിത തുക നിക്ഷേപിക്കണം. അടയ്ക്കുന്ന തുകയ്ക്ക് അനുസരിച്ച് 1000, 2000, 3000, 4000, 5000 രൂപ എന്നീ നിരക്കുകളില് പെന്ഷന് ലഭിക്കും. ഇത് കേന്ദ്ര സര്ക്കാരിന്റെ ഗ്യാരന്റീഡ് പെന്ഷനാണ്. അറുപത് വയസിന് ശേഷം, ജീവിതകാലം മുഴുവന്, എല്ലാ മാസവും ഈ തുക ലഭിക്കും. വിദേശ മലയാളികള്ക്കും പദ്ധതിയില് അംഗമാകാവുന്നതാണ്. atal pension yojana ചെറിയ പ്രായത്തില് പദ്ധതിയില് ചേര്ന്നാല് ചെറിയ തുക മാസം തോറും അടച്ചാല് മതിയാകും. ഉദാഹരണത്തിന് 25 വയസില് പദ്ധതിയില് ചേരുന്നയാള് 5000 രൂപ പെന്ഷന് കിട്ടാനായി മാസം തോറും 376 രൂപ അടച്ചാല് മതിയാകും. എന്നാല് 39 വയസിലാണ് ചേരുന്നതെങ്കില് 5000 രൂപ പെന്ഷനായി 1318 രൂപ മാസം അടയ്ക്കണം. 18 വയസിലാണ് ചേരുന്നതെങ്കില് അറുവയസ് കഴിഞ്ഞ് 5000 രൂപ പെന്ഷന് ലഭിക്കാന് മാസം 210 രൂപ മാത്രം അടച്ചാല് മതി. പദ്ധതിയില് അംഗമാകാന് ബാങ്കിലോ പോസ്റ്റ് ഓഫീസിലോ സേവിങ്സ് ബാങ്ക് അക്കൗണ്ട്, ആധാര് കാര്ഡ്, മൊബൈല് നമ്പര് എന്നിവ നിര്ബന്ധമാണ്. ആദായ നികുതി അടക്കുന്നവര്ക്ക് പദ്ധതിയില് ചേരാനാകില്ല. പക്ഷെ പദ്ധതിയില് അംഗമായിരിക്കെ എന്നെങ്കിലും ആദായ നികുതി അടച്ചാല് പെന്ഷന് അക്കൗണ്ടിനെ ബാധിക്കില്ല. അക്കൗണ്ട് ഉള്ള ബാങ്കിലോ പോസ്റ്റ് ഓഫീസിലോ നിര്ദേശം നല്കുന്നതനുസരിച്ച് മാസം തോറുമോ മൂന്ന് മാസം അല്ലെങ്കില് ആറു മാസം കൂടുമ്പോഴോ തുക താനെ പെന്ഷന് അക്കൗണ്ടിലേക്ക് ക്രെഡിറ്റ് ആയിക്കോളും. വളരുന്ന പെന്ഷന് ഫണ്ട് അടക്കുന്ന നിക്ഷേപ തുക കേന്ദ്ര സര്ക്കാര് സ്ഥാപനമായ പെന്ഷന് ഫണ്ട് റെഗുലേറ്ററി ആന്ഡ് ഡെവലപ്മെന്റ് അതോറിറ്റി മാര്ക്കറ്റില് നിക്ഷേപിക്കുന്നു. 60 വയസാകുമ്പോഴേക്കും ഇതിന്റെ പലിശയുള്പ്പെടെയുള്ള ഉയര്ന്ന ഒരു തുകയാകും അക്കൗണ്ടില് ഉണ്ടാവുക. തവണകള് മുടങ്ങിയാല്? പദ്ധതിയില് അംഗമായിരിക്കെ സാമ്പത്തിക ബുദ്ധിമുട്ട് ഉണ്ടായെന്നിരിക്കട്ടെ. നിക്ഷേപ തുക കുറയ്ക്കാനായി എല്ലാ വര്ഷവും അവസരം കിട്ടും. ഇങ്ങനെ മാറ്റിയ തുക ജൂലായ് മുതലാണ് പ്രാബല്യത്തില് വരുക. ഇനി തവണകള് മുടങ്ങിയാലും ഒരിക്കലും അക്കൗണ്ട് ക്ലോസ് ആകില്ല. മുടക്കിയ തവണകള് അടച്ച്, കൂടെ ചെറിയ പിഴയുമൊടുക്കി അംഗത്വം സജീവമാക്കാം. വരുമാനം കൂടുമ്പോള് നിക്ഷേപം കൂട്ടി ഉയര്ന്ന പെന്ഷന് ആക്കണമെങ്കിലും ഈയവസരം പ്രയോജനപ്പെടുത്താം. മകളുടെ ഭാവി സുരക്ഷിതമാക്കണോ?, വര്ഷം 80,000 രൂപ വീതം നിക്ഷേപിക്കൂ; ഈ സ്കീമില് കിട്ടുന്നത് ഇത്ര?, കണക്ക് ഇങ്ങനെ വരിക്കാരന് മരിച്ചാല്? പെന്ഷന് ലഭിച്ചു കൊണ്ടിരുന്ന വരിക്കാരന് മരിച്ചാല് ഭാര്യ അല്ലെങ്കില് ഭര്ത്താവിന് അതേ നിരക്കില് അവരുടെ ജീവിതകാലം മുഴുവന് പെന്ഷന് ലഭിക്കും. വരിക്കാരന് മരിച്ച ശേഷം പെന്ഷന് ലഭിച്ചിരുന്ന ഭാര്യ അല്ലെങ്കില് ഭര്ത്താവും മരിച്ചാല് പെന്ഷന് അക്കൗണ്ടില് ഉള്ള തുക (60 വയസില് വരിക്കാരന്റെ അക്കൗണ്ടില് ഉണ്ടായിരുന്ന തുക) നോമിനിക്ക് ലഭിക്കും അവിവാഹിതരായ ആളുകള്ക്ക് മറ്റൊരു വ്യക്തിയെ നോമിനി ആയി നിശ്ചയിക്കാവുന്നതാണ്. വിവാഹിതരാണെങ്കില് ഭാര്യ അല്ലെങ്കില് ഭര്ത്താവ് ആണ് നോമിനി.വരിക്കാരന് 60 വയസ് തികയുന്നതിന് മുന്പ് മരിച്ചാല് ഭാര്യ അല്ലെങ്കില് ഭര്ത്താവിന്റെ പേരില് പുതിയൊരു പെന്ഷന് അക്കൗണ്ട് നിലവില് വരും. മരിച്ചു പോയ ആള് അതെ വരെ അടച്ചിട്ടുള്ള തുക ഇതിലേക്ക് മാറ്റപ്പെടും. തുടര്ന്ന് മരിച്ചയാളുടെ ഭാര്യ അല്ലെങ്കില് ഭര്ത്താവ് അതേ തുക നിക്ഷേപിക്കണം. മരിച്ചയാള്ക്ക് 60 വയസ് തികയുമായിരുന്ന അന്ന് മുതല് പങ്കാളിക്ക് പെന്ഷന് ലഭിക്കും. (പങ്കാളിയുടെ പ്രായമല്ല ഇവിടെ പരിഗണിക്കുന്നത്). 10 ലക്ഷം രൂപ വരെ പരിരക്ഷ; സഹകരണ ബാങ്കുകളിലെ നിക്ഷേപത്തിന് ഗാരന്റിത്തുക ഉയര്ത്തി Atal Pension Yojana, a government backed pension scheme in India to continue upto 2031.
പിപിഎഫിനേക്കാള് കൂടുതല് പലിശ ലഭിക്കുന്ന പോസ്റ്റ് ഓഫീസ് സ്കീമുകള് അറിയണോ?; ഇതാ പട്ടിക
ജന ങ്ങളുടെ ലഘുസമ്പാദ്യശീലം പ്രോത്സാഹിപ്പിക്കുന്നതിന് വേണ്ടിയാണ് കേന്ദ്രസര്ക്കാര് പബ്ലിക് പ്രോവിഡന്റ് ഫണ്ട് പോലെയുള്ള പദ്ധതികള് ആരംഭിച്ചത്. ഇതില് നിക്ഷേപിക്കുന്നവര്ക്ക് നികുതി ഇളവ് ലഭിക്കുമെന്നതിനാല് ഈ ഉദ്ദേശത്തോടെ നിക്ഷേപം നടത്തുന്നവരും കുറവല്ല. നിലവില് 7.1 ശതമാണ് പിപിഎഫിന്റെ വാര്ഷിക പലിശനിരക്ക്. 500 രൂപ മാത്രമേ കൈവശം ഉള്ളൂ എങ്കിലും പദ്ധതിയില് ചേരാന് സാധിക്കും. 15 വര്ഷമാണ് കാലാവധി. അതിന് ശേഷവും നിക്ഷേപകന്റെ ഇഷ്ടാനുസരണം കാലാവധി നീട്ടാവുന്നതാണ്. അഞ്ചുവര്ഷം കൂടുമ്പോള് പുതുക്കാവുന്ന നിലയിലാണ് പദ്ധതി. ഈ സമയത്ത് നിക്ഷേപം നടത്തണമെന്ന് നിര്ബന്ധമില്ല. ഇതിനായി ഫോം 16-എച്ച് എന്ന പേരിലുള്ള പുതുക്കല് ഫോം പൂരിപ്പിച്ച് നല്കണം. പ്രതിവര്ഷം പരമാവധി ഒന്നരലക്ഷം രൂപ വരെ നിക്ഷേപിക്കാവുന്നതുമാണ്. പിപിഎഫ് അക്കൗണ്ട് സ്വന്തം പേരില് മാത്രമേ തുറക്കാന് കഴിയൂ. ജോയിന്റ് അക്കൗണ്ടിന് ഓപ്ഷന് ഇല്ല. നിക്ഷേപിച്ച തുകയുടെ 25 ശതമാനം വായ്പ എടുക്കാനുള്ള സൗകര്യവുമുണ്ട്. മകളുടെ ഭാവി സുരക്ഷിതമാക്കണോ?, വര്ഷം 80,000 രൂപ വീതം നിക്ഷേപിക്കൂ; ഈ സ്കീമില് കിട്ടുന്നത് ഇത്ര?, കണക്ക് ഇങ്ങനെ പിപിഎഫിനെ അപേക്ഷിച്ച് ഉയര്ന്ന പലിശ നിരക്കും മികച്ച ലാഭവും നല്കുന്ന പോസ്റ്റ് ഓഫീസ് പദ്ധതികള് ഏതാണെന്ന കാര്യത്തില് പല നിക്ഷേപകര്ക്കും ഇന്നും വേണ്ടത്ര അറിവില്ല. നിലവില് പിപിഎഫിനേക്കാള് ഉയര്ന്ന പലിശ വാഗ്ദാനം ചെയ്യുന്ന നിരവധി സ്കീമുകള് പോസ്റ്റ് ഓഫീസിനുണ്ട്. അവ ചുവടെ: സുകന്യ സമൃദ്ധി യോജന: 8.2 ശതമാനം മുതിര്ന്ന പൗരന്മാരുടെ സേവിംഗ്സ് സ്കീം: 8.2 ശതമാനം നാഷണല് സേവിംഗ്സ് സര്ട്ടിഫിക്കറ്റ് (എന്എസ്സി): 7.7 ശതമാനം കിസാന് വികാസ് പത്ര (കെവിപി): 7.5 ശതമാനം പ്രതിമാസ വരുമാന പദ്ധതി: 7.4 ശതമാനം 5 വര്ഷത്തെ ടിഡി: 7.5 ശതമാനം 10 ലക്ഷം രൂപ വരെ പരിരക്ഷ; സഹകരണ ബാങ്കുകളിലെ നിക്ഷേപത്തിന് ഗാരന്റിത്തുക ഉയര്ത്തി Post Office schemes with better interest rate that PPF
തിരിച്ചുകയറി സ്വര്ണവില; ഒറ്റയടിക്ക് വര്ധിച്ചത് 1080 രൂപ
കൊച്ചി: ഇന്നലെ ഒറ്റയടിക്ക് 1880 രൂപ കുറഞ്ഞ സ്വര്ണവില ഇന്ന് തിരിച്ചുകയറി. പവന് 1080 രൂപയാണ് വര്ധിച്ചത്. 1,16, 320 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 135 രൂപയാണ് വര്ധിച്ചത്. 14,540 രൂപയാണ് ഒരു ഗ്രാം സ്വര്ണത്തിന്റെ വില. ഇന്നലെ രാവിലെ 3960 രൂപ ഉയര്ന്ന് പുതിയ ഉയരം കുറിച്ച സ്വര്ണവില ഉച്ചയോടെയാണ് 1880 രൂപ കുറഞ്ഞത്. 3960 രൂപ വര്ധിച്ചതോടെ പവന് 1,17,000 കടന്ന സ്വര്ണവിലയാണ് ഉച്ചയോടെ കുറഞ്ഞത്. മൂന്നാഴ്ചയ്ക്കിടെ പവന് വിലയില് 17000 രൂപയിലധികമാണ് വര്ധിച്ചത്. ഇടപാടുകാരുടെ ശ്രദ്ധയ്ക്ക്; ഇന്ന് മുതൽ 4 ദിവസം ബാങ്കുകൾ തുറക്കില്ല ഡിസംബര് 23നാണ് സ്വര്ണവില ആദ്യമായി ഒരു ലക്ഷം കടന്നത്. അന്താരാഷ്ട്ര വിപണിയിലെ മാറ്റങ്ങളാണ് കേരളത്തിലെ സ്വര്ണ വിലയെ സ്വാധീനിക്കുന്നത്. ആഗോള വിപണിയില് നിലനില്ക്കുന്ന അസ്ഥിരത അടക്കമുള്ള ഘടകങ്ങളും സ്വര്ണവിലയില് പ്രതിഫലിക്കുന്നുണ്ട്. ഗ്രീന്ലാന്ഡിന്റെ നിയന്ത്രണം സംബന്ധിച്ച് എതിരഭിപ്രായം പറയുന്ന യൂറോപ്യന് രാജ്യങ്ങളില് നിന്നുള്ള ഉല്പ്പന്നങ്ങള്ക്ക് മേല് കൂടുതല് തീരുവ ചുമത്തുമെന്ന അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രഖ്യാപനമാണ് വിപണിയില് അസ്ഥിരതയ്ക്കുള്ള പ്രധാന കാരണം. ഈ പശ്ചാത്തലത്തില് സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് എത്തിയതാണ് വില ഇപ്പോഴും ഉയര്ന്നുനില്ക്കാന് കാരണം. മകളുടെ ഭാവി സുരക്ഷിതമാക്കണോ?, വര്ഷം 80,000 രൂപ വീതം നിക്ഷേപിക്കൂ; ഈ സ്കീമില് കിട്ടുന്നത് ഇത്ര?, കണക്ക് ഇങ്ങനെ kerala gold rate today, gold rate increased
ഇടപാടുകാരുടെ ശ്രദ്ധയ്ക്ക്; ഇന്ന് മുതൽ 4 ദിവസം ബാങ്കുകൾ തുറക്കില്ല
ന്യൂഡൽഹി: ഈ മാസം 27നു രാജ്യ വ്യാപക ബാങ്ക് പണിമുടക്കുമായി മന്നോട്ടു പോകാൻ ബാങ്ക് യൂണിയനുകളുടെ സംയുക്ത സംഘടനയായ യുനൈറ്റഡ് ഫോറം ഓഫ് ബാങ്ക് യൂണിയൻസ് (യുഎഫ്ബിയു) തീരുമാനം. ഇതോടെ ഇന്ന് മുതൽ 4 ദിവസം ബാങ്കുകൾ അടഞ്ഞു കിടക്കും. റിപ്പബ്ലിക്ക് ദിന അവധിയും ശനിയും ഞായറും ചേർത്ത് ഇന്ന് മുതൽ ചൊവാഴ്ച വരെ ബാങ്കുകൾ തുറക്കില്ല. ചീഫ് ലേബർ കമ്മീഷണറുടെ മധ്യസ്ഥതയിൽ നടന്ന രണ്ടാം അനുരഞ്ജന ചർച്ചയും പരാജയപ്പെട്ടതോടെയാണ് പണിമുടക്കുമായ മുന്നോട്ടു പോകാൻ യുഎഫ്ബിയു തീരുമാനിച്ചത്. ബാങ്കുകളുടെ പ്രവൃത്തി ദിനം ആഴ്ചയിൽ 5 ദിവസമാക്കണമെന്ന ശുപാർശ 2 വർഷമായിട്ടും കേന്ദ്രം നടപ്പാക്കാത്തതിനെരെയാണു ബാങ്ക് യൂണിയനുകളുടെ സംയുക്ത സംഘടനയായ യുഎഫ്ബിയു പണിമുടക്ക് പ്രഖ്യാപിച്ചത്. ബെഫി, എഐബിഇഎ, എഐബിഒസി, എൻസിബിഇ അടക്കം രാജ്യത്തെ 9 യൂണിയനുകളുടെ സംയുക്ത സംഘടനയാണ് യുഎഫ്ബിയു. ഒറ്റയടിക്ക് 1880 രൂപ കുറഞ്ഞു, റിവേഴ്സിട്ട് സ്വര്ണവില; 1,15,000ന് മുകളില് വ്യാഴാഴ്ച നടന്ന യോഗത്തിൽ തീരുമാനമായിരുന്നില്ല. ഇതോടെയാണ് വെള്ളിയാഴ്ച വീണ്ടും യോഗം ചേർന്നത്. എന്നാൽ തീരുമാനം എടുക്കാൻ കൂടുതൽ സമയം വേണമെന്ന നിലപാടാണ് ധനമന്ത്രാലയം നിലപാടെടുത്തത്. മകളുടെ ഭാവി സുരക്ഷിതമാക്കണോ?, വര്ഷം 80,000 രൂപ വീതം നിക്ഷേപിക്കൂ; ഈ സ്കീമില് കിട്ടുന്നത് ഇത്ര?, കണക്ക് ഇങ്ങനെ Nationwide Bank strike by employees on the 27th
ഒറ്റയടിക്ക് 1880 രൂപ കുറഞ്ഞു, റിവേഴ്സിട്ട് സ്വര്ണവില; 1,15,000ന് മുകളില്
കൊച്ചി: സംസ്ഥാനത്ത് റെക്കോര്ഡുകള് ഭേദിച്ച് കുതിക്കുന്ന സ്വര്ണവില ഉച്ചയോടെ ഇടിഞ്ഞു. ഇന്ന് രാവിലെ 3960 രൂപ ഉയര്ന്ന് പുതിയ ഉയരം കുറിച്ച സ്വര്ണവില ഉച്ചയോടെ 1880 രൂപയാണ് കുറഞ്ഞത്. 1,15, 240 രൂപയാണ് ഒരു പവന് സ്വര്ണത്തിന്റെ പുതിയ വില. ഗ്രാമിന് ആനുപാതികമായി 235 രൂപയാണ് കുറഞ്ഞത്. 14,405 രൂപയാണ് ഒരു ഗ്രാം സ്വര്ണത്തിന്റെ വില. ഇന്ന് രാവിലെ 3960 രൂപ വര്ധിച്ചതോടെ പവന് 1,17,000 കടന്ന സ്വര്ണവിലയാണ് ഉച്ചയോടെ കുറഞ്ഞത്. റെക്കോര്ഡുകള് ഭേദിച്ച് മുന്നേറിയിരുന്ന സ്വര്ണവില ഇന്നലെ ഇടിഞ്ഞിരുന്നു. പവന് ഒറ്റയടിക്ക് 1680 രൂപയാണ് കുറഞ്ഞത്. എന്നാല് ഈ ഇടിവ് താത്കാലികം മാത്രമാണ് എന്ന വ്യക്തമായ സൂചന നല്കിയാണ് ഇന്ന് രാവിലെ കുതിച്ചത്. മൂന്നാഴ്ചയ്ക്കിടെ പവന് വിലയില് 17000 രൂപയിലധികമാണ് വര്ധിച്ചത്. ഇതിന് പിന്നാലെയാണ് ഉച്ചയോടെ വില ഇടിഞ്ഞത്. ഡിസംബര് 23നാണ് സ്വര്ണവില ആദ്യമായി ഒരു ലക്ഷം കടന്നത്. അന്താരാഷ്ട്ര വിപണിയിലെ മാറ്റങ്ങളാണ് കേരളത്തിലെ സ്വര്ണ വിലയെ സ്വാധീനിക്കുന്നത്. ആഗോള വിപണിയില് നിലനില്ക്കുന്ന അസ്ഥിരത അടക്കമുള്ള ഘടകങ്ങളും സ്വര്ണവിലയില് പ്രതിഫലിക്കുന്നുണ്ട്. മകളുടെ ഭാവി സുരക്ഷിതമാക്കണോ?, വര്ഷം 80,000 രൂപ വീതം നിക്ഷേപിക്കൂ; ഈ സ്കീമില് കിട്ടുന്നത് ഇത്ര?, കണക്ക് ഇങ്ങനെ ഗ്രീന്ലാന്ഡിന്റെ നിയന്ത്രണം സംബന്ധിച്ച് എതിരഭിപ്രായം പറയുന്ന യൂറോപ്യന് രാജ്യങ്ങളില് നിന്നുള്ള ഉല്പ്പന്നങ്ങള്ക്ക് മേല് കൂടുതല് തീരുവ ചുമത്തുമെന്ന അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രഖ്യാപനമാണ് വിപണിയില് അസ്ഥിരതയ്ക്കുള്ള പ്രധാന കാരണം. ഈ പശ്ചാത്തലത്തില് സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് എത്തിയതാണ് വില ഇപ്പോഴും ഉയര്ന്നുനില്ക്കാന് കാരണം. 10 ലക്ഷം രൂപ വരെ പരിരക്ഷ; സഹകരണ ബാങ്കുകളിലെ നിക്ഷേപത്തിന് ഗാരന്റിത്തുക ഉയര്ത്തി kerala gold rate revised, gold rate decreased
ഉപ രിപഠനം ഉള്പ്പെടെ ഭാവിയില് പെണ്കുട്ടികളുടെ വിവിധ ആവശ്യങ്ങള് നിറവേറ്റാന് സഹായിക്കുന്ന ലഘുസമ്പാദ്യ പദ്ധതിയാണ് സുകന്യ സമൃദ്ധി യോജന. 2015ലാണ് പെണ്കുട്ടികളുടെ ക്ഷേമം മുന്നിര്ത്തി പദ്ധതി ആരംഭിച്ചത്. പത്തുവയസ് വരെയുള്ള പെണ്കുട്ടികളുടെ പേരില് പോസ്റ്റ് ഓഫീസ് വഴിയോ ബാങ്ക് മുഖേനയോ മാതാപിതാക്കള്ക്ക് അക്കൗണ്ട് തുടങ്ങാവുന്നതാണ്. വര്ഷം 250 രൂപയാണ് കുറഞ്ഞ നിക്ഷേപം. പ്രതിവര്ഷം ഒന്നരലക്ഷം രൂപ വരെ കുട്ടികളുടെ പേരില് അക്കൗണ്ടില് നിക്ഷേപിക്കാം. 8.2 ശതമാനമാണ് പലിശ. 15 വര്ഷമാണ് നിക്ഷേപ കാലാവധി. നിക്ഷേപിക്കുന്ന മുഴുവന് തുകയും ആദാനികുതി ഇളവിനായി പ്രയോജനപ്പെടുത്താവുന്നതാണ്. പണപ്പെരുപ്പനിരക്കുമായി താരതമ്യം ചെയ്യുമ്പോള് റിട്ടേണ് മെച്ചപ്പെട്ടതാണെന്നാണ് വിദഗ്ധര് പറയുന്നത്. ആദ്യത്തെ 15 വര്ഷത്തേക്ക് മാത്രമേ നിക്ഷേപം നടത്തേണ്ടതുള്ളൂ. അക്കൗണ്ട് തുറന്ന് 21 വര്ഷം ആകുമ്പോഴാണ് കാലാവധി പൂര്ത്തിയാകുന്നത്. എന്നാല് നിക്ഷേപ കാലാവധിയായ 15 വര്ഷം കഴിഞ്ഞാലും അക്കൗണ്ടില് പലിശ വരവ് വെയ്ക്കും. കുട്ടിക്ക് 18 വയസ്സ് തികയുമ്പോഴോ പത്താം ക്ലാസ് പാസാകുമ്പോഴോ അക്കൗണ്ടില് നിന്ന് 50 ശതമാനം വരെ പണം പിന്വലിക്കാം. പെണ്കുട്ടിക്ക് 18 വയസ്സ് തികയുകയും വിവാഹിതയാകുകയും ചെയ്താല്, അക്കൗണ്ടില് നിന്ന് മുഴുവന് പണവും എടുത്ത് അക്കൗണ്ട് അവസാനിപ്പിക്കാനുള്ള ഓപ്ഷനും ഉണ്ട്. ഒരു മെസേജ് മതി, ആധാര് ഇനി വാട്സ്ആപ്പിലും; ചെയ്യേണ്ടത് ഇത്രമാത്രം ചില പ്രത്യേക സാഹചര്യങ്ങളില് കാലാവധി പൂര്ത്തിയാവുന്നതിനു മുന്നേ അക്കൗണ്ട് ക്ലോസ് ചെയ്യാം. അതായത് അക്കൗണ്ട് കൈവശമുള്ള പെണ്കുട്ടിക്ക് ജീവന് ഭീഷണിയായ ഒരു രോഗം മൂലം ചികിത്സ ആവശ്യമായി വന്നാലോ, അക്കൗണ്ട് നടത്തുന്ന രക്ഷിതാവ് മരണപ്പെട്ടാലോ നേരത്തെ തന്നെ അക്കൗണ്ട് ക്ലോസ് ചെയ്യാന് അനുവാദമുണ്ട്. ഓരോ വര്ഷവും സുകന്യ സമൃദ്ധി യോജനയില് 80,000 രൂപ വീതം നിക്ഷേപിച്ചാല് അത് 15 വര്ഷം കൊണ്ട് 12 ലക്ഷം രൂപയായി വളരും. നിലവിലെ പലിശ നിരക്ക് 8.2 ശതമാനം കണക്കാക്കിയാല് കാലാവധി പൂര്ത്തിയാവുമ്പോള് ലഭിക്കുന്ന പലിശ വരുമാനം മാത്രം 24,94,708 രൂപയാണ്. അതായത് മെച്യൂരിറ്റി തുകയായി കിട്ടുന്നത് 36,94,708 രൂപയായിരിക്കും. പ്രതിവര്ഷം ഒന്നര ലക്ഷം രൂപ വീതം നിക്ഷേപിക്കുകയാണെങ്കില് 50ലക്ഷത്തിലധികം രൂപ സമ്പാദിക്കാനും ഇത് വഴി സാധിക്കും. 3,300 ജിബി ഹൈ-സ്പീഡ് ഡാറ്റ; പുതിയ പ്ലാനുമായി ബിഎസ്എന്എല് Can investing Rs 80,000 annually secure your daughter's future? Learn how Sukanya Samriddhi Yojana works
പൊന്നിന് തിളക്കം, 1,17,000 കടന്നു; ഒറ്റയടിക്ക് വര്ധിച്ചത് 4000 രൂപ
കൊച്ചി: സംസ്ഥാനത്ത് റെക്കോര്ഡുകള് ഭേദിച്ചുള്ള സ്വര്ണവിലയുടെ കുതിപ്പ് തുടരുന്നു. ഇന്ന് 3960 രൂപ വര്ധിച്ചതോടെ പവന് വില 1,17,000 കടന്നിരിക്കുകയാണ്. 1,17,120 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 495 രൂപയാണ് വര്ധിച്ചത്. 14,640 രൂപയാണ് ഒരു ഗ്രാം സ്വര്ണത്തിന്റെ വില. റെക്കോര്ഡുകള് ഭേദിച്ച് മുന്നേറിയിരുന്ന സ്വര്ണവില ഇന്നലെ ഇടിഞ്ഞിരുന്നു. പവന് ഒറ്റയടിക്ക് 1680 രൂപയാണ് കുറഞ്ഞത്. എന്നാല് ഈ ഇടിവ് താത്കാലികം മാത്രമാണ് എന്ന വ്യക്തമായ സൂചന നല്കിയാണ് ഇന്നത്തെ കുതിപ്പ്. മൂന്നാഴ്ചയ്ക്കിടെ പവന് വിലയില് 17000 രൂപയിലധികമാണ് വര്ധിച്ചത്. ഡിസംബര് 23നാണ് സ്വര്ണവില ആദ്യമായി ഒരു ലക്ഷം കടന്നത്. അന്താരാഷ്ട്ര വിപണിയിലെ മാറ്റങ്ങളാണ് കേരളത്തിലെ സ്വര്ണ വിലയെ സ്വാധീനിക്കുന്നത്. ആഗോള വിപണിയില് നിലനില്ക്കുന്ന അസ്ഥിരത അടക്കമുള്ള ഘടകങ്ങളും സ്വര്ണവിലയില് പ്രതിഫലിക്കുന്നുണ്ട്. 10 ലക്ഷം രൂപ വരെ പരിരക്ഷ; സഹകരണ ബാങ്കുകളിലെ നിക്ഷേപത്തിന് ഗാരന്റിത്തുക ഉയര്ത്തി ഗ്രീന്ലാന്ഡിന്റെ നിയന്ത്രണം സംബന്ധിച്ച് എതിരഭിപ്രായം പറയുന്ന യൂറോപ്യന് രാജ്യങ്ങളില് നിന്നുള്ള ഉല്പ്പന്നങ്ങള്ക്ക് മേല് കൂടുതല് തീരുവ ചുമത്തുമെന്ന അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രഖ്യാപനമാണ് വിപണിയില് അസ്ഥിരതയ്ക്കുള്ള പ്രധാന കാരണം. ഈ പശ്ചാത്തലത്തില് സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് എത്തിയതാണ് വില ഇപ്പോഴും ഉയര്ന്നുനില്ക്കാന് കാരണം. ഒരു മെസേജ് മതി, ആധാര് ഇനി വാട്സ്ആപ്പിലും; ചെയ്യേണ്ടത് ഇത്രമാത്രം Kerala gold rate on 23 january 2026, gold rate in record level
10 ലക്ഷം രൂപ വരെ പരിരക്ഷ; സഹകരണ ബാങ്കുകളിലെ നിക്ഷേപത്തിന് ഗാരന്റിത്തുക ഉയര്ത്തി
തിരുവനന്തപുരം: സംസ്ഥാനത്തെ സഹകരണ ബാങ്കുകളിലെയും സഹകരണ സംഘങ്ങളിലെയും നിക്ഷേപത്തിന് ഗാരന്റിത്തുക ഉയര്ത്തി സര്ക്കാര് വിജ്ഞാപനമിറക്കി. 10 ലക്ഷം രൂപയാണ് നിക്ഷേപ പരിരക്ഷ. വാണിജ്യബാങ്കുകളിലെ നിക്ഷേപത്തിന് കേന്ദ്ര നിക്ഷേപഗാരന്റി കോര്പ്പറേഷന് നല്കുന്ന പരിരക്ഷ അഞ്ചുലക്ഷമാണ്. സഹകരണ നിക്ഷേപ ഗാരന്റി ഫണ്ട് ബോര്ഡാണ് നിക്ഷേപത്തിന് സുരക്ഷയൊരുക്കുന്ന സ്ഥാപനം. സഹകരണബാങ്കുകള് പൂട്ടല് നടപടിയിലേക്കുപോകുന്ന ഘട്ടത്തിലാണ് ബോര്ഡ് പണം നല്കുക എന്നാണ് വ്യവസ്ഥ. എന്നാല്, പൂട്ടല്നടപടി വൈകുന്നത് നിക്ഷേപകര്ക്ക് ഗാരന്റിത്തുക ലഭിക്കാനും കാലതാമസം ഉണ്ടാക്കും. റെക്കോര്ഡുകള് ഭേദിച്ച സ്വര്ണവില താഴേക്ക്; പവന് ഒറ്റയടിക്ക് 1680 രൂപ കുറഞ്ഞു സഹകരണ നിക്ഷേപങ്ങള്ക്ക് പരിരക്ഷ കൂട്ടണമെങ്കില് ബോര്ഡിന് കൂടുതല് സാമ്പത്തിക സ്ഥിതിയുണ്ടാക്കണമെന്ന് ഭരണസമിതി നേരത്തേ ചൂണ്ടിക്കാട്ടിയിരുന്നു. ഇതംഗീകരിച്ച് സര്ക്കാര്, ഓരോ വര്ഷവും അധികമായിവരുന്ന നിക്ഷേപത്തിനുമാത്രം വിഹിതം നല്കിയാല്മതിയെന്ന വ്യവസ്ഥ മാറ്റി 2025 ഏപ്രില്മുതല് മൊത്തം നിക്ഷേപത്തിന് 100 രൂപയ്ക്ക് രണ്ടുപൈസ നിരക്കിലും 2026 ഏപ്രില്മുതല് നാലുപൈസനിരക്കിലും വിഹിതം നല്കണമെന്നാക്കി. സഹകരണബാങ്കുകള്ക്കും സംഘങ്ങള്ക്കും വലിയ സാമ്പത്തികബാധ്യത വരുമെന്നതിനാല് സഹകാരികള് പ്രതിഷേധം അറിയിച്ചു. പ്രതിസന്ധിനേരിടുന്ന സഹകരണ ബാങ്കുകള്ക്ക് സഹായം നല്കാനുള്ള ഫണ്ട് കണ്ടെത്താന് സഹകരണ ബാങ്കുകളില് അവകാശികളില്ലാത്ത നിക്ഷേപം ബോര്ഡിന് കൈമാറണമെന്നും വ്യവസ്ഥ കൊണ്ടുവന്നിട്ടുണ്ട്. പത്തുവര്ഷമായി അവകാശികളെത്താത്ത നിക്ഷേപം ഏകദേശം 700 കോടിയോളം രൂപയുണ്ടെന്നാണ് കണക്കാക്കുന്നത്. Kerala Govt raises co-op bank deposit insurance to ₹10 Lakh, offering better security than commercial banks
റെക്കോര്ഡുകള് ഭേദിച്ച സ്വര്ണവില താഴേക്ക്; പവന് ഒറ്റയടിക്ക് 1680 രൂപ കുറഞ്ഞു
കൊച്ചി: റെക്കോര്ഡുകള് ഭേദിച്ച സ്വര്ണവില താഴേക്ക്. പവന് ഒറ്റയടിക്ക് 1680 രൂപയാണ് കുറഞ്ഞത്. ഒരു പവന് സ്വര്ണത്തിന്റെ ഇന്നത്തെ വില 1,13,160 രൂപ. ഗ്രാമിന് 210 രൂപയാണ് കുറഞ്ഞത്. 14,145 രൂപയാണ് ഒരു ഗ്രാം സ്വര്ണത്തിന്റെ ഇന്നത്തെ വില. ഇന്നലെ രണ്ടു തവണകളായി 5480 രൂപയുടെ വര്ധനവാണ് സ്വര്ണവിലയിലുണ്ടായത്. മൂന്നാഴ്ചയ്ക്കിടെ പവന് വിലയില് 15000 രൂപയിലധികമാണ് വര്ധിച്ചത്. രണ്ടുദിവസത്തെ കണക്ക് നോക്കിയാല് ഏകദേശം 8500ലധികം രൂപയാണ് കൂടിയത്. 3,300 ജിബി ഹൈ-സ്പീഡ് ഡാറ്റ; പുതിയ പ്ലാനുമായി ബിഎസ്എന്എല് ഡിസംബര് 23നാണ് സ്വര്ണവില ആദ്യമായി ഒരു ലക്ഷം കടന്നത്. അന്താരാഷ്ട്ര വിപണിയിലെ മാറ്റങ്ങളാണ് കേരളത്തിലെ സ്വര്ണ വിലയെ സ്വാധീനിക്കുന്നത്. ആഗോള വിപണിയില് നിലനില്ക്കുന്ന അസ്ഥിരത അടക്കമുള്ള ഘടകങ്ങളും സ്വര്ണവിലയില് പ്രതിഫലിക്കുന്നുണ്ട്. ഒരു മെസേജ് മതി, ആധാര് ഇനി വാട്സ്ആപ്പിലും; ചെയ്യേണ്ടത് ഇത്രമാത്രം ഗ്രീന്ലാന്ഡിന്റെ നിയന്ത്രണം സംബന്ധിച്ച് എതിരഭിപ്രായം പറയുന്ന യൂറോപ്യന് രാജ്യങ്ങളില് നിന്നുള്ള ഉല്പ്പന്നങ്ങള്ക്ക് മേല് കൂടുതല് തീരുവ ചുമത്തുമെന്ന അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രഖ്യാപനമാണ് വിപണിയില് അസ്ഥിരതയ്ക്കുള്ള പ്രധാന കാരണം. ഈ പശ്ചാത്തലത്തില് സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് എത്തിയതാണ് വില ഇപ്പോഴും ഉയര്ന്നുനില്ക്കാന് കാരണം. Kerala gold rate on 22 january 2025
കൊച്ചി: സംസ്ഥാനത്ത് റെക്കോര്ഡുകള് ഭേദിച്ചുള്ള സ്വര്ണവിലയുടെ കുതിപ്പ് തുടരുന്നു. ഇന്നലെ മൂന്നു തവണകളായി പവന് 3,160 രൂപ വര്ധിച്ച സ്വര്ണവില ഇന്ന് രണ്ടു തവണകളായി 5480 രൂപയാണ് വര്ധിച്ചത്. 1,15,320 രൂപയാണ് ഒരു പവന് സ്വര്ണത്തിന്റെ പുതിയ വില. മൂന്നാഴ്ചയ്ക്കിടെ പവന് വിലയില് 15000 രൂപയിലധികമാണ് വര്ധിച്ചത്. രണ്ടുദിവസത്തെ കണക്ക് നോക്കിയാല് ഏകദേശം 8500ലധികം രൂപയാണ് കൂടിയത്. ഗ്രാമിന് ഇന്ന് രണ്ടു തവണകളായി 685 രൂപയാണ് കൂടിയത്. 14,415 രൂപയാണ് ഒരു ഗ്രാം സ്വര്ണത്തിന്റെ പുതുക്കിയ വില. ഡിസംബര് 23നാണ് സ്വര്ണവില ആദ്യമായി ഒരു ലക്ഷം കടന്നത്. അന്താരാഷ്ട്ര വിപണിയിലെ മാറ്റങ്ങളാണ് കേരളത്തിലെ സ്വര്ണ വിലയെ സ്വാധീനിക്കുന്നത്. ആഗോള വിപണിയില് നിലനില്ക്കുന്ന അസ്ഥിരത അടക്കമുള്ള ഘടകങ്ങളാണ് സ്വര്ണവിലയില് പ്രതിഫലിക്കുന്നത്. ഒരു മെസേജ് മതി, ആധാര് ഇനി വാട്സ്ആപ്പിലും; ചെയ്യേണ്ടത് ഇത്രമാത്രം ഗ്രീന്ലാന്ഡിന്റെ നിയന്ത്രണം സംബന്ധിച്ച് എതിരഭിപ്രായം പറയുന്ന യൂറോപ്യന് രാജ്യങ്ങളില് നിന്നുള്ള ഉല്പ്പന്നങ്ങള്ക്ക് മേല് കൂടുതല് തീരുവ ചുമത്തുമെന്ന അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രഖ്യാപനമാണ് വിപണിയില് അസ്ഥിരതയ്ക്കുള്ള പ്രധാന കാരണം. ഈ പശ്ചാത്തലത്തില് സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് എത്തിയതാണ് വില ഇപ്പോഴും ഉയര്ന്നുനില്ക്കാന് കാരണം. 3,300 ജിബി ഹൈ-സ്പീഡ് ഡാറ്റ; പുതിയ പ്ലാനുമായി ബിഎസ്എന്എല് kerala gold rate today, gold rate in record level
കൂപ്പുകുത്തി രൂപ; സര്വകാല റെക്കോര്ഡ് താഴ്ചയില്, ഒറ്റയടിക്ക് ഇടിഞ്ഞത് 31 പൈസ
മുംബൈ: ഡോളറിനെതിരെ രൂപ സര്വകാല റെക്കോര്ഡ് താഴ്ചയില്. ഇന്ന് വ്യാപാരത്തിന്റെ തുടക്കത്തില് 31 പൈസ ഇടിഞ്ഞതോടെയാണ് രൂപ താഴ്ചയില് റെക്കോര്ഡിട്ടത്. 91.28 എന്ന നിലയിലേക്കാണ് രൂപ കൂപ്പുകുത്തിയത്. ഡോളര് ആവശ്യകത വര്ധിച്ചതും ആഗോള വിപണിയില് നിലനില്ക്കുന്ന ആശങ്കകളുമാണ് രൂപയെ ബാധിച്ചത്. ഇതിന് പുറമേ ഇന്ത്യന് ഓഹരി വിപണിയില് നിന്ന് വിദേശ നിക്ഷേപത്തിന്റെ പുറത്തേയ്ക്കുള്ള ഒഴുക്കും വിപണിയില് പ്രതിഫലിച്ചു. ഇന്നലെ ഏഴു പൈസയുടെ നഷ്ടത്തോടെ 90.97 എന്ന നിലയിലാണ് രൂപ ക്ലോസ് ചെയ്തത്. ഗ്രീന്ലാന്ഡിന്റെ നിയന്ത്രണവുമായി ബന്ധപ്പെട്ട് അമേരിക്കന് പ്രസിഡന്റ് ഡോണള്ഡ് ട്രംപിന്റെ വാക്കുകള് വ്യാപാര യുദ്ധത്തിന് വീണ്ടും തീ പകര്ന്നിരിക്കുകയാണ്. അമേരിക്കന് നിലപാടിന് എതിരായി യൂറോപ്യന് രാജ്യങ്ങള് നിന്നാല്, ഈ രാജ്യങ്ങളില് നിന്ന് ഇറക്കുമതി ചെയ്യുന്ന ഉല്പ്പന്നങ്ങള്ക്ക് മേല് അധിക തീരുവ ചുമത്തുമെന്നാണ് ട്രംപ് പ്രഖ്യാപിച്ചത്. ഇതിനെ തുടര്ന്ന് ആഗോള വിപണിയില് നിലനില്ക്കുന്ന അസ്ഥിരതയാണ് രൂപയുടെ മൂല്യത്തില് പ്രതിഫലിച്ചത്. സ്വര്ണവില എങ്ങോട്ട്?, ഒറ്റയടിക്ക് വര്ധിച്ചത് 3680 രൂപ; പുതിയ ഉയരം ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വില ബാരലിന് 64 ഡോളറിന് മുകളിലാണ്. 60 ഡോളര് ഉണ്ടായിരുന്ന ക്രൂഡ് വിലയാണ് ഓരോ ദിവസം കഴിയുന്തോറും വര്ധിച്ച് വരുന്നത്. ഇതിന് പുറമേ ഓഹരി വിപണിയും നഷ്ടത്തിലാണ്. ബിഎസ്ഇ സെന്സെക്സ് 300ലധികം പോയിന്റ് ആണ് താഴ്ന്നത്. വിദേശ നിക്ഷേപത്തിന്റെ പുറത്തേയ്ക്കുള്ള ഒഴുക്ക് അടക്കമുള്ള ഘടകങ്ങളാണ് ഓഹരി വിപണിയെ ബാധിച്ചത്. ഒരു മെസേജ് മതി, ആധാര് ഇനി വാട്സ്ആപ്പിലും; ചെയ്യേണ്ടത് ഇത്രമാത്രം Rupee falls 31 paise to all-time low, Sensex declines 350 pts, Nifty at 25,150
സ്വര്ണവില എങ്ങോട്ട്?, ഒറ്റയടിക്ക് വര്ധിച്ചത് 3680 രൂപ; പുതിയ ഉയരം
കൊച്ചി: സംസ്ഥാനത്ത് റെക്കോര്ഡുകള് ഭേദിച്ചുള്ള സ്വര്ണവിലയുടെ കുതിപ്പ് തുടരുന്നു. ഇന്നലെ മൂന്നു തവണകളായി പവന് 3,160 രൂപ വര്ധിച്ച സ്വര്ണവില ഇന്ന് 3680 രൂപയാണ് കൂടിയത്. 1,13,520 രൂപയാണ് ഇന്ന് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 460 രൂപയാണ് വര്ധിച്ചത്. 14,190 രൂപയാണ് ഒരു ഗ്രാം സ്വര്ണത്തിന്റെ വില. ഡിസംബര് 23നാണ് സ്വര്ണവില ആദ്യമായി ഒരു ലക്ഷം കടന്നത്. അന്താരാഷ്ട്ര വിപണിയിലെ മാറ്റങ്ങളാണ് കേരളത്തിലെ സ്വര്ണ വിലയെ സ്വാധീനിക്കുന്നത്. ആഗോള വിപണിയില് നിലനില്ക്കുന്ന അസ്ഥിരത അടക്കമുള്ള ഘടകങ്ങളാണ് സ്വര്ണവിലയില് പ്രതിഫലിക്കുന്നത്. ഒരു മെസേജ് മതി, ആധാര് ഇനി വാട്സ്ആപ്പിലും; ചെയ്യേണ്ടത് ഇത്രമാത്രം ഗ്രീന്ലാന്ഡിന്റെ നിയന്ത്രണം സംബന്ധിച്ച് എതിരഭിപ്രായം പറയുന്ന യൂറോപ്യന് രാജ്യങ്ങളില് നിന്നുള്ള ഉല്പ്പന്നങ്ങള്ക്ക് മേല് കൂടുതല് തീരുവ ചുമത്തുമെന്ന അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രഖ്യാപനമാണ് വിപണിയില് അസ്ഥിരതയ്ക്കുള്ള പ്രധാന കാരണം. ഈ പശ്ചാത്തലത്തില് സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് എത്തിയതാണ് വില ഇപ്പോഴും ഉയര്ന്നുനില്ക്കാന് കാരണം. 3,300 ജിബി ഹൈ-സ്പീഡ് ഡാറ്റ; പുതിയ പ്ലാനുമായി ബിഎസ്എന്എല് kerala gold rate today, gold rate in record level
സ്വര്ണവില കുതിക്കുന്നു; ഒറ്റയടിക്ക് വര്ധിച്ചത് 3,160 രൂപ; ഒരു പവന് 1,10,400 രൂപ
കൊച്ചി: സംസ്ഥാനത്ത് റെക്കോര്ഡുകള് ഭേദിച്ചുള്ള സ്വര്ണവിലയുടെ കുതിപ്പ് തുടരുന്നു. ഇന്ന് മൂന്നു തവണയായി പവന് 3,160 രൂപ വര്ധിച്ചതോടെ പുതിയ ഉയരം കുറിച്ചിരിക്കുകയാണ് സ്വര്ണവില. 1,10,400 രൂപയാണ് ഒരു പവന് സ്വര്ണത്തിന്റെ വില. 13,800 രൂപയാണ് ഒരു ഗ്രാം സ്വര്ണത്തിന്റെ വില. 3,300 ജിബി ഹൈ-സ്പീഡ് ഡാറ്റ; പുതിയ പ്ലാനുമായി ബിഎസ്എന്എല് ഇന്നലെയും രണ്ടു തവണകളായി 1800 രൂപയാണ് വര്ധിച്ചത്. തിങ്കളാഴ്ച രാവിലെ 1400 രൂപ വര്ധിച്ചതോടെ സര്വകാല റെക്കോര്ഡിട്ട സ്വര്ണവില റെക്കോര്ഡുകള് തിരുത്തി കുതിക്കുന്ന കാഴ്ചയാണ് കണ്ടത്. 14ന് രേഖപ്പെടുത്തിയ 1,05,600 എന്ന റെക്കോര്ഡ് ആണ് ഇന്നലെ തിരുത്തിയത്. ഡിസംബര് 23നാണ് സ്വര്ണവില ആദ്യമായി ഒരു ലക്ഷം കടന്നത്. അന്താരാഷ്ട്ര വിപണിയിലെ മാറ്റങ്ങളാണ് കേരളത്തിലെ സ്വര്ണ വിലയെ സ്വാധീനിക്കുന്നത്. സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് എത്തിയതാണ് വില ഇപ്പോഴും ഉയര്ന്നുനില്ക്കാന് കാരണം. kerala gold rate today, gold rate in record level
ഒരു മെസേജ് മതി, ആധാര് ഇനി വാട്സ്ആപ്പിലും; ചെയ്യേണ്ടത് ഇത്രമാത്രം
ദൈനം ദിന ജീവിതത്തില് ഒഴിച്ചുകൂടാന് പറ്റാത്ത ഒന്നായി ഇപ്പോള് ആധാര് മാറിയിട്ടുണ്ട്. സര്ക്കാരിന്റെ അടക്കം എല്ലാ പ്രധാനപ്പെട്ട കാര്യങ്ങള്ക്കും ആധാര് ചോദിക്കുന്നുണ്ട്. ബാങ്ക് അക്കൗണ്ട് തുറക്കുന്നതിനായാലും സിം കാര്ഡ് എടുക്കുന്നതിനായാലും സര്ക്കാര് പദ്ധതികള്ക്ക് അപേക്ഷിക്കുന്നതിനായാലും എല്ലായിടത്തും ആധാറിന്റെ പകര്പ്പ് ആവശ്യമാണ്. നിലവില് യുഐഡിഎഐയുടെ വെബ്സൈറ്റ് സന്ദര്ശിച്ചോ ഡിജിലോക്കര് മൊബൈല് ആപ്ലിക്കേഷന് ഓപ്പണ് ചെയ്തോ ആണ് ആധാര് കാര്ഡ് ഡൗണ്ലോഡ് ചെയ്യുന്നത്. ഈ പ്രക്രിയ പലര്ക്കും അല്പ്പം ബുദ്ധിമുട്ടുള്ളതാണ്. ഇപ്പോള്, യുഐഡിഎഐ ഈ പ്രക്രിയ ലളിതമാക്കിയിരിക്കുകയാണ്. ആധാര് കാര്ഡിന്റെ പിഡിഎഫ് പകര്പ്പ് ഇപ്പോള് വാട്സ്ആപ്പില് നിന്ന് നേരിട്ട് ഡൗണ്ലോഡ് ചെയ്യാന് കഴിയുന്ന സംവിധാനമാണ് കേന്ദ്രസര്ക്കാര് ഒരുക്കിയിരിക്കുന്നത്. ഉപയോക്താക്കള് യുഐഡിഎഐയുടെ വാട്സ്ആപ്പ് നമ്പറായ +91-9013151515 എന്ന നമ്പറിലേക്ക് 'ഹായ്' എന്ന് അയച്ചാല് മതി. ഇത് ആധാറുമായി ബന്ധപ്പെട്ട വിവിധ സേവനങ്ങള്ക്കുള്ള ഓപ്ഷനുകള് വാഗ്ദാനം ചെയ്യുന്ന ഒരു ഓട്ടോമേറ്റഡ് ചാറ്റ് ആരംഭിക്കും. ആദ്യം, ഡിജിലോക്കര് ഓപ്ഷന് തെരഞ്ഞെടുക്കുക. ഉടന് തന്നെ ഡിജിലോക്കര് ഉപയോഗിച്ച് ഒരു അക്കൗണ്ട് സൃഷ്ടിക്കുന്നത് സ്ഥിരീകരിക്കാന് ആവശ്യപ്പെടും. ഡിജിലോക്കര് അക്കൗണ്ട് വിജയകരമായി സൃഷ്ടിച്ചുകഴിഞ്ഞാല്, 12 അക്ക ആധാര് തിരിച്ചറിയല് നമ്പര് നല്കേണ്ടതുണ്ട്. ആധാര് കാര്ഡ് രജിസ്റ്റര് ചെയ്യുന്ന സമയത്ത് നല്കിയ മൊബൈല് നമ്പറിലേക്ക് എസ്എംഎസ് വഴി ഒരു ഒടിപി ലഭിക്കും. ഐഡന്റിറ്റി പരിശോധിക്കാന് ഈ ഒടിപി ആവശ്യമാണ്.പരിശോധിച്ചുറപ്പിച്ചതിന് ശേഷം, ആധാറുമായി ബന്ധപ്പെട്ട എല്ലാ രേഖകളുടെയും ഒരു ലിസ്റ്റ് ദൃശ്യമാകും. തുടര്ന്ന് പിഡിഎഫ് ഫോര്മാറ്റില് ഡൗണ്ലോഡ് ചെയ്യാന് ആധാര് എന്ന ഓപ്ഷന് തെരഞ്ഞെടുക്കുന്നതോടെ നടപടിക്രമം പൂര്ത്തിയാകും. 3,300 ജിബി ഹൈ-സ്പീഡ് ഡാറ്റ; പുതിയ പ്ലാനുമായി ബിഎസ്എന്എല് ഈ സേവനം ഒരേ സമയം ഒരു പിഡിഎഫ് അല്ലെങ്കില് ഡോക്യുമെന്റ് മാത്രമേ ഡൗണ്ലോഡ് ചെയ്യാന് അനുവദിക്കുന്നുള്ളൂ. വാട്സ്ആപ്പ് ഡൗണ്ലോഡ് ഓപ്ഷന് ഉപയോഗിക്കുന്നതിന് മുമ്പ് ആധാര് നമ്പര് ഡിജിലോക്കറുമായി ലിങ്ക് ചെയ്തിരിക്കേണ്ടതും ആവശ്യമാണ്. എന്നിരുന്നാലും, ആധാര് ഡിജിലോക്കര് അക്കൗണ്ടില് കാണിക്കുന്നില്ലെങ്കില്, വാട്സ്ആപ്പ് ഫീച്ചര് ഉപയോഗിക്കുന്നതിന് മുമ്പ് ഡിജിലോക്കര് ആപ്പ് വഴിയോ ഔദ്യോഗിക വെബ്സൈറ്റിലോ അത് അവിടെ ലിങ്ക് ചെയ്യാവുന്നതാണ്. യുപിഐയില് പണം അയച്ചിട്ട് പരാജയപ്പെട്ടോ? തുക തിരികെയെത്തിയില്ലേ?, നഷ്ടപരിഹാരം ലഭിക്കും Aadhaar card on WhatsApp: Now download your Aadhaar through WhatsApp, know the step-by-step guide here
റെക്കോര്ഡ് ഭേദിച്ച് സ്വര്ണവിലയുടെ കുതിപ്പ്; ഒറ്റയടിക്ക് വര്ധിച്ചത് 760 രൂപ
കൊച്ചി: സംസ്ഥാനത്ത് റെക്കോര്ഡുകള് ഭേദിച്ചുള്ള സ്വര്ണവിലയുടെ കുതിപ്പ് തുടരുന്നു. ഇന്ന് പവന് 760 രൂപ വര്ധിച്ചതോടെ പുതിയ ഉയരം കുറിച്ചിരിക്കുകയാണ് സ്വര്ണവില. 1,08,000 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 95 രൂപയാണ് വര്ധിച്ചത്. 13,500 രൂപയാണ് ഒരു ഗ്രാം സ്വര്ണത്തിന്റെ വില. ഇന്നലെ രണ്ടു തവണകളായി 1800 രൂപയാണ് വര്ധിച്ചത്. തിങ്കളാഴ്ച രാവിലെ 1400 രൂപ വര്ധിച്ചതോടെ സര്വകാല റെക്കോര്ഡിട്ട സ്വര്ണവില റെക്കോര്ഡുകള് തിരുത്തി കുതിക്കുന്ന കാഴ്ചയാണ് കണ്ടത്. 14ന് രേഖപ്പെടുത്തിയ 1,05,600 എന്ന റെക്കോര്ഡ് ആണ് ഇന്നലെ തിരുത്തിയത്. ഇന്ന് രണ്ടു തവണയായി വര്ധിച്ചത് 5480 രൂപ; സ്വര്ണത്തിലേക്ക് ഒഴുകിയെത്തി നിക്ഷേപകര്, റെക്കോര്ഡ് ഉയരത്തില് ഡിസംബര് 23നാണ് സ്വര്ണവില ആദ്യമായി ഒരു ലക്ഷം കടന്നത്. അന്താരാഷ്ട്ര വിപണിയിലെ മാറ്റങ്ങളാണ് കേരളത്തിലെ സ്വര്ണ വിലയെ സ്വാധീനിക്കുന്നത്. സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് എത്തിയതാണ് വില ഇപ്പോഴും ഉയര്ന്നുനില്ക്കാന് കാരണം. വീട് വാങ്ങാന് പോവുകയാണോ?, കടത്തില് മുങ്ങാതിരിക്കാന് ഇതാ ഒരു ഫോര്മുല; 3/20/30/40 റൂള് എന്ത്? kerala gold rate today, gold rate in record level വെള്ളിവില വെള്ളി വിലയും പുതിയ ഉയരത്തിലാണ്. ഇന്ന് കിലോഗ്രാമിന് 12,000 രൂപയാണ് വര്ധിച്ചത്. 3,30,000 രൂപയാണ് ഒരു കിലോ വെള്ളിയുടെ വില. ഗ്രാമിന് 12 രൂപ വര്ധിച്ച് 330 രൂപയായി.