സാദിഖലി തങ്ങളെ വിമർശിക്കാൻ പാടില്ല എന്നത്‌ അസംബന്ധം; ഡോ. കെ ടി ജലീൽ എഴുതുന്നു

പാണക്കാട് പ്രേമികൾക്ക്വിമർശനം സഹിക്കുന്നില്ലെങ്കിൽ ലീഗ് പ്രസിഡണ്ടിൻ്റെ സ്ഥാനത്തു നിന്ന് സാദിഖലി തങ്ങളെ മാറ്റി കുഞ്ഞാലിക്കുട്ടി സാഹിബിനെ സംസ്ഥാന അദ്ധ്യക്ഷനാക്കുന്നതാകും നല്ലത്? പാണക്കാട് തങ്ങൻമാരെ രാഷ്ട്രീയ നേതൃത്വം കയ്യാളുന്നതിൽ നിന്ന് ഒഴിവാക്കി നിർത്തി, മത സംഘടനാ നേതൃത്വത്തിലും ''ഖാളി ഫൗണ്ടേഷനിലും പതിമിതപ്പെടുത്തിയാൽ മാത്രമേ അവർ വിമർശനത്തിന് അതീതരാകൂ! - ഡോ. കെ ടി ജലീൽ എഴുതുന്നു. ഡോ. കെ ടി ജലീലിന്റെ ഫെയ്സ്ബുക്ക് പോസ്റ്റിന്റെ പൂർണരൂപം മുഖ്യമന്ത്രിയുടെ പ്രസ്താവനയും ലീഗിൻ്റെ പിടച്ചിലും! സി.പി.ഐ എമ്മും കോൺഗ്രസ്സും കഴിഞ്ഞാൽ കേരളത്തിലെ മൂന്നാമത്തെ ശക്തിയുള്ള രാഷ്ട്രീയ പാർട്ടിയാണ് മുസ്ലിം ലീഗ്. അതിൻ്റെ സംസ്ഥാന പ്രസിഡണ്ടാണ് പാണക്കാട് സയ്യിദ് സാദിഖലി തങ്ങൾ. അദ്ദേഹത്തെ വിമർശിക്കാൻ പാടില്ലെന്ന മട്ടിൽ ചില പ്രസ്താവനകളൊക്കെ കണ്ടു. മുഖ്യമന്ത്രിയേയും എതിർ രാഷ്ട്രീയ പാർട്ടികളെയും സാദിഖലി തങ്ങൾ വിമർശിച്ചാൽ അതേ നാണത്തിൽ തങ്ങളെയും മുസ്ലിംലീഗിനെയും വിമർശിക്കും. ഇങ്ങോട്ട് പറഞ്ഞാൽ അങ്ങോട്ട് പറയുന്നതും കേൾക്കേണ്ടി വരും. വിമർശിക്കപ്പെടരുത് എന്ന് നിർബന്ധമുണ്ടെങ്കിൽ വിമർശനം ക്ഷണിച്ചു വരുത്തുന്ന പ്രസ്താവനകളിൽ നിന്നും രാഷ്ട്രീയ പ്രചരണ പ്രവർത്തനങ്ങളിൽ നിന്നും സാദിഖലി തങ്ങൾ മാറി നിൽക്കുകയാണ് വേണ്ടത്. മുഖ്യമന്ത്രി എന്താ പറഞ്ഞത്....? മുസ്ലീം ലീഗ് പ്രസിഡന്റ് സാദിഖലി തങ്ങൾ ജമാ അത്തെ ഇസ്ലാമി അംഗത്തെ പോലെ സംസാരിക്കുന്നു. നേരത്തേ ഉള്ള തങ്ങൾ എല്ലാവരാലും ആദരിക്കപ്പെട്ടയാൾ ആയിരുന്നു. ഈ പ്രസ്താവനയിൽ ലീഗ് നേതാക്കൾ തെറ്റുകാണുന്നത് എവിടെയാണ്? ജമാഅത്തെ ഇസ്ലാമി അംഗം സംസാരിക്കുന്ന പോലെ സംസാരിക്കുന്നു എന്നുള്ളത് അത്രക്ക് അപരാധമായിട്ടാണോ ലീഗ് കരുതുന്നത്. സമീകരണത്തിന് പോലും അർഹതയില്ലാത്ത ജമാഅത്തെ ഇസ്ലാമിയെ എന്തിനാണ് ലീഗ് സ്വന്തം ആലയിൽ കെട്ടിയിരിക്കുന്നത്? ജനങ്ങൾക്കിടയിൽ ചേരിതിരിവുണ്ടാക്കലാണ് ജമാഅത്തിൻ്റെ ആത്യന്തിക ലക്ഷ്യം എന്നറിഞ്ഞിട്ടും ലീഗ് സി.എച്ചിൻ്റെ വഴിയിൽ നിന്ന് വ്യതിചലിക്കുന്നത് കാണുമ്പോൾ അഭ്യുദയകാംക്ഷികൾക്ക് പ്രയാസം തോന്നുക സ്വാഭാവികം! സംഘിഭാഷയാണ് പിണറായിയുടേത് എന്ന് ലീഗിന് പറയാമെങ്കിൽ ജമാഅത്തെ ഇസ്ലാമി അംഗത്തെ പോലെയാണ് സാദിഖലി തങ്ങൾ സംസാരിക്കുന്നത് എന്നു പറയാൻ മറുഭാഗത്തുള്ളവർക്കും അവകാശമില്ലേ? ഒരു പാലമിടുന്നത് അങ്ങോട്ടും ഇങ്ങോട്ടും കടക്കാനാണ്. ആ ഓർമ്മ എല്ലാവർക്കും വേണം. പാണക്കാട് പ്രേമികൾക്ക്വിമർശനം സഹിക്കുന്നില്ലെങ്കിൽ ലീഗ് പ്രസിഡണ്ടിൻ്റെ സ്ഥാനത്തു നിന്ന് സാദിഖലി തങ്ങളെ മാറ്റി കുഞ്ഞാലിക്കുട്ടി സാഹിബിനെ സംസ്ഥാന അദ്ധ്യക്ഷനാക്കുന്നതാകും നല്ലത്? പാണക്കാട് തങ്ങൻമാരെ രാഷ്ട്രീയ നേതൃത്വം കയ്യാളുന്നതിൽ നിന്ന് ഒഴിവാക്കി നിർത്തി, മത സംഘടനാ നേതൃത്വത്തിലും ''ഖാളി ഫൗണ്ടേഷനിലും പതിമിതപ്പെടുത്തിയാൽ മാത്രമേ അവർ വിമർശനത്തിന് അതീതരാകൂ! അങ്കത്തട്ടിൽ കളരിക്കിറങ്ങിയ ചേകവരെ തൊടാൻ പാടില്ലെന്ന് പറയും പോലെ അസംബന്ധമാണ് രാഷ്ട്രീയക്കളരിയിൽ സജീവമായി നിൽക്കുന്ന സാദിഖലി തങ്ങളെ വിമർശിക്കാൻ പാടില്ലെന്നത്. അന്തരിച്ച ആര്യാടൻ മുഹമ്മദിനോളം പാണക്കാട് കുടുംബത്തെ അധിക്ഷേപിച്ചവർ മറ്റാരും ഉണ്ടായിട്ടില്ല. അന്നെന്തേ ലീഗ് നേതാക്കളുടെയും കോൺഗ്രസ് നേതാക്കളുടെയും നാക്ക് പൊങ്ങിയില്ല? കൊടപ്പനക്കൽ തറവാട്ടിലെ തങ്ങൻമാരെ പണ്ടത്തെ അഖിലേന്ത്യാലീഗ് (വിമതലീഗ്) നേതാക്കൾ അപഹസിച്ച പോലെ മറ്റാരും പരിഹസിക്കുകയോ അധിക്ഷേപിക്കുകയോ ചെയ്തിട്ടുണ്ടാവില്ല. അവരെല്ലാം ഇന്ന് ലീഗ് നേതൃനിരയിലെ പ്രമുഖൻമാരാണ്. അവരെയൊക്കെ നേരിട്ടിട്ട് പോരേ നാട്ടുകാരുടെ മെക്കട്ട് കയറൽ! തുർക്കിയിലെ ''അയാസോഫിയവിഷയത്തിൽ ജമാഅത്തെ ഇസ്ലാമിയുടെ അതേ അഭിപ്രായമാണ് സാദിഖലി തങ്ങൾ ഏറ്റെടുത്ത് ലേഖനമാക്കി ചന്ദ്രികയിൽ പ്രസിദ്ധീകരിച്ചത്. അതിൻ്റെ അവസാന പാരഗ്രാഫ് ഇങ്ങിനെ വായിക്കാം: ഭരണപക്ഷം പ്രതിപക്ഷം എന്ന വ്യത്യാസമില്ലാതെ തുർക്കി ജനത ഒന്നടങ്കം ആവശ്യപ്പെട്ട, ടർക്കിഷ് റിപബ്ലിക്കിൻ്റെ രേഖകളിൽ പള്ളിയായിത്തന്നെ റജിസ്റ്റർ ചെയ്യപ്പെട്ട, റിപബ്ലിക്കിൻ്റെ ആദ്യത്തെ ആറുവർഷം പള്ളിയായി നിലനിന്ന ആരാധനാലയം വിശ്വാസികൾക്ക് തുറന്നുകൊടുക്കാതിരിക്കലല്ലേ യഥാർത്ഥത്തിൽ ജനാധിപത്യ വിരുദ്ധം. ആരാധനാലയങ്ങളും പള്ളികളും താഴിട്ടുപൂട്ടുന്ന പാശ്ചാത്യ മതേതരത്വത്തിൽ നിന്ന് ആരാധനാലയങ്ങൾ വിശ്വാസികൾക്ക് തുറന്നു കൊടുക്കുന്ന കിഴക്കൻ മതേതരത്വത്തിലേക്കുള്ള തിരിഞ്ഞുനടത്തമാണ് അയാസോഫിയയുടെ പള്ളി പുനസ്ഥാപനം എന്ന് നിസ്സംശയം പറയാം.(സാദിഖലി തങ്ങൾ, പ്രസിഡണ്ട്, കേരള സ്റ്റേറ്റ് മുസ്ലിംലീഗ്, 'ചന്ദ്രിക'). ഇതുകൊണ്ടാണ് മുഖ്യമന്ത്രി അത്തരം ഒരു പ്രസ്താവന നടത്തിയത്? അതിലെന്താ തെറ്റ്?

ഞാൻ ഞാൻ ഞാൻ എന്ന ഭാവങ്ങളെ...'; സതീശനെ കുറിച്ചാണോ? മുരളീധരന്റെ പോസ്റ്റിൽ സോഷ്യൽ മീഡിയ

തിരുവനന്തപുരം>പാലക്കാട് കോൺ​ഗ്രസിലെ പൊട്ടിത്തെറികൾക്ക് പിന്നാലെ മുതിർന്ന നേതാവ് കെ മുരളീധരന്റെ ഫെയ്സ്ബുക്ക് പോസ്റ്റ് സോഷ്യൽ മീഡിയയിൽ ചർച്ചയാവുന്നു. 'പകൽ വാഴും പെരുമാളിൻ രാജ്യഭാരം വെറും 15 നാഴിക മാത്രം ഞാൻ ഞാൻ ഞാൻ എന്ന ഭാവങ്ങളെ…' എന്ന പാട്ടാണ് കെ മുരളീധരൻ ഫെയ്സ്ബുക്കിൽ പങ്കുവെച്ചത്. പോസ്റ്റിനു കീഴിൽ ഇതിനോടകം നിരവധി കമന്റുകളാണെത്തിയത്. 'ഇത് വിഡ്ഢി സതീശനുള്ള കുത്താണല്ലോ മുരളീധരൻ ചേട്ടോ', 'ഇത് എന്നെ ഉദ്യേശിച്ചാണ്... എന്നെ തന്നെ ഉദ്യേശിച്ചാണ്... എന്നെ മാത്രം ഉദ്യേശിച്ചാണ്... വി ഡി സതീശൻ', 'വി ഡി സവർക്കർ ചെ അല്ല, വി ഡി സതീശനെ ഉദേശിച്ചത്...' എന്നിങ്ങനെയാണ് കമന്റുകൾ. കോൺഗ്രസിലെത്തിയ സന്ദീപ് വാര്യർക്ക് നേരെയും കെ മുരളീധരൻ ഒളിയമ്പെയ്തിരുന്നു. ‘പലയിടത്തും പോകാൻ ശ്രമിച്ചു നടന്നില്ല ഒടുവിൽ കോൺഗ്രസിലത്തി. സ്നേഹത്തിന്റെ കടയിലെ അംഗത്വം എന്നും നിലനിർത്തണം. അടുത്ത അസംബ്ലി തെരഞ്ഞെടുപ്പ് കഴിയുമ്പോൾ വെറുപ്പിൻറെ കടയിലേക്ക് തിരിച്ചുപോകരുത് ‘- മുരളീധരൻ പറഞ്ഞു.

അന്തർദേശീയ തിയേറ്റർ സ്‌കൂൾ ഫെസ്റ്റിവൽ മൂന്നാം എഡിഷൻ 2025 ഫെബ്രുവരിയിൽ

തൃശൂർ >തൃശൂരിലെ, സ്കൂൾ ഓഫ് ഡ്രാമ ആൻഡ് ഫൈൻ ആർട്സിന്റെ അന്താരാഷ്ട്ര തിയറ്റർ സ്കൂൾ ഫെസ്റ്റിവൽ (International Festival of Theatre Schools - IFTS) മൂന്നാം എഡിഷൻ 2025 ഫെബ്രുവരി മൂന്നു മുതൽ എട്ടു വരെ നടക്കും. 'ബോധനശാസ്ത്രോത്സവം’: 'തിയേറ്ററും നൈതികതയും' എന്ന വിഷയത്തിലാണ് ഫെസ്റ്റിവൽ നടക്കുകയെന്ന് മന്ത്രി ആർ ഹിന്ദു പറഞ്ഞു. ഇന്ത്യക്കകത്തും പുറത്തുമുള്ള വിവിധ സർവ്വകലാശാലകൾ ഐഎഫ്ടിഎസ് 2025ൽ പങ്കെടുക്കും. അരണാട്ടുകര ക്യാമ്പസിലെ വ്യത്യസ്ത ഇടങ്ങളിലായി നടക്കുന്ന ശില്പശാലയോടൊപ്പം പാനൽ ചർച്ചകളും പ്രബന്ധാവതരണങ്ങളും ഉണ്ടാകും. രാജ്യത്തെ വിവിധ സർവ്വകലാശാലകളിൽ നിന്നുള്ള അധ്യാപകരും വിദ്യാർത്ഥികളും കേരളത്തിലെ വിവിധ സംഘങ്ങളിൽ നിന്നും തെരഞ്ഞെടുക്കുന്ന നാടകപ്രവർത്തകരുമടക്കം ഇരുനൂറോളം പേർ പരിപാടിയിൽ പങ്കെടുക്കും. പരിശീലനക്കളരി, പാനൽ ചർച്ചകൾ, ഓപ്പൺ ഫോറം, പെഡഗോജി, ഡെമോൺസ്ട്രേഷൻ എന്നിവ കൂടാതെ, പങ്കാളികളാവുന്ന സർവ്വകലാശാലകളിലെ വിദ്യാർത്ഥികളുടെ നാടകാവതരണങ്ങളും ആറു ദിവസങ്ങളിൽ അരങ്ങേറും. രണ്ടാമത് ഐഎഫ്ടിഎസിന്റെ ഭാഗമായി രൂപം കൊടുത്ത നാല് റിസർച്ച് ഫെല്ലോഷിപ്പുകൾ ഈ വർഷവും തുടരും. അധ്യാപകർക്കായി ഓരോ സീനിയർ ഫെല്ലോഷിപ്പും ഒരു എഡ്യുക്കേഷൻ എക്സലൻസ് അവാർഡും ഈ വർഷം ഏർപ്പെടുത്താനും ഉദ്ദേശിക്കുന്നതായും മന്ത്രി പറഞ്ഞു. സ്കൂൾ ഓഫ് ഡ്രാമയിൽ മൂന്ന് റിസർച്ച് ചെയറുകൾ ആരംഭിക്കാൻ ധാരണയായിതായും മന്ത്രി വ്യക്തമാക്കി. ബൗദ്ധിക പര്യവേഷണം, കലാപരമായ സംരക്ഷണം, സാംസ്കാരിക പൈതൃകങ്ങളുടെ പോഷണം എന്നിവയെ പ്രതിനിധീകരിച്ചു കൊണ്ടാണ് മൂന്നു റിസർച്ച് ചെയറുകൾ ആരംഭിക്കുക. പ്രൊഫ. ജി ശങ്കരപ്പിള്ള, പ്രൊഫ. വയലാ വാസുദേവൻ പിള്ള, പ്രൊഫ. രാമചന്ദ്രൻ മൊകേരി എന്നിവരുടെയും പേരിലുള്ളതാവും റിസർച്ച് ചെയറുകൾ. ഏഷ്യൻ പെർഫോമൻസിനെ ഉത്തേജിപ്പിക്കുക എന്ന ലക്ഷ്യത്തോടെയുള്ളതാണ് പ്രൊഫ. ജി ശങ്കരപ്പിള്ളയുടെ പേരിലുള്ള ചെയർ ഫോർ സൗത്ത് ഏഷ്യൻ തിയേറ്റർ ആൻഡ് പെർഫോമൻസസ് റിസർച്ച്. പെർഫോമൻസുകളുടെ സമഗ്രമായ ഡോക്യുമെൻ്റേഷനും വിപുലമായ ഡിജിറ്റൽ ലൈബ്രറിയും ഉൾപ്പെട്ടതായിരിക്കും സംരംഭം. കേരളത്തിൻ്റെയും മലയാള നാടകവേദിയുടെയും സമ്പന്നമായ പാരമ്പര്യത്തെ കേന്ദ്രീകരിച്ചുള്ള സ്കോളർഷിപ്പ് മുഖ്യഘടകമായിട്ടുള്ളതാണ് പ്രഫ. വയലാ വാസുദേവൻ പിള്ള ചെയർ ഫോർ റിസർച്ച് ഇൻ കേരള ആൻഡ് മലയാളം തിയേറ്റർ ആൻഡ് പെർഫോമൻസ്. സാമൂഹ്യമാറ്റം, ഭാഷാസമ്പാദനം, തിയേറ്റർ തെറാപ്പി എന്നിവയുടെ വിവിധ വശങ്ങൾ പഠനവിധേയമാക്കിക്കൊണ്ടാവും പ്രഫ. രാമചന്ദ്രൻ മൊകേരി ചെയർ ഫോർ അപ്ലൈഡ് തിയേറ്റർ ആൻഡ് പ്രാക്ടീസ്. യുജിസിയും കാലിക്കറ്റ് സർവ്വകലാശാലയും നിഷ്കർഷിക്കുന്ന നിയമങ്ങളും ചട്ടങ്ങളും പാലിച്ചുകൊണ്ടാവും ഈ മൂന്ന് ചെയറുകളുമെന്നും മന്ത്രി വ്യക്തമാക്കി.

അഭിനയ കനൽ ആളിക്കത്തിച്ച്‌ സനൽ

സഫലമായ മൂന്നു പതിറ്റാണ്ടുകൾ പിന്നിട്ട്- മുന്നേറുകയാണ് നെയ്യാറ്റിൻകര സനലിന്റെ അരങ്ങുജീവിതം. പ്രൊഫഷണൽ നാടകരംഗത്ത്- തിരുവനന്തപുരം അക്ഷരാ ക്രിയേഷൻസിന്റെ ഇടം' ഏറെ ശ്രദ്ധേയമായത്- പ്രമേയത്തിന്റെ പ്രസക്തികൊണ്ട് മാത്രമല്ല, സനലിന്റെ പകർന്നാട്ടം കൊണ്ടുകൂടിയാണ്. അവയവദാനത്തിനുപിന്നിലെ അനഭിലഷണീയ പ്രവണതകൾ പ്രമേയമാക്കിയ ഇട'ത്തിലെ മണിക്കുഞ്ഞ്- എന്ന തോമയെ അസാധാരണ കൈയടക്കത്തോടെ അവതരിപ്പിച്ചാണ് സനൽ 2023‐24ലെ കേരള സംഗീത നാടക അക്കാദമി പ്രൊഫഷണൽ നാടകമത്സരത്തിൽ മികച്ച രണ്ടാമത്തെ നടനുള്ള പുരസ്-കാരം നേടിയത്-. ഇട'ത്തിന്റെ രചന ഹേമന്ത്- കുമാറിന്റേതാണ്. സംവിധായകൻ, രാജേഷ്- ഇരുളം. കേരള കാത്തലിക്- ബിഷപ്- കൗൺസിൽ, ഇ എം എസ്- സാംസ്-കാരിക വേദി തുടങ്ങി നിരവധി സംഘടനകൾ സംസ്ഥാനാടിസ്ഥാനത്തിന് സംഘടിപ്പിച്ച മത്സരവേദികളിൽനിന്ന് തോമാ'യ്ക്കു ലഭിച്ചത്- പതിനഞ്ചോളം അവാർഡുകൾ. ഇടം' പങ്കെടുത്ത മറ്റു പ്രാദേശിക മത്സരങ്ങളിലും സനൽ തന്നെയായിരുന്നു മികച്ച നടൻ. കരകുളം ചന്ദ്രന്റെ സമിതിയായിരുന്ന തിരുവനന്തപുരം അജന്ത അവതരിപ്പിച്ച ആകാശവിളക്കി'ൽ സനൽ ജീവൻ പകർന്ന വസീംബാവ'യിലൂടെ മികച്ച രണ്ടാമത്തെ നടനുള്ള കേരള സംഗീത നാടക അക്കാദമി അവാർഡ്- 2004‐05ൽ ലഭിച്ചതോടെയാണ് സനൽ ഈ രംഗത്ത്- ശ്രദ്ധേയനാകുന്നത്-. പ്രേക്ഷകരിൽ നൊമ്പരത്തിരകളുയർത്തിയ വസീംബാവ'യെന്ന കഥാപാത്രത്തെ സൃഷ്ടിച്ച നാടകകൃത്ത്- ഫ്രാൻസിസ്- ടി മാവേലിക്കരയെ വർഷങ്ങൾക്കിപ്പുറവും ആദരവോടെയാണ് സനൽ സ്-മരിക്കുന്നത്-. തുടക്കം ഏകാങ്കത്തിൽ നാടകനടനും റബർ വർക്-സ്- ജീവനക്കാരനുമായിരുന്ന ജ്യേഷ്-ഠൻ രാമചന്ദ്രന്റെ ഉപദേശമനുസരിച്ച്- നെയ്യാറ്റിൻകര ബോയ്-സ്- ഹൈസ്-കൂളിലെ ഏകാങ്ക നാടകമത്സരത്തിൽ പങ്കെടുത്ത്- മികച്ച നടനുള്ള സമ്മാനം നേടിയതായിരുന്നു സനലിന്റെ തുടക്കം. ധനുവച്ചപുരം വിടിഎംഎൻഎസ്-എസ്- കോളേജിൽ വിദ്യാർഥിയായിരിക്കെ പലതവണ മികച്ച നടനായി. തന്റെ തട്ടകം നാടകമാണെന്ന് സനൽ തിരിച്ചറിഞ്ഞതോടെ നാട്ടിലെ നാടക സമിതികളുമായി സഹകരിക്കാൻ തുടങ്ങി-. തിരുവനന്തപുരം ലിറ്റിൽ തിയറ്റഴ്-സിലൂടെ പ്രൊഫഷണൽ നാടക രംഗത്തേക്ക് ചുവടുവച്ചു. അരുമാനൂർ ഹരിയുടെ അർത്ഥാന്തരാന്യാസം', തിരുവനന്തപുരം താസ്-കിനുവേണ്ടി വെൺപകൽ ഹരി രചിച്ച ഹർഷാരവം', ഹാരാർപ്പണം' തുടങ്ങിയവയുമായി ആദ്യകാലങ്ങളിൽ സഹകരിച്ചത്- തന്നിലെ നടനെ ഏറെ പരുവപ്പെടുത്തിയതായി സനൽ പറയുന്നു. സതീഷ്- സംഗമിത്രയുടെ ഗൾഫ്- ഡയറി', ആകാശവാണിഭം', അഡ്വ.വെഞ്ഞാറമൂട്- രാമചന്ദ്രൻ നയിച്ച തിരുവനന്തപുരം സൗപർണികയുടെ നാടകങ്ങൾ എന്നിവയിൽനിന്നും ലഭിച്ച അനുഭവസമ്പത്തുമായാണ് കൊല്ലം അനശ്വരയുടെ മഞ്ഞുപെയ്യുന്ന മനസ്സി'ലെ ബോംബെവാല എന്ന കഥാപാത്രത്തെ ഏറ്റെടുക്കുന്നത്-. മുംബൈ കലാപത്തിന് സർവവും നഷ്ടപ്പെട്ടവരുടെ പ്രതീകമായ ബോംബെ വാല'' സദസ്സുകളിൽ നൊമ്പരം പടർത്തി. എസ്- എൽ പുരം സദാനന്ദൻ, കാമ്പിശ്ശേരി കരുണാകരൻ, ബാലൻ കെ നായർ, സെയ്-ത്താൻ ജോസഫ്-, ലോഹിതദാസ്- തുടങ്ങിയ പ്രതിഭകളുടെ സ്-മരണാർഥം സംഘടിപ്പിക്കപ്പെട്ട നാടക മത്സരങ്ങളിലെല്ലാം ബോംബെവാല'യിലൂടെ സനൽ മികച്ച നടനായി. വടക്കാഞ്ചേരി സ്-പന്ദനം, ഗുരുവായൂർ സിസിസി, പെരുമ്പാവൂർ ബോധി, തിക്കുറിശ്ശി ഫൗണ്ടേഷൻ എന്നിവ നടത്തിയ നാടകമത്സരങ്ങളിലും സനൽ തന്നെയായിരുന്നു മികച്ച നടൻ. മയ്യനാട്- നവരംഗം സാംസ്-കാരിക സമിതി നടത്തിയ നാടകമത്സരത്തിൽ കൊല്ലം അനശ്വരയുടെ മഞ്ഞു പെയ്യുന്ന മനസ്സും' അതിലൂടെ സനലും ഒന്നാമതെത്തി. കണ്ണൂർ മാണിയാട്ടു നടന്നുവരുന്ന എൻ എൻ പിള്ള സ്-മാരക നാടകോത്സവത്തിൽ അഞ്ചു തവണ സനൽ മികച്ച നടനായി-. ആയിരക്കണക്കിന് വേദികൾ തിരുവനന്തപുരം അഥീന, ലിറ്റിൽ തിയറ്റഴ്-സ്-, സ്വദേശാഭിമാനി, സർഗവീണ, കോട്ടയം ഉജ്ജയിനി, കൊച്ചിൻ സംഗമിത്ര, ഓച്ചിറ നിള, തിരുവനന്തപുരം താസ്-ക്-, സൗപർണിക, അജന്ത തുടങ്ങിയ നിരവധി നാടക കൂട്ടായ്-മകളിലൂടെ ആയിരക്കണക്കിന് വേദികൾ ഇതിനകം സനൽ പിന്നിട്ടുകഴിഞ്ഞു. സന്ധ്യാരാജേന്ദ്രൻ നിർമിച്ച സുന്ദരി' എന്ന സീരിയലിൽ ശ്രദ്ധേയ വേഷം ചെയ്-തു. തുടർന്ന് സിനിമയിലേക്കും സീരിയലുകളിലേ-ക്കും. നാടകത്തോടുള്ള പ്രതിബന്ധതയും തുടർച്ചയായ വേദികളുടെ തിരക്കും കാരണം പല നല്ല ഓഫറുകളോടും പ്രതികരിക്കാനാകാതെ പോകുന്നുണ്ട്-. ശബരിമല സീസണിൽ- താൽക്കാലിക അനൗൺസറായും കൺസ്-ട്രക്ഷൻ ജോലികളിൽ സഹായിയായുമൊക്കെ കോവിഡുകാല പ്രതിസന്ധി തരണം ചെയ്യേണ്ടിവന്നപ്പോളൊഴികെ നാടകം വിട്ടൊരു ജീവിതത്തെക്കുറിച്ച്- സനൽ ചിന്തിച്ചിട്ടില്ല. ഒതുക്കവും മിതത്വവും പുരോഗമന കലാ സാഹിത്യ സംഘത്തിലും നാട്ടിലെ ഇടതുപക്ഷ സംഘടനാപ്രവർത്തന വേദികളിലും സജീവ സാന്നിധ്യമായ സനൽ കവി വിനോദ്- വൈശാഖിയുടെ നേതൃത്വത്തിൽ നടന്ന ക്യാ' എന്ന കടമ്മനിട്ട കവിതയുടെ നാടകാവിഷ്കാരത്തിൽ വൈശാഖിയോടൊപ്പം തന്നെ അരങ്ങിലെത്തി. അന്ന് വൈലോപ്പിള്ളി സംസ്-കൃതി ഭവൻ വേദിയിൽവച്ച്- ഭരത്- മുരളിയുടെ പ്രോത്സാഹനവും അനുഗ്രഹവും ലഭിച്ചത്- നിറവാർന്ന ഓർമയാണ്. കോഴിക്കോട്- നാടകരംഗത്ത്- ഉണ്ടായ പുത്തനുണർവ്- സ്വന്തം നാടായ തിരുവനന്തപുരത്ത്- രൂപപ്പെട്ടു വരുന്നതേയുള്ളൂവെന്നാണ് സനലിന്റെ നിരീക്ഷണം. മുൻകാലങ്ങളിൽ പിൻനിരയിലുമുള്ള കാണികളിലേ-ക്ക്- വേദിയിൽനിന്നുള്ള വൈകാരിക സംക്രമണം ലക്ഷ്യമിട്ട്- അമിതാഭിനയത്തെയും അതിവൈകാരിക ചേഷ്-ടകളെയും നടീനടന്മാർ കൂട്ടുപിടിച്ചിരുന്നു. എന്നാൽ സമകാലിക നാടകാഭിനയത്തിന്റെ മുഖമുദ്ര കൂടുതൽ ഒതുക്കവും മിതത്വവുമാണെന്ന് സനൽ പറയുന്നു. കോഴിക്കോട്- സങ്കീർത്തന'യുടെ ബാനറിൽ ഹേമന്ത്-കുമാർ രചനയും രാജേഷ്- ഇരുളം സംവിധാനവും നിർവഹിക്കുന്ന വെളിച്ചം' എന്ന നടകത്തിലാണ് ഇപ്പോൾ സനൽ-. നെയ്യാറ്റിൻകര സെന്റ്തെരേസാസ്- സ്-കൂൾ അധ്യാപിക പ്രീതയാണ് ജീവിതപങ്കാളി. ഏക മകൻ ഇന്ദ്രജിത്ത്- ബിരുദവും കോ‐ഓപ്പറേറ്റീവ്- കോഴ്-സും പൂർത്തിയാക്കി. ഭാര്യയുടെയും മകന്റെയും പൂർണപിന്തുണയും കലാഭിമുഖ്യവും തനിക്ക്- ഏറെ സന്തോഷം പകരുന്ന ഘടകമായി സനൽ കാണുന്നു.

ഗാർഗി ഒരു പേര്‌ മാത്രമല്ല

‘എന്റെ ജീവൻ, എന്റെ ശ്വാസം, എന്റെ ബോധം, എന്റെ താളം, എന്റെ മനസ്സ്, എന്റെ ശരീരം, ഒറ്റക്കൊഴുകും, ഇറങ്ങി നടക്കും, പിടിച്ചുകെട്ടി വീട്ടിലടക്കാൻ വരുന്നവരോട് ഒരു ചോദ്യം. ഞാൻ ഇറങ്ങി നടന്നാൽ നിനക്കെന്താടാ?’ ചോദ്യം ഗാർഗിയുടേതാണ്. ചെറുത്തുനിൽപ്പിന്റെ പോരാട്ടത്തിന്റെ മഹാകഥ. പൗരാണികവും ആധുനികവുമായ കുടുംബ വ്യവസ്ഥയിൽനിന്നുകൊണ്ട് ഗാർഗി’ നമ്മോട് സംസാരിക്കുന്നു. ഹോം തിയറ്റർ റിയാലിറ്റീസ് അങ്കമാലി ’അവതരിപ്പിക്കുന്ന ഗാർഗി’ നാടകം വേറിട്ട അവതരണത്താൽ ഏറെ ശ്രദ്ധേയമാകുന്നു. പ്രാചീന ഇന്ത്യയിലെ തത്ത്വചിന്തകയായിരുന്നു ഗാർഗി. വൈദേഹ രാജ്യത്തിലെ ജനകരാജാവ് നടത്തിയ ബ്രഹ്മയജ്ഞം എന്ന തത്ത്വചിന്താസമ്മേളനത്തിൽ ഗാർഗി യാജ്ഞവൽക്യമുനിയെ, ആത്മാവിനെ സംബന്ധിച്ച കുഴക്കുന്ന ചോദ്യങ്ങളുയർത്തി വെല്ലുവിളിക്കുന്നു. ഗാർഗമുനിയുടെ കുലത്തിൽ പിറന്നതിനാലാണ് ഗാർഗിക്ക് ഈ പേരുലഭിച്ചത്. അസ്തിത്വത്തെ ചോദ്യം ചെയ്യുന്ന ധാരാളം സൂക്തങ്ങൾ ഗാർഗി രചിച്ചിട്ടുണ്ട്. മിഥിലയിലെ ജനകരാജാവിന്റെ സദസ്സിലെ നവരത്നങ്ങളിൽ ഒരാളായിരുന്നു ഗാർഗി. ഗാർഗി സംഹിത എന്ന കൃതിയുടെ കർത്താവും ഗാർഗിയാണെന്ന് കരുതപ്പെടുന്നു. ഈ ഗാർഗിയാണ് വർത്തമാന കാലത്തോട് ഇന്നിന്റെ ചോദ്യങ്ങളുമായെത്തുന്നത്. കോവിഡ് കാലത്ത് വീടിനുള്ളിൽ ഒതുങ്ങിക്കൂടേണ്ടി വന്ന സമയം, വീട് അരങ്ങാക്കി അങ്കമാലി, മങ്ങാട്ടുകര സ്വദേശികളായ മോഹൻ കൃഷ്ണന്റെ നാടക കുടുംബം ഡിജിറ്റൽ നാടകവുമായി കൂട്ടിയിണക്കിയ സംഘമാണ് ഹോം തിയറ്റർ റിയാലിറ്റീസ് അങ്കമാലി ’. പിന്നീട് കൂടുതൽ നാടകസുഹൃത്തുക്കളും ശിഷ്യരായ കുട്ടികളുമായി ചേർന്ന് ഗാർഗി’ എന്ന നാടകം ആസ്വാദകർക്കായി ഒരുക്കി. വേറിട്ട രംഗാവതരണവും ചടുലമായ അരങ്ങവതരണവും നാടകത്തെ കാണികളുമായി കൂടുതൽ അടുപ്പിക്കുന്നു. അടുക്കളയിൽനിന്നും അരങ്ങിലേക്ക് വരുന്ന, സ്ത്രീ നേരിടുന്ന ക്രൂരമായ അവഗണനയുടെയും പീഡനത്തിന്റെയും രൂക്ഷത നാടകം വെളിവാക്കുന്നു. ആധുനിക കാലത്തെ അണുകുടുംബഘടനയിൽനിന്നും ഉയർന്നുവന്ന വിദ്യാസമ്പന്നയായ പെൺകുട്ടി നേരിടുന്ന സ്ത്രീവിരുദ്ധതയുടെ തുറന്നുകാട്ടലാണ് നാടകം. കേന്ദ്ര കഥാപാത്രമായ ഗാർഗി എന്ന കഥാപാത്രത്തിലൂടെ ആധുനിക സ്ത്രീത്വം നേരിടുന്ന അടിച്ചമർത്തലിന്റെ കഥ നാടകം പറയുന്നു. ആധുനികതയിലേക്കുള്ള സഞ്ചാരമെന്ന് അവകാശപ്പെടുമ്പോഴും വർത്തമാന കാലവും പുരുഷ കേന്ദ്രീകൃത ചിന്തകളിൽനിന്ന് വിമുക്തമല്ലെന്ന് ഗാർഗി ഓർമിപ്പിക്കുന്നു. ഗാർഗി ഒരു പ്രതീക്ഷയാണ്. സ്വപ്നങ്ങളുടെ... സത്യങ്ങളുടെ... ആകെ ചേർത്തുവച്ച ഉത്തരവും. സംവിധായകൻ മോഹൻ കൃഷ്ണനൊപ്പം ഭാര്യ തങ്കം മോഹൻ, മക്കളായ ജിഷ്ണു മോഹൻ, വിഷ്ണു മോഹൻ. മരുമക്കളായ ജീത്തു, അശ്വതി മുരുകൻ എന്നിവരും അരങ്ങിലെത്തുന്നു. ജീത്തുവാണ് ഗാർഗിയായി അഭിനയിക്കുന്നത്. നാടക രചന: സജീവൻ മുരിയാട്. സംഗീതം: ബിഷോയ് അനിയൻ, കൊറിയോഗ്രഫി: കാർത്തികേയൻ വലപ്പാട്. സെറ്റ് ഡിസൈൻ: ജിനേഷ് വി കെ, വരികൾ: ശിവകുമാർ, വിജേഷ് കെ വി, ലൈറ്റ്: അനൂപ് പൂന, സംഗീത നിയന്ത്രണം: ദേവപ്രിയ. ജീത്തു ടി ജെ, ഹേമ അനിൽ, ദീപ ജോണി, ചാന്ദിനി സുരേന്ദ്രൻ, അമൃത ശ്രീജേഷ്, അശ്വതി ജിഷ്ണു, രാജലക്ഷ്മി ജിഷ്ണു മോഹൻ, ജോണി തോട്ടുങ്ങൽ, കാർത്തികേയൻ വലപ്പാട്, ജിഷ്ണു ഡി പ്രോട്ടോകോൾ, അഭിറാം, മോഹൻ കൃഷ്ണൻ എന്നിവരും അരങ്ങിലെത്തുന്നു.

തുലാവർഷം പെയ്‌തിറങ്ങുമ്പോൾ

രാജ്യത്ത് വടക്കു കിഴക്കൻ കാലവർഷം (തുലാവർഷം) ശക്തിപ്പെടുകയാണ്. തുടക്കത്തിൽത്തന്നെ ബംഗാൾ ഉൾക്കടലിൽ തീവ്ര ചുഴലിക്കൊടുംകാറ്റ് രൂപപ്പെട്ടു എന്നതും പ്രത്യേകതയായി. കഴിഞ്ഞ ദിവസം ഒഡിഷ തീരംതൊട്ട ദന ചുഴലിക്കാറ്റ് 21ന് കിഴക്കൻ ആൻഡമാൻ കടലിൽ രൂപംകൊണ്ട ന്യൂനമർദത്തിന്റെ പരിണതഫലമാണ്. ഇതേസമയം പസഫിക് സമുദ്രത്തിൽ അത്യന്തം തീവ്ര ചുഴലിക്കാറ്റായ (ടൈഫൂൺ) ട്രാമിയും ശക്തിയോടെ നിലകൊണ്ടു. ഇത്തരം ചുഴലിക്കാറ്റുകൾ ഇനിയും പ്രതീക്ഷിക്കണം. വർഷാ വർഷം തുലാവർഷ മഴയുടെ തീവ്രത കാലാവസ്ഥാമാറ്റംമൂലം ഏറുകയാണ്. ഇതുവരെ സാധാരണം ഇന്ത്യയിൽനിന്ന് ഇക്കുറി തെക്കു പടിഞ്ഞാറൻ കാലവർഷം (ഇടവപ്പാതി) സെപ്തംബർ 25 മുതലാണ് പിൻവാങ്ങിത്തുടങ്ങിയത്. ഒക്ടോബർ 15ഓടെ പൂർണമായി പിൻവാങ്ങി. ഇന്ത്യയുടെ രണ്ടാം മഴക്കാലമായ തുലാവർഷം (ഒക്ടോബർ– -നവംബർ) തുടങ്ങുകയും ചെയ്തു. വിശാഖപട്ടണംമുതൽ തെക്ക് തമിഴ്നാടുവരെയുള്ള ഭാഗങ്ങളിലെ പ്രധാന മഴക്കാലമാണ് തുലാവർഷം. ഇത് ഇന്ത്യൻ സമുദ്രങ്ങളിലെ ചുഴലിക്കൊടുംങ്കാറ്റുകളുടെ കാലംകൂടിയാണ്. കേരളത്തിലേറിയ പങ്കും ഇടിമിന്നൽ മഴയാണ് ലഭിക്കാറ്. ഇടവപ്പാതിക്കാലത്തെ തെക്കുപടിഞ്ഞാറൻ കാലവർഷക്കാറ്റ്, വടക്കു കിഴക്കൻ തുലാവർഷക്കാറ്റായി മാറുന്നതാണ് പ്രകടമാകുന്ന വ്യത്യാസം. തമിഴ്നാട് ഒഴികെ ഇന്ത്യയിലെമ്പാടും ഇടവപ്പാതിയാണ് പ്രധാന മഴക്കാലം. തുലാവർഷമാണ് തമിഴ്നാട്ടിലെ മഴക്കാലം. കേരളത്തിന്റെ ശരാശരി വാർഷിക മഴയായ 2928.3 മില്ലിമീറ്ററിൽ 16.3 ശതമാനവും തമിഴ്നാടിന്റെ 914.4 മില്ലിമീറ്ററിൽ 49.7 ശതമാനവും ഏതാണ്ട് ഒക്ടോബർ18 മുതൽ തുടങ്ങി 67 ദിവസത്തോളം നീളുന്ന തുലാവർഷക്കാലത്ത് ലഭിക്കുന്നു. കിഴക്കൻ അല്ലെങ്കിൽ വടക്കു കിഴക്കൻ കാറ്റിന്റെ നാല് കിലോമീറ്റർ ഉയരംവരെയുള്ള തീവ്രത, കിഴക്കു പടിഞ്ഞാറായി നീണ്ടുകിടക്കുന്ന ന്യൂനമർദപ്പാത്തിയും അതിൽ രണ്ട് കിലോമീറ്റർ ഉയരത്തിലുള്ള കിഴക്കൻതരംഗവും (easterly wave)ന്യൂനമർദങ്ങളുടെ ചുഴലിക്കാറ്റായുള്ള ശക്തിപ്പെടലും തുടർന്നുള്ള പ്രയാണവുമെല്ലാമാണ് തുലാവർഷ മഴയെ സ്വാധീനിക്കുന്നത്. കേരളത്തിൽ ഇത് പശ്ചിമഘട്ടത്തിന്റെ ഉയരം, ഉച്ചയോടെ ഉടലെടുക്കുന്ന കടൽക്കാറ്റ് എന്നിവയെക്കൂടി ആശ്രയിച്ചിരിക്കും. ഇക്കുറി ഒക്ടോബർ 22ഓടെ കേരളത്തിൽ തുലാവർഷ മഴയുടെ സജീവ സാന്നിധ്യം പ്രകടമായിത്തുടങ്ങി. ഇതുവരെ കേരളത്തിൽ തുലാവർഷം സാധാരണ രീതിയിലും (228.6 മില്ലീമീറ്റർ) തമിഴ്നാട്ടിൽ അധികമായും അനുഭവപ്പെട്ടു. കഴിഞ്ഞ വർഷം കേരളത്തിൽ 27 ശതമാനം അധികമഴയാണ് തുലാവർഷക്കാലത്ത് ലഭിച്ചത്. 624.9 മില്ലിമീറ്റർ. പത്തനംതിട്ടയിൽ പ്രതീക്ഷിച്ചതിനേക്കാൾ 94 ശതമാനവും (1220.2 മില്ലീമീറ്റർ) തിരുവനന്തപുരത്ത് 52 ശതമാനവും (836.6 മില്ലീമീറ്റർ) അധികമഴ ലഭിച്ചിരുന്നു. ഇടവപ്പാതിയിൽ കുറഞ്ഞെങ്കിലും തെക്കു പടിഞ്ഞാറൻ കാലവർഷക്കാലത്ത് ഇക്കുറി മഴയളവിൽ 13 ശതമാനം കുറഞ്ഞെങ്കിലും കേരളത്തിൽ സാധാരണരീതി (1748.1 മില്ലിമീറ്റർ)യിൽ മഴ ലഭ്യമായി. (പോയവർഷം മഴക്കുറവ് 34 ശതമാനമായിരുന്നു) ആലപ്പുഴ, എറണാകുളം, ഇടുക്കി, വയനാട് ജില്ലകളിൽ മഴക്കുറവ് യഥാക്രമം 21 ശതമാനം, 27 ശതമാനം, 33 ശതമാനം, 30 ശതമാനം എന്നിങ്ങനെയാണ്. പലയിടത്തും അപ്രതീക്ഷിത അതി തീവ്രമഴയും രേഖപ്പെടുത്തി. വയനാട്ടിലുണ്ടായ ദുരന്തത്തിനു കാരണം അതിതീവ്ര മഴയാണ്. മുൻ വർഷങ്ങളിൽനിന്ന് വ്യത്യസ്തമായി മധ്യകേരളംമുതൽ സൗരാഷ്ട്ര തീരംവരെയുള്ള പടിഞ്ഞാറൻതീര സംസ്ഥാനങ്ങളിൽ തീവ്രമഴയുടെ വിതരണക്രമം ഈ വർഷം കൂടുതലായിരുന്നു. ഇതിനു കാരണം സമുദ്രതീരത്തിനകലെയുള്ള ന്യൂനമർദപ്പാത്തി (offshore trough), സമുദ്രതീര ഭാഗത്തുള്ള ന്യൂനമർദപ്പാത്തി (onshore trough), വടക്കു കിഴക്കൻ രാജ്യങ്ങളിലും മൺസൂൺ ന്യൂനമർദപ്പാത്തിയിലും നിലനിന്ന കാറ്റുചുഴികളുടെ സ്വാധീനംമൂലം പടിഞ്ഞാറൻ തീരത്തുണ്ടാകുന്ന ശക്തമായ സംവഹനം, കാലവർഷക്കാറ്റിനെ തടയുന്ന സഹ്യപർവതം എന്നിവയാണ്. തീവ്രന്യൂനമർദങ്ങൾ, അതിതീവ്ര ന്യൂനമർദങ്ങൾ, ചുഴലിക്കാറ്റുകൾ എന്നിവ മഴയളവിനെ മൊത്തത്തിൽ ബാധിക്കുന്നു. ആഗസ്തത് 25 മുതൽ സെപ്തംബർ രണ്ടുവരെ അറബിക്കടലിൽ നിലകൊണ്ട അസ്ന ചുഴലിക്കാറ്റ് സൗരാഷ്ട്ര– കച്ച്, ഗുജറാത്ത് മേഖലകളിൽ മഴയളവ് വലിയതോതിൽ കൂട്ടി.