30 C 
ന്യൂഡല്‍ഹി: ഇന്ത്യയുടെ സൂപ്പര്‍ പേസര്‍ ജസ്പ്രിത് ബുംറയ്ക്ക് ക്യാപ്റ്റനാകാനുള്ള എല്ലാ മികവുമുണ്ടെന്നു ചേതേശ്വര്‍ പൂജാര. രോഹിത് ശര്‍മയ്ക്കു ശേഷം ബുംറ ഇന്ത്യയുടെ നായകനാകാനുള്ള എല്ലാ സാധ്യതകളുമുണ്ടെന്നും പൂജാര. വന്‍ സമ്മര്‍ദ്ദത്തില്‍ നില്‍ക്കെയാണ് ഇന്ത്യ ഓസ്‌ട്രേലിയന്‍ പര്യടനത്തിനായി എത്തിയത്. പെര്‍ത്തില്‍ നടന്ന ആദ്യ ടെസ്റ്റില്‍ രോഹിത് ശര്‍മയുടെ അഭാവത്തില്‍ ടീമിനെ നയിച്ചത് വൈസ് ക്യാപ്റ്റനായ ബുംറയായിരുന്നു. പന്ത് കൊണ്ടും ക്യാപ്റ്റന്‍സി തീരുമാനങ്ങള്‍ക്കൊണ്ടും ബുംറ മുന്നില്‍ നിന്നു നയിച്ച് ചരിത്ര വിജയമാണ് ടീമിനു സമ്മാനിച്ചത്. 'കളത്തില്‍ ബുംറയ്ക്ക് ഒരു സംശയങ്ങളുമുണ്ടായിരുന്നില്ല. നാട്ടില്‍ പരമ്പര നഷ്ടമായി അത്രയും കഠിനമായ അവസ്ഥയിലാണ് ടീം കടന്നു പോയത്. അത്തരമൊരു ഘട്ടത്തില്‍ പോലും ഓസ്‌ട്രേലിയയിലെ ബുദ്ധിമുട്ടുള്ള സാഹചര്യത്തെ വരുതിയിലാക്കി കളി ജയിക്കാമെന്നു അദ്ദേഹം തെളിയിച്ചു കഴിഞ്ഞു.' 'ഇനിയും ടീമിനെ നയിക്കാന്‍ അദ്ദേഹത്തിനു കഴിയുമെന്നാണ് ഞാന്‍ വിശ്വസിക്കുന്നത്. അദ്ദേഹം ടീം മാനാണ്. അദ്ദേഹം ടീമിനെ കുറിച്ചും സഹ താരങ്ങളെ കുറിച്ചുമാണ് എപ്പോഴും സംസാരിച്ചത്. എപ്പോഴെങ്കിലും തന്നെക്കുറിച്ച് പറയുന്നത് കേട്ടിട്ടുണ്ടോ.' 15.5 ഓവര്‍, 10 മെയ്ഡന്‍, 5 റണ്‍സ്, 4 വിക്കറ്റ്! ടെസ്റ്റിലെ പിശുക്കന്‍ ബൗളിങ്, റെക്കോര്‍ഡ് പട്ടികയില്‍ ജെയ്ഡന്‍ സീല്‍സ് 'ടീമില്‍ പരിചയ സമ്പത്തുള്ള മറ്റൊരു താരമുണ്ടെങ്കില്‍ ക്യാപ്റ്റന്‍ സഹ താരങ്ങളെ ഉപദേശിക്കേണ്ടതില്ല. അപ്പോള്‍ നിശബ്ദത പാലിക്കുകയാണ് വേണ്ടത്. അതാണ് നല്ല നായകന്റെ ലക്ഷണം. സഹ താരങ്ങളെ തുല്യമായി കാണുന്നതായിരിക്കണം ക്യാപ്റ്റന്റെ സമീപനം. ബുംറ അത്തരമൊരു നായകനാണ്.' ഡ്രസിങ് റൂമില്‍ സഹ താരങ്ങളുമായി നല്ല സൗഹാര്‍ദമുണ്ടാക്കുന്നു. അവര്‍ക്ക് തന്റെ എല്ലാ സഹായവും അദ്ദേഹം വാഗ്ദാനം ചെയ്യുന്നു. എപ്പോഴും സംസാരിക്കാന്‍ കഴിയുന്ന നല്ല വ്യക്തിയാണ് ബുംറ. എളിമയുള്ള മനുഷ്യന്‍'- പൂജാര വ്യക്തമാക്കി. അഞ്ച് മത്സരങ്ങളടങ്ങിയ പരമ്പരയില്‍ ഇന്ത്യ 1-0ത്തിനു മുന്നിലാണ്. ഈ മാസം 6 മുതല്‍ 10 വരെ അഡ്ലെയ്ഡിലാണ് രണ്ടാം ടെസ്റ്റ്. പകല്‍- രാത്രി പോരാട്ടം പിങ്ക് പന്തിലാണ് അരങ്ങേറുക. രണ്ടാം ടെസ്റ്റില്‍ രോഹിത് നായകനായി തിരിച്ചെത്തും.
കിങ്‌സ്റ്റന്‍: ടെസ്റ്റ് ക്രിക്കറ്റ് ചരിത്രത്തിലെ ഏറ്റവും പിശുക്കന്‍ ബൗളറെന്ന റെക്കോര്‍ഡ് ബുക്കില്‍ രണ്ടാം സ്ഥാനക്കാരനായി വെസ്റ്റ് ഇന്‍ഡീസ് പേസര്‍ ജെയ്ഡന്‍ സീല്‍സ്. ബംഗ്ലാദേശിനെതിരായ രണ്ടാം ക്രിക്കറ്റ് ടെസ്റ്റില്‍ സന്ദര്‍ശകരെ വിന്‍ഡീസ് ഒന്നാം ഇന്നിങ്സില് 164 റണ്‍സില്‍ പുറത്താക്കിയിരുന്നു. മത്സരത്തില്‍ 15.5 ഓവര്‍ പന്തെറിഞ്ഞ സീല്‍സ് 5 റണ്‍സ് മാത്രം വഴങ്ങി 4 വിക്കറ്റുകളും സ്വന്തമാക്കി. 10 ഓവറുകള്‍ മെയ്ഡനായിരുന്നു. താരത്തിന്റെ ഇക്കോണമി റേറ്റ് 0.31! രണ്ടുമാസത്തിനിടെ വീണ്ടും പത്തുവിക്കറ്റ് നേട്ടം; ഹാട്രിക് അടക്കം റെക്കോര്‍ഡ് പ്രകടനവുമായി സുമന്‍ കുമാര്‍- വിഡിയോ ടെസ്റ്റ് ബൗളര്‍മാരുടെ പിശുക്കന്‍ പട്ടികയില്‍ ഇന്ത്യയുടെ ബാപു നാദകര്‍ണിയാണ് ഒന്നാമന്‍. 1964ല്‍ ഇംഗ്ലണ്ടിനെതിരെ 32 ഓവറില്‍ 27 മെയ്ഡനും 5 റണ്‍സും മാത്രം വഴങ്ങിയായിരുന്നു ബാപുവിന്റെ ബൗളിങ്. പട്ടികയില്‍ ജെയ്ഡന്‍ സീല്‍സ് രണ്ടാമത് നില്‍ക്കുമ്പോള്‍ മൂന്നാം സ്ഥാനത്ത് ഇംഗ്ലണ്ടിന്റഎ ജിം ലേക്കറാണ്. 0.37 ആണ് താരത്തിന്റെ ഇക്കോണമി. 14.1 ഓവറില്‍ 9 മെയ്ഡന്‍ 7 റണ്‍സ് 2 വിക്കറ്റ് എന്ന പ്രകടനമാണ് റെക്കോര്‍ഡ് പട്ടികയില്‍ കയറിയത്. ദക്ഷിണാഫ്രിക്കക്കെതിരെയാണ് താരത്തിന്റെ ബൗളിങ്.
പട്‌ന: കൂച്ച് ബെഹാര്‍ ട്രോഫിയില്‍ രാജസ്ഥാനെതിരായ മത്സരത്തില്‍ മികച്ച ബൗളിങ് പ്രകടനവുമായി ബിഹാര്‍ സ്പിന്നര്‍ സുമന്‍ കുമാര്‍. ഹാട്രിക് ഉള്‍പ്പെടെ മുഴുവന്‍ വിക്കറ്റുകളും നേടി രാജസ്ഥാനെ കുറഞ്ഞ സ്‌കോറില്‍ ചുരുട്ടിക്കെട്ടിയാണ് സുമന്‍ കുമാര്‍ റെക്കോര്‍ഡ് ബുക്കില്‍ ഇടംപിടിച്ചത്. പട്നയിലെ മോയിന്‍ ഉള്‍ ഹഖ് സ്റ്റേഡിയത്തില്‍ ശനിയാഴ്ചയാണ് സുമന്‍ കുമാര്‍ രാജസ്ഥാന്റെ 10 വിക്കറ്റും വീഴ്ത്തിയത്. ആദ്യം ബാറ്റ് ചെയ്ത ബിഹാര്‍ 143.4 ഓവറില്‍ 467 റണ്‍സ് നേടി. രാജസ്ഥാന്‍ നിരയെ സുമന്‍ തകര്‍ത്തതോടെ ബിഹാര്‍ 285 റണ്‍സിന്റെ വന്‍ ലീഡ് നേടി. സുമന്റെ ബൗളിങ്ങിന് മുന്നില്‍ പിടിച്ചുനില്‍ക്കാന്‍ കഴിയാതെ രാജസ്ഥാന്‍ ആദ്യ ഇന്നിംഗ്സില് 182 റണ്‍സിന് പുറത്തായി. കൂച്ച് ബെഹാര്‍ ട്രോഫി ചരിത്രത്തില്‍ ഒരു ഇന്നിംഗ്സില് 10 വിക്കറ്റ് വീഴ്ത്തുന്ന മൂന്നാമത്തെ ബൗളറായി ഈ സ്പിന്നര്‍ മാറി. മത്സരത്തിനിടെ ഹാട്രിക്കും സ്വന്തമാക്കിയ സുമന്‍ ടൂര്‍ണമെന്റിന്റെ ചരിത്രത്തില്‍ രണ്ട് നേട്ടങ്ങളും നേടുന്ന ആദ്യ താരമായി. ഞാന്‍ ബുംറയുടെ പന്തുകള്‍ നേരിട്ടിട്ടുണ്ട്, അഭിമാനത്തോടെ അത് പേരക്കുട്ടികളോട് പറയും; പുകഴ്ത്തി ഹെഡ് An epic spell 3⃣3⃣.5⃣ overs 2⃣0⃣ maidens 5⃣3⃣ runs 1⃣0⃣ wickets Hat-trick ✅ Bihar's Suman Kumar claimed all 10 wickets in an innings, including a hat-trick, against Rajasthan in the #CoochBeharTrophy match in Patna! Watch ️ all his wickets @IDFCFIRSTBank pic.twitter.com/68eewvJZ0G — BCCI Domestic (@BCCIdomestic) December 1, 2024 ഇടങ്കയ്യന്‍ സ്പിന്നര്‍ 33.5 ഓവര്‍ 53 റണ്‍സ് മാത്രം വഴങ്ങിയാണ് രാജസ്ഥാന്റെ മുഴുവന്‍ വിക്കറ്റുകളും കൊയ്തത്. ഇതില്‍ 20 ഓവറും മെയ്ഡന്‍ ആയിരുന്നു എന്നതും ശ്രദ്ധേയമാണ്. ഈ ആഭ്യന്തര സീസണില്‍ സമാനമായ രണ്ടാമത്തെ നേട്ടമാണിത്. നേരത്തെ നവംബര്‍ 13ന് കേരളത്തിനെതിരായ രഞ്ജി ട്രോഫി മത്സരത്തിന്റെ ആദ്യ ഇന്നിംഗ്സില് ഹരിയാന ഫാസ്റ്റ് ബൗളര്‍ അന്‍ഷുല്‍ കാംബോജും ഇതേ നേട്ടം കൈവരിച്ചിരുന്നു.
ടെസ്റ്റില്‍ നാലാം ഇന്നിങ്സില് കൂടുതല്‍ റണ്‍സ്; സച്ചിനെ മറികടന്ന് ജോ റൂട്ട്
ലണ്ടൻ: ടെസ്റ്റ് ക്രിക്കറ്റില്‍ നാലാം ഇന്നിങ്സില് കൂടുതല്‍ റണ്‍സ് നേടിയതിന്റെ റെക്കോര്‍ഡ് ഇംഗ്ലണ്ടിന്റെ സ്റ്റാര്‍ ബാറ്റര്‍ ജോ റൂട്ടിന്. ഇന്ത്യന്‍ ഇതിഹാസം സച്ചിന്‍ ടെണ്ടുല്‍ക്കറുടെ റെക്കോര്‍ഡ് ആണ് ജോ റൂട്ട് മറികടന്നത്. ക്രൈസ്റ്റ് ചര്‍ച്ചില്‍ നടന്ന ആദ്യ ടെസ്റ്റില്‍ ന്യൂസിലന്‍ഡിനെതിരായ ഇംഗ്ലണ്ടിന്റെ വിജയകരമായ ചെയ്‌സിനിടെ പുറത്താകാതെ റൂട്ട് 23 റണ്‍സ് നേടിയതോടെയാണ് സച്ചിന്റെ റെക്കോര്‍ഡ് പഴങ്കഥയായത്. സച്ചിന്റെ 1625 എന്ന റെക്കോര്‍ഡ് മറികടന്ന ജോ റൂട്ട് നാലാം ഇന്നിങ്സില് 1630 റണ്‍സില്‍ എത്തിനില്‍ക്കുകയാണ്. ഞാന്‍ ബുംറയുടെ പന്തുകള്‍ നേരിട്ടിട്ടുണ്ട്, അഭിമാനത്തോടെ അത് പേരക്കുട്ടികളോട് പറയും; പുകഴ്ത്തി ഹെഡ് 60 നാലാം ഇന്നിംഗ്സുകളില് നിന്നാണ് സച്ചിന്‍ ഇത്രയും റണ്‍സ് നേടിയത്. എന്നാല്‍ ഇതുമായി താരതമ്യപ്പെടുത്തുമ്പോള്‍ റൂട്ട് വെറും 49 നാലാം ഇന്നിംഗ്സുകളില് നിന്നാണ് ഈ നേട്ടം കൈവരിച്ചത്. മുന്‍ ഇംഗ്ലണ്ട് ബാറ്റിങ് താരം അലിസ്റ്റര്‍ കുക്ക് (53 ഇന്നിംഗ്സില് 1611), ദക്ഷിണാഫ്രിക്കയുടെ ഗ്രെയിം സ്മിത്ത് (41 ഇന്നിംഗ്സില് 1611), വെസ്റ്റ് ഇന്‍ഡീസിന്റെ ചന്ദര്‍പോള്‍ (49 ഇന്നിംഗ്സില് 1580) എന്നിവരാണ് പട്ടികയിലെ മറ്റു ബാറ്റര്‍മാര്‍.
ഞാന്‍ ബുംറയുടെ പന്തുകള്‍ നേരിട്ടിട്ടുണ്ട്, അഭിമാനത്തോടെ അത് പേരക്കുട്ടികളോട് പറയും; പുകഴ്ത്തി ഹെഡ്
മെല്‍ബണ്‍: ഇന്ത്യയുടെ സൂപ്പര്‍ പേസര്‍ ജസ്പ്രിത് ബുംറയെ പുകഴ്ത്തി ഓസ്‌ട്രേലിയന്‍ താരം ട്രാവിസ് ഹെഡ്. ബുംറ ലോകത്തെ ഏറ്റവും മികച്ച ഫാസ്റ്റ് ബൗളറാകുമെന്നും ഇന്ത്യയുടെ മഹത്തായ താരത്തെ നേരിടാന്‍ ഏറെ ബുദ്ധിമുട്ടിയതായി അഭിമാനത്തോടെ തന്റെ പേരക്കുട്ടികളോട് പറയുമെന്നും ഹെഡ് പറഞ്ഞു. ബോര്‍ഡര്‍ ഗാവസ്‌കര്‍ ട്രോഫിയില്‍ പെര്‍ത്തില്‍ ആദ്യ ടെസ്റ്റില്‍ ഇന്ത്യ 295 റണ്‍സിന് വിജയിച്ച മത്സരത്തില്‍ മികച്ച പ്രകടനത്തിലൂടെ ലോകത്തിലെ ഏറ്റവും മികച്ച ബൗളര്‍ എന്ന പദവി ബുംറ ഉറപ്പിച്ചു. മത്സരത്തെ കുറിച്ച് ഓര്‍ക്കുമ്പോള്‍ എത്ര വെല്ലുവിളികള്‍ നിറഞ്ഞ നിമിഷങ്ങളായിരുന്നു അത്, ബുംറക്കെതിരെ കളിക്കുന്നത് മികച്ചതാണെന്നും ഹെഡ് മാധ്യമപ്രവര്‍ത്തകരോട് പറഞ്ഞു. ബീമാപള്ളി ഉറൂസ് മൂന്നുമുതല്‍ 13 വരെ; തിരുവനന്തപുരം നഗരസഭാ പരിധിയില്‍ നാളെ അവധി ബുംറയെ ഇനിയും നേരിടേണ്ടി വരും അത് വെല്ലുവിളികള്‍ നിറഞ്ഞതായിരിക്കും. പെര്‍ത്തില്‍ 8/72 എന്ന മികച്ച പ്രകടനമാണ് ബുംറ കാഴ്ചവെച്ചത്. പ്രധാന വിക്കറ്റുകള്‍ വിഴ്ത്തി മറ്റേതൊരു ബൗളറെയും അപേക്ഷിച്ച് ബുംറ തികച്ചും വ്യത്യസ്തനാണ്. ഒരോ ബാറ്റര്‍മാരെയും വിക്കറ്റിന് മുന്നില്‍ വ്യത്യസ്തമായ രീതിയില്‍ കുടുക്കുന്നു. ട്രാവിസ് ഹെഡ് പറഞ്ഞു.
ഗോവയെ പഞ്ഞിക്കിട്ട് സഞ്ജു; ഇംഗ്ലണ്ടിനെതിരെ ഓപ്പണർ സ്ഥാനം ഉറപ്പിച്ചോ? ഗിൽ വന്നാലും നോ ടെൻഷൻ, കാരണം
ഓസ്‌ട്രേലിയക്ക് എതിരായ ബോർഡർ-ഗവാസ്‌കർ ട്രോഫിയുടെ മത്സരച്ചൂടിലാണ് നിലവിൽ ഇന്ത്യൻ ക്രിക്കറ്റ് ടീം. ആഷസ് പോലെ തന്നെ സമീപ കാലത്ത് വലിയ സ്വീകാര്യത നേടിയ പോരാട്ടമായി ബിജിടി മാറിയിരുന്നു. ആദ്യ മത്സരത്തിൽ ഇന്ത്യ ജയിച്ചതോടെ പരമ്പരയിൽ മുന്നിലാണ് അവർ. എന്നാൽ അടുത്ത മാസം നടക്കുന്ന ഇംഗ്ലണ്ടിനെതിരായ ടി20 പാരമ്പരയിലാണ് മലയാളികളുടെ മുഴുവൻ ശ്രദ്ധയും പതിഞ്ഞിരിക്കുന്നത്. ക്രിക്കറ്റ് വരുമാനത്തിൽ കോലിയെ
പൊരുതി, സമനില: ലോക ചെസ് ചാമ്പ്യൻഷിപ്പിൽ ഗുകേഷിന് സമനില
സിംഗപ്പുർ >ലോക ചെസ് ചാമ്പ്യൻഷിപ്പിൽ ഇന്ത്യൻ കൗമാരതാരം ഡി ഗുകേഷും നിലവിലെ ചാമ്പ്യൻ ചൈനയുടെ ഡിങ് ലിറെനും തമ്മിലുള്ള ആറാംഗെയിം സമനിലയിൽ അവസാനിച്ചു. തുടർച്ചയായ മൂന്നാം സമനില. ആകെ നാലാമത്തേത്. എട്ട് ഗെയിം ശേഷിക്കെ ഇരുവർക്കും മൂന്നുവീതം പോയിന്റായി. ഇന്ന് വിശ്രമദിനമാണ്. ഏഴാം ഗെയിം നാളെ. ആദ്യം 7.5 പോയിന്റ് നേടുന്ന കളിക്കാരനാണ് ചാമ്പ്യനാകുക. ആദ്യ ഗെയിമിൽ ലിറെനും മൂന്നാം ഗെയിമിൽ ഗുകേഷും ജയം സ്വന്തമാക്കിയിരുന്നു. ആറാം ഗെയിമിൽ നാൽപ്പത്താറാം നീക്കത്തിലാണ് സമനില. വെള്ളക്കരുക്കളുമായി ഇറങ്ങിയ ഡിങ്ങിനായിരുന്നു ഒരുഘട്ടത്തിൽ മുൻതൂക്കം. കഴിഞ്ഞ ഗെയിമുകളെ അപേക്ഷിച്ച് ചൈനീസ് താരം ആദ്യനീക്കങ്ങൾ വേഗത്തിലാക്കി. ആദ്യ 20 നീക്കത്തിന് എടുത്തത് ഏഴ് മിനിറ്റിൽത്താഴെ സമയംമാത്രം. ചാമ്പ്യൻഷിപ്പിൽ വെള്ളക്കരുക്കളുമായി ഇറങ്ങിയ മുപ്പത്തിരണ്ടുകാരൻ പ്രതിരോധക്കരുത്തുള്ള ലണ്ടൻ പ്രാരംഭമുറയാണ് അവലംബിച്ചത്. മുമ്പ് പലവട്ടം വിജയിച്ച രീതിയിൽ മുന്നേറാമെന്നായിരുന്നു നിഗമനം. ഗുകേഷ് മത്സരത്തിന്റെ ആദ്യഘട്ടത്തിൽ 50 മിനിറ്റിൽ കൂടുതൽ സമയമെടുത്തു. 45–-ാം മിനിറ്റിൽ ഡിങ് മത്സരത്തിലാദ്യമായി മുൻതൂക്കം നേടി. തുടർന്ന് കളത്തിൽ കൂടുതൽ സമയം ചെലവഴിച്ച ചൈനീസ് ഗ്രാൻഡ്മാസ്റ്റർ നീക്കങ്ങൾ ആവർത്തിച്ചു. ഇതിനിടെ, കളിയുടെ ആദ്യഘട്ടത്തിൽ സമനിലയിൽ പിരിയാനുള്ള നീക്കം ഗുകേഷ് നിരാകരിച്ചു. കൂടുതൽ പോരാട്ടവീര്യത്തോടെയാണ് പതിനെട്ടുകാരൻ കരുക്കൾ നീക്കിയത്. എന്നാൽ, ഒരേ പൊസിഷൻ മൂന്നാം തവണയും ആവർത്തിച്ചതോടെ ഇരുവരും പോയിന്റ് പങ്കിട്ടു.
ലഖ്നൗ >രണ്ടരവർഷത്തെ കാത്തിരിപ്പിനൊടുവിൽ പി വി സിന്ധുവിനൊരു കിരീടം. സയ്യദ് മോദി രാജ്യാന്തര ബാഡ്മിന്റൺ ടൂർണമെന്റിൽ വനിതാ സിംഗിൾസിൽ ജേത്രിയായി. ചൈനയുടെ ലു യു വുവിനെ 21–-14, 21–-16ന് 47 മിനിറ്റിൽ തീർത്തു. 18–-ാംറാങ്കുള്ള സിന്ധുവിനെതിരെ 119–-ാം റാങ്കുകാരിയായ ചൈനീസ് താരത്തിന് കാര്യമായൊന്നും ചെയ്യാനായില്ല. 2022 ജൂലൈയിൽ സിംഗപ്പുർ ഓപ്പൺ ജയിച്ചശേഷം ഇരുപത്തൊമ്പതുകാരി നേടുന്ന ആദ്യട്രോഫിയാണ്. ആ വർഷം സയ്യദ് മോദി കിരീടം സ്വന്തമാക്കിയിരുന്നു. 2023ൽ സ്പെയ്ൻ മാസ്റ്റേഴ്സ് ടൂർണമെന്റിലും ഈവർഷം മലേഷ്യൻ മാസ്റ്റേഴ്സിലും ഫൈനലിലെത്തിയെങ്കിലും ജയിക്കാനായില്ല. പുരുഷ സിംഗിൾസ് കിരീടം ഇന്ത്യയുടെ ലക്ഷ്യസെന്നിനാണ്. സിംഗപ്പുരിന്റെ ജിയ ഹെങ് യാസറെ 21–-6, 21–-7ന് തോൽപ്പിച്ചു. 28 മിനിറ്റിൽ കളി തീർന്നു. മലയാളിയായ ട്രീസ ജോളിയും ഗായത്രി ഗോപിചന്ദും വനിതാ ഡബിൾസ് കിരീടം നേടി. ഫൈനലിൽ ചൈനയുടെ ലി ജിങ്ബാവോ–-ലി ക്വിയിൻ സഖ്യത്തെ 21–-18, 21–-11ന് കീഴടക്കി. മിക്സഡ് ഡബിൾസിൽ ധ്രുവ് കപില–-താനിഷ ക്രസ്റ്റോ കൂട്ടുകെട്ടും പുരുഷ ഡബിൾസിൽ പൃഥ്വി കൃഷ്ണമൂർത്തി റോയ്–-കെ സായ് പ്രതീക് സഖ്യവും ഫൈനലിൽ പരാജയപ്പെട്ടു.
റയലിന് ജയം; അതല്‌റ്റികോ കുതിക്കുന്നു
മാഡ്രിഡ് >ഗെറ്റഫെയെ എതിരില്ലാത്ത രണ്ടുഗോളിന് വീഴ്ത്തി സ്പാനിഷ് ഫുട്ബോൾ ലീഗിൽ റയൽ മാഡ്രിഡ് തുടർച്ചയായ മൂന്നാം ജയം സ്വന്തമാക്കി. മുപ്പതാം മിനിറ്റിൽ പെനൽറ്റി ലക്ഷ്യത്തിലെത്തിച്ച് ജൂഡ് ബെല്ലിങ്ഹാം ലീഡ് നൽകി. മുപ്പത്തെട്ടാം മിനിറ്റിൽ കിലിയൻ എംബാപ്പെ പട്ടിക തികച്ചു. പട്ടികയിൽ ഒന്നാമതുള്ള ബാഴ്സലോണയുമായി ഒരുപോയിന്റിന് മാത്രം പിന്നിലാണ് റയൽ. ബാഴ്സ 15 മത്സരങ്ങൾ പൂർത്തിയാക്കിയപ്പോൾ ഒന്ന് കുറവാണ് റയലിന്. ലീഗിൽ തുടർച്ചയായ നാലാംജയത്തോടെ അത്ലറ്റികോ മാഡ്രിഡ് കുതിപ്പു തുടർന്നു. വല്ലാഡോളിഡിനെ അഞ്ച് ഗോളിന് നിലംപരിശാക്കിയ അത്ലറ്റികോ ഒന്നാമതുള്ള ബാഴ്സലോണയുമായുള്ള അന്തരം രണ്ട് പോയിന്റാക്കി കുറച്ചു. ക്ലമന്റ് ലാങ്ലെ, ജൂലിയൻ അൽവാരസ്, റോഡ്രിഗോ ഡി പോൾ, ഒൺടോയ്ൻ ഗ്രീസ്മാൻ, അലെക്സാണ്ടർ സൊർലോത് എന്നിവർ അത്ലറ്റികോയ്ക്കായി ലക്ഷ്യംകണ്ടു. സീസണിൽ ഒരു തോൽവിമാത്രമാണ് ദ്യേഗോ സിമിയോണിയുടെ സംഘം വഴങ്ങിയത്. ഒന്നാമതുള്ള ബാഴ്സലോണയ്ക്ക് അവസാന മൂന്നുകളിയിൽ ജയിക്കാനായില്ല. ഇതിൽ രണ്ടിൽ തോറ്റു. ഒരു സമനില.
കാൻബെറ >ഓസ്ട്രേലിയക്കെതിരായ രണ്ടാം ക്രിക്കറ്റ് ടെസ്റ്റിനുമുന്നോടിയായുള്ള സന്നാഹമത്സരത്തിൽ ഇന്ത്യക്ക് ജയം. പ്രൈം മിനിസ്റ്റേഴ്സ് ഇലവനെ ആറ് വിക്കറ്റിനാണ് തോൽപ്പിച്ചത്. അഡ്ലെയ്ഡിൽ വെള്ളിയാഴ്ച പകൽ രാത്രി ടെസ്റ്റാണ് നടക്കുക. പിങ്ക് പന്തിലാണ് കളി. ഈ സാഹചര്യത്തിലാണ് പിങ്ക് പന്തിൽ സന്നാഹം കളിച്ചത്. ക്യാപ്റ്റൻ രോഹിത് ശർമയും ശുഭ്മാൻ ഗില്ലും കളിക്കാനിറങ്ങി. ദ്വിദിനമത്സരത്തിന്റെ ആദ്യദിനം മഴകാരണം ഒറ്റപ്പന്തുപോലും എറിയാനായില്ല. രണ്ടാംദിനം കളി 43 ഓവറാക്കി ചുരുക്കി. ആദ്യം ബാറ്റ് ചെയ്ത പ്രൈം മിനിസ്റ്റേഴ്സ് ഇലവൻ 240ന് പുറത്തായി. ഓപ്പണർ സാം കോൺസ്റ്റാസ് 97 പന്തിൽ 107 റണ്ണെടുത്തു. ഇന്ത്യക്കുവേണ്ടി ഹർഷിത് റാണ നാല് വിക്കറ്റ് വീഴ്ത്തി. ആകാശ് ദീപ് രണ്ട് വിക്കറ്റ് നേടി. മറുപടിക്കെത്തിയ ഇന്ത്യക്കുവേണ്ടി യശസ്വി ജയ്സ്വാളും കെ എൽ രാഹുലുമാണ് ഇന്നിങ്സ് ആരംഭിച്ചത്. ജയ്സ്വാൾ 59 പന്തിൽ 45ഉം രാഹുൽ 44 പന്തിൽ 27ഉം റണ്ണെടുത്തു. ഗിൽ 62 പന്തിൽ 50. നാലാമനായെത്തിയ ക്യാപ്റ്റൻ രോഹിതിന് 11 പന്തിൽ മൂന്നു റണ്ണെടുക്കാനേ കഴിഞ്ഞുള്ളൂ. നിതീഷ് കുമാർ റെഡ്ഡി (32 പന്തിൽ 42), വാഷിങ്ടൺ സുന്ദർ (36 പന്തിൽ 42), രവീന്ദ്ര ജഡേജ (31 പന്തിൽ 27) എന്നിവർ തിളങ്ങി. സർഫറാസ് ഖാൻ ഒരു റണ്ണെടുത്ത് പുറത്തായി. വിരാട് കോഹ്-ലി ബാറ്റിങ്ങിന് ഇറങ്ങിയില്ല. 46 ഓവറിൽ 257 റണ്ണാണ് ഇന്ത്യ നേടിയത്. അഞ്ച് ടെസ്റ്റ് പരമ്പരയിൽ ഇന്ത്യ 1–0ന് മുന്നിലാണ്.
ദേശീയ ജൂനിയർ അത്ലറ്റിക് മീറ്റ്: തിരിച്ചുപിടിക്കാൻ കേരളം
മലപ്പുറം >ദേശീയ ജൂനിയർ അത്ലറ്റിക് മീറ്റ് ഏഴുമുതൽ 11 വരെ ഒഡിഷയുടെ തലസ്ഥാനമായ ഭുവനേശ്വറിലെ കലിംഗ സ്റ്റേഡിയത്തിൽ നടക്കും. ഒക്ടോബർ 25 മുതൽ 29 വരെ നടത്താൻ തീരുമാനിച്ചിരുന്ന മീറ്റ് ദാന ചുഴലിക്കാറ്റിനെ തുടർന്ന് മാറ്റുകയായിരുന്നു. 98 ഇനങ്ങളിൽ പകലും രാത്രിയുമായാണ് മത്സരം. കേരളത്തിന് 108 അംഗ ടീമാണുള്ളത്. നഷ്ടപ്രതാപം തിരിച്ചുപിടിക്കാൻ ഇറങ്ങുന്ന കേരളത്തിന് ഇത്തവണയും കടുത്ത വെല്ലുവിളി നേരിടേണ്ടിവരും. കഴിഞ്ഞ ആറുതവണയായി ഹരിയാനയാണ് ജേതാക്കൾ. ഉത്തർപ്രദേശും തമിഴ്നാടും ശക്തമായ ടീമാണ്. 2016ൽ കോയമ്പത്തൂരിലാണ് കേരളം അവസാനമായി ജേതാക്കളായത്. തുടർന്നുള്ള മൂന്നുവർഷം രണ്ടാംസ്ഥാനത്തായിരുന്നു. 2019ൽ പെൺകുട്ടികളുടെ വിഭാഗത്തിൽ ചാമ്പ്യൻമാരായതാണ് അവസാനത്തെ മികച്ച നേട്ടം. 2022ലും 2023ലും അഞ്ചാംസ്ഥാനത്തായി.കേരള ടീമിൽ 54 വീതം പെൺകുട്ടികളും ആൺകുട്ടികളുമാണുള്ളത്. ആദ്യം 125 അംഗ ടീമിനെ പ്രഖ്യാപിച്ചിരുന്നെങ്കിലും പിന്നീട് 108 ആയി ചുരുങ്ങി. സ്കൂൾ കായികമേളകളിൽ പങ്കെടുക്കുന്നതിനായി ചില താരങ്ങൾ പിൻമാറിയതോടെയാണ് എണ്ണം കുറഞ്ഞത്. കേരളതാരങ്ങൾ ട്രെയിനിലും വിമാനത്തിലുമായാണ് ഭുവനേശ്വറിൽ എത്തുക. ട്രെയിനിൽ പോകുന്ന താരങ്ങൾ നാലിന് വിവേക് എക്സ്പ്രസിൽ പുറപ്പെടും. മികച്ച ടീമിനെയാണ് മത്സരത്തിന് അയക്കുന്നതെന്ന് സംസ്ഥാന അത്ലറ്റിക് അസോസിയേഷൻ സെക്രട്ടറി കെ ചന്ദ്രശേഖരൻപിള്ള പറഞ്ഞു. വ്യക്തിഗത ഇനങ്ങൾക്കുപുറമെ റിലേ ഇനങ്ങളിലും മെഡൽപ്രതീക്ഷയുണ്ട്. കേരള ടീമിന്റെ ചീഫ് കോച്ച് ആർ ജയകുമാറാണ്. കെ പി സഫ്നീത്, ഷംനാർ എന്നിവരാണ് മറ്റു പരിശീലകർ. കെ ചന്ദ്രശേഖരൻപിള്ള, സി കവിത, എം എഡ്വേഡ് എന്നിവരാണ് മാനേജർമാർ.
ഭുവനേശ്വർ >ഐഎസ്എൽ ഫുട്ബോളിൽ ബംഗളൂരു എഫ്സിയെ 4–2ന് തകർത്ത് ഒഡിഷ എഫ്സി. സീസണിലെ രണ്ടാം തോൽവിയാണ് ബംഗളൂരുവിന്. 10 കളിയിൽ 20 പോയിന്റുമായി രണ്ടാമത്. 15 പോയിന്റുമായി ഒഡിഷ മൂന്നാമതെത്തി. മൗറീസിയോ ഇരട്ടഗോൾ നേടി. മൗർട്ടാഡ ഫാൾ, ജെറി എന്നിവരും ലക്ഷ്യം കണ്ടു. ബംഗളൂരുവിനായി സുനിൽ ഛേത്രിയും എഡ്ഗാർ മെൻഡെസും മടക്കി.
ഇംഗ്ലണ്ടിന് എട്ട് വിക്കറ്റ് ജയം
ക്രൈസ്റ്റ്ചർച്ച് >ന്യൂസിലൻഡിനെതിരായ ആദ്യ ക്രിക്കറ്റ് ടെസ്റ്റിൽ ഇംഗ്ലണ്ടിന് എട്ട് വിക്കറ്റ് ജയം. ജയിക്കാൻ ആവശ്യമായ 104 റൺ രണ്ട് വിക്കറ്റ് നഷ്ടത്തിൽ നേടി. രണ്ട് ഇന്നിങ്സിലുമായി പത്ത് വിക്കറ്റെടുത്ത പേസ് ബൗളർ ബ്രൈഡൻ കാർസിയാണ് കളിയിലെ താരം. സ്കോർ: ന്യൂസിലൻഡ് 348, 254 ഇംഗ്ലണ്ട് 499, 104/2. കിവീസ് ബാറ്റർമാർക്ക് രണ്ടാം ഇന്നിങ്സിലും ആധിപത്യം നേടാനായില്ല. ഡാരിൽ മിച്ചലും (84) കെയ്ൻ വില്യംസനും (61) പൊരുതിയെങ്കിലും ഇംഗ്ലണ്ടിനെ വീഴ്ത്താനുള്ള ലീഡില്ലാതെ പോയി. 19.1 ഓവറിൽ 42 റൺ വഴങ്ങി ആറ് വിക്കറ്റെടുത്താണ് ബ്രൈഡൻ കിവീസിനെ തടഞ്ഞത്. ക്രിസ് വോക്സിന് മൂന്ന് വിക്കറ്റുണ്ട്. മൂന്ന് മത്സരപരമ്പയിൽ ഇംഗ്ലണ്ട് 1–-0 മുന്നിലെത്തി. രണ്ടാം ടെസ്റ്റ് വെള്ളിയാഴ്ച തുടങ്ങും.
കൂച്ച് ബെഹാർ: അസമിനോട് തോറ്റ് കേരളം
ഗുവാഹത്തി >പത്തൊമ്പതുവയസ്സിന് താഴെയുള്ളവരുടെ കൂച്ച് ബെഹാർ ട്രോഫിയിൽ അസം 225 റണ്ണിന് കേരളത്തെ തോൽപ്പിച്ചു. 277 റൺ വിജയലക്ഷ്യവുമായി ഇറങ്ങിയ കേരളം 51 റണ്ണിന് പുറത്തായി. അഞ്ച് വിക്കറ്റ് വീഴ്ത്തിയ സ്പിൻ ബൗളർ ഹിമാൻഷു സാരസ്വതിന്റെ പ്രകടനമാണ് അസമിന് അനായാസജയം ഒരുക്കിയത്. ആദ്യ ഇന്നിങ്സിലും അഞ്ച് വിക്കറ്റുണ്ട്. രണ്ട് ഇന്നിങ്സുകളിലുമായി പതിനെട്ടുകാരന് 77 റണ്ണുമുണ്ട്. സ്കോർ: അസം 233, 224 കേരളം 181, 51.
46 നീക്കങ്ങള്‍, ആറാം പോരിലും സമനില പാലിച്ച് ഗുകേഷും ഡിങ് ലിറനും
സിങ്കപ്പുര്‍: ലോക ചെസ് ചാംപ്യന്‍ഷിപ്പ് ഫൈനലിലെ ആറാം പോരാട്ടവും സമനിലയില്‍. നിലവിലെ ലോക ചാംപ്യന്‍ ചൈനയുടെ ഡിങ് ലിറനും ഇന്ത്യയുടെ യുവ താരം ഡി ഗുകേഷുമാണ് ലോക ചാംപ്യന്‍ പട്ടത്തിനായി ഏറ്റുമുട്ടുന്നത്. ഇതോടെ ഇരു താരങ്ങള്‍ക്കും 3 വീതം പോയിന്റുകള്‍. 7.5 പോയിന്റാണ് ലോക കിരീടത്തിനു വേണ്ടത്. ഇരുവര്‍ക്കും ശേഷിക്കുന്ന എട്ട് റൗണ്ടില്‍ നിന്നു 4.5 പോയിന്റുകളാണ് വേണ്ടത്. സഞ്ജുവിന്റെ കാമിയോ തുണച്ചു! മഴക്കളിയില്‍ ഗോവയെ വീഴ്ത്തി കേരളം ആറാം പോരാട്ടത്തില്‍ ഗുകേഷ് കറുത്ത കരുക്കളുമായാണ് കളിച്ചത്. 46 നീക്കങ്ങള്‍ക്കൊടുവിലാണ് പോരാട്ടം ഒപ്പത്തിനൊപ്പം പിരിഞ്ഞത്. ഒന്നാം പോരാട്ടം ജയിച്ച് ഡിങ് ലിറന്‍ തുടങ്ങിയെങ്കിലും ഗുകേഷ് മൂന്നാം മത്സരത്തില്‍ ജയം പിടിച്ച് ഒപ്പമെത്തി. അതിനിടെ രണ്ടാം പോരാട്ടം ഇരുവരും സമനിലയില്‍ പിരിഞ്ഞിരുന്നു. പിന്നാലെയാണ് നാലും അഞ്ചും ആറും പോരാട്ടം ഒപ്പത്തിനൊപ്പം നിന്നത്.
സഞ്ജുവിന്റെ കാമിയോ തുണച്ചു! മഴക്കളിയില്‍ ഗോവയെ വീഴ്ത്തി കേരളം
ഹൈദരാബാദ്: സയ്യിദ് മുഷ്താഖ് അലി ട്രോഫി ടി20 പോരാട്ടത്തില്‍ കേരളത്തിനു നാലാം ജയം. അഞ്ചാം പോരാട്ടത്തില്‍ കേരളം ഗോവയെ 11 റണ്‍സിനു വീഴ്ത്തി. മഴ മത്സരത്തില്‍ വില്ലനായപ്പോള്‍ വിജെഡി നിയമം അനുസരിച്ച് കേരളത്തെ വിജയികളായി പ്രഖ്യാപിക്കുകയായിരുന്നു. മഴയെ തുടര്‍ന്നു മത്സരം 13 ഓവറാക്കിയാണ് തുടങ്ങിയത്. ആദ്യം ബാറ്റ് ചെയ്ത കേരളം 13 ഓവറില്‍ 6 വിക്കറ്റ് നഷ്ടത്തില്‍ 143 റണ്‍സാണ് ബോര്‍ഡില്‍ ചേര്‍ത്തത്. ഗോവ 7.5 ഓവറില്‍ 2 വിക്കറ്റ് നഷ്ടത്തില്‍ 69 റണ്‍സെടുത്തു നില്‍ക്കെ വീണ്ടും മഴ കളി തടസപ്പെടുത്തി. പിന്നീട് തുടരാന്‍ സാധിച്ചില്ല. ഇതോടെയാണ് കേരളത്തെ വിജയികളായി പ്രഖ്യാപിച്ചത്. ഗോവയ്ക്കായി ഓപ്പണര്‍ ഇഷാന്‍ ഗാഡ്കര്‍ മികച്ച തുടക്കമാണ് നല്‍കിയത്. കളി നിര്‍ത്തുമ്പോള്‍ താരം 22 പന്തില്‍ 4 ഫോറും 3 സിക്സും സഹിതം 45 റണ്‍സുമായി പുറത്താകാതെ നില്‍ക്കുകയായിരുന്നു. ഒപ്പം സുയാഷ് പ്രഭുദേശായ് 9 റണ്‍സുമായി ക്രീസിലുണ്ടായിരുന്നു. അഞ്ച് വീതം റണ്‍സെടുത്ത അസാന്‍ തോട്ട, കശ്യപ് ബകലെ എന്നിവരുടെ വിക്കറ്റുകളാണ് ഗോവയ്ക്ക് നഷ്ടമായത്. ഗോവയ്ക്ക് നഷ്ടമായ രണ്ട് വിക്കറ്റുകള്‍ ജലജ് സക്‌സേന, ബേസില്‍ തമ്പി എന്നിവര്‍ പങ്കിട്ടു. യശസ്വി, ഗില്‍, ഹര്‍ഷിത് തിളങ്ങി; പിങ്ക് ബോള്‍ സന്നാഹത്തില്‍ ഇന്ത്യയ്ക്ക് അനായാസ ജയം നേരത്തെ മിന്നും തുടക്കമാണ് ക്യാപ്റ്റന്‍ സഞ്ജു സാംസണ്‍ ടീമിനു നല്‍കിയത്. ഒപ്പറായി എത്തിയ സഞ്ജു 15 പന്തില്‍ 4 ഫോറും 2 സിക്സും സഹിതം 31 റണ്‍സെടുത്തു. മൂന്നാമായി എത്തിയ സല്‍മാന്‍ നിസാറാണ് തിളങ്ങിയ മറ്റൊരാള്‍. താരം 20 പന്കില്‍ 3 ഫോറും 1 സിക്‌സുമടക്കം 34 റണ്‍സെടുത്ത് ടോപ് സ്‌കോററായി. മധ്യനിരയില്‍ അബ്ദുല്‍ ബാസിതിന്റെ ബാറ്റിങും കേരളത്തിനു തുണയായി. താരം 2 സിക്സും 1 ഫോറും സഹിതം 23 റണ്‍സെടുത്തു. 7 പന്തില്‍ ഓരോ സിക്സും ഫോറും സഹിതം 11 റണ്‍സെടുത്തു ഷറഫുദ്ദീനും 3 പന്തില്‍ 7 റണ്‍സുമായി ബേസിലും ചേര്‍ന്ന് സ്‌കോര്‍ 143ല്‍ എത്തിച്ചു.
സഞ്ജുവിന്റെ വെടിക്കെട്ട്; കേരളത്തിനെതിരെ ഗോവ നേടണം 13 ഓവറില്‍ 144 റണ്‍സ്
ഹൈദരാബാദ്: സയ്യിദ് മുഷ്താഖ് അലി ട്രോഫി ടി20 പോരാട്ടത്തില്‍ ഗോവയ്ക്ക് മുന്നില്‍ മികച്ച ലക്ഷ്യം വച്ച് കേരളം. മഴയെ തുടര്‍ന്നു 13 ഓവറാക്കി മത്സരം ചുരുക്കിയിരുന്നു. ആദ്യം ബാറ്റ് ചെയ്ത കേരളം 13 ഓവറില്‍ 6 വിക്കറ്റ് നഷ്ടത്തില്‍ 143 റണ്‍സാണ് ബോര്‍ഡില്‍ ചേര്‍ത്തത്. മിന്നും തുടക്കമാണ് ക്യാപ്റ്റന്‍ സഞ്ജു സാംസണ്‍ ടീമിനു നല്‍കിയത്. ഒപ്പറായി എത്തിയ സഞ്ജു 15 പന്തില്‍ 4 ഫോറും 2 സിക്സും സഹിതം 31 റണ്‍സെടുത്തു. പിവി സിന്ധുവിനും ലക്ഷ്യ സെന്നിനും കിരീടം; വനിതാ ഡബിള്‍സില്‍ മലയാളി താരമുള്‍പ്പെട്ട സഖ്യത്തിന് നേട്ടം മൂന്നാമായി എത്തിയ സല്‍മാന്‍ നിസാറാണ് തിളങ്ങിയ മറ്റൊരാള്‍. താരം 20 പന്കില്‍ 3 ഫോറും 1 സിക്‌സുമടക്കം 34 റണ്‍സെടുത്ത് ടോപ് സ്‌കോററായി. മധ്യനിരയില്‍ അബ്ദുല്‍ ബാസിതിന്റെ ബാറ്റിങും കേരളത്തിനു തുണയായി. താരം 2 സിക്സും 1 ഫോറും സഹിതം 23 റണ്‍സെടുത്തു. 7 പന്തില്‍ ഓരോ സിക്സും ഫോറും സഹിതം 11 റണ്‍സെടുത്തു ഷറഫുദ്ദീനും 3 പന്തില്‍ 7 റണ്‍സുമായി ബേസിലും ചേര്‍ന്ന് സ്‌കോര്‍ 143ല്‍ എത്തിച്ചു.
പിവി സിന്ധുവിനും ലക്ഷ്യ സെന്നിനും കിരീടം; വനിതാ ഡബിള്‍സില്‍ മലയാളി താരമുള്‍പ്പെട്ട സഖ്യത്തിന് നേട്ടം
ലഖ്നൗ: സയ്യിദ് മോദി അന്താരാഷ്ട്ര ബാഡ്മിന്റണ്‍ പുരുഷ, വനിതാ സിംഗിള്‍സ് കിരീടങ്ങളും വനിതാ ഡബിള്‍സ് കിരീടവും ഇന്ത്യക്ക്. വനിതാ സിംഗിള്‍സില്‍ പിവി സിന്ധുവും പുരുഷ സിംഗിള്‍സില്‍ ലക്ഷ്യ സെന്നും കിരീടത്തില്‍ മുത്തമിട്ടു. വനിതാ ഡബിള്‍സില്‍ മലയാളി താരം ട്രീസ ജോളിയും ഗായത്രി ഗോപീചന്ദും ചേര്‍ന്ന സഖ്യമാണ് ജേതാക്കളായത്. വനിതാ സിംഗിള്‍സ് ഫൈനലില്‍ ചൈനയുടെ വു ലുവ് യുവിനെ വീഴ്ത്തിയാണ് സിന്ധുവിന്റെ കിരീട നേട്ടം. കലാശപ്പോര് ഏകപക്ഷീയമായിരുന്നു. രണ്ട് സെറ്റ് നീണ്ട പോരില്‍ അനായാസ വിജയമാണ് സിന്ധു സ്വന്തമാക്കിയത്. സ്‌കോര്‍: 21-14, 21-16. സിന്ധുവിന്റെ മൂന്നാം സയ്യിദ് മോദി കിരീടമാണിത്. നേരത്തെ 2017, 2022 വര്‍ഷങ്ങളില്‍ താരം കിരീടം സ്വന്തമാക്കിയിരുന്നു. കഴിഞ്ഞ വര്‍ഷം പരിക്കിനെ തുടര്‍ന്നു മത്സരിച്ചില്ല. രണ്ടാം മിനിറ്റ് മുതല്‍ 10 പേരായിട്ടും കുലുങ്ങിയില്ല! ലാറ്റിനമേരിക്കന്‍ ഫുട്‌ബോളില്‍ ചരിത്രമെഴുതി ബോട്ടഫോഗോ ലക്ഷ്യക്ക് കന്നി നേട്ടം പുരുഷ സിംഗിള്‍സില്‍ ലക്ഷ്യ കന്നി സയ്യിദ് മോദി കിരീടമാണ് പിടിച്ചെടുത്തത്. ഫൈനലില്‍ സിങ്കപ്പുരിന്റെ ജിയ തെഹ്‌നെയാണ് വീഴ്ത്തിയത്. അനായാസമായിരുന്നു താരത്തിന്റേയും മുന്നേറ്റം. സ്‌കോര്‍: 21-6, 21-7. അനായാസം ഇന്ത്യന്‍ സഖ്യം വനിതാ ഡബിള്‍സില്‍ ട്രീസ- ഗായത്രി സഖ്യം ചൈനീസ് സഖ്യമായ ബാവോ ലിജിങ്- ലി ക്വിയാന്‍ സഖ്യത്തെയാണ് വീഴ്ത്തിയത്. ആദ്യ സെറ്റില്‍ ചൈനീസ് സഖ്യം കടുത്ത വെല്ലുവിളി തീര്‍ത്തെങ്കിലും രണ്ടാം സെറ്റ് ഇന്ത്യന്‍ സഖ്യം അനായാസം ജയിച്ചു. സ്‌കോര്‍: 21-18, 21-11.
ബ്യൂണസ് അയേഴ്‌സ്: ലാറ്റിനമേരിക്കന്‍ ഫുട്‌ബോള്‍ പോരാട്ടമായ കോപ്പ ലിബര്‍ട്ടഡോറസ് ചരിത്രമെഴുതി ബ്രസീല്‍ ക്ലബ് ബോട്ടഫോഗോ. ചരിത്രത്തിലാദ്യമായി അവര്‍ കിരീടം സ്വന്തമാക്കി. ഫൈനലില്‍ ബ്രസീല്‍ ഫുട്‌ബോളിലെ കരുത്തരായ അത്‌ലറ്റിക്കോ മിനെയ്‌റോയെ വീഴ്ത്തിയാണ് ബോട്ടഫോഗോ കന്നി നേട്ടത്തിലെത്തിയത്. ഫൈനലില്‍ 3-1നാണ് ടീമിന്റെ ജയം. കിരീട നേട്ടത്തോടെ ബോട്ടഫോഗോ ക്ലബ് ലോകകപ്പിനു യോഗ്യതയും നേടി. കളി തുടങ്ങി രണ്ടാം മിനിറ്റില്‍ തന്നെ ഡിഫന്‍സീവ് മിഡ്ഫീല്‍ഡര്‍ ഗ്രിഗോറിനെ നഷ്ടമായ ബോട്ടഫോഗോയ്ക്ക് കളിയുടെ ഭൂരിഭാഗം സമയത്തും പത്ത് പേരായി കളിക്കേണ്ടി വന്നു. രണ്ടാം മിനിറ്റില്‍ താരം ചുവപ്പ് കാര്‍ഡ് വാങ്ങി പുറത്തായതാണ് അവരെ കുഴക്കിയത്. യശസ്വി, ഗില്‍, ഹര്‍ഷിത് തിളങ്ങി; പിങ്ക് ബോള്‍ സന്നാഹത്തില്‍ ഇന്ത്യയ്ക്ക് അനായാസ ജയം എന്നാല്‍ പത്ത് പേരായിട്ടും അവരുടെ പോരാട്ട വീര്യം കുറഞ്ഞില്ല. 35ാം മിനിറ്റില്‍ ലൂയിസ് ഹെന്റിക്വെയാണ് ബോട്ടഫോഗോയ്ക്ക് ലീഡ് സമ്മാനിച്ചത്. 44ാം മിനിറ്റില്‍ ലഭിച്ച പെനാല്‍റ്റി വലയിലാക്കി അല്‍ക്‌സ് ടെല്ലെസ് ടീമിന് രണ്ടാം ഗോള്‍ സമ്മാനിച്ചു. രണ്ടാം പകുതി തുടങ്ങി 47ാം മിനിറ്റില്‍ അത്‌ലറ്റിക്കോ മിനെയ്‌റോ എഡ്വാര്‍ഡോ വര്‍ഗാസിലൂടെ ലീഡ് കുറച്ചു. എന്നാല്‍ ഇഞ്ച്വറി സമയത്ത് ജൂനിയര്‍ സാന്റോസിലൂടെ ബോട്ടഫോഗോ ജയവും കന്നി കിരീടവും ഉറപ്പിച്ചു.
യശസ്വി, ഗില്‍, ഹര്‍ഷിത് തിളങ്ങി; പിങ്ക് ബോള്‍ സന്നാഹത്തില്‍ ഇന്ത്യയ്ക്ക് അനായാസ ജയം
കാന്‍ബറ: പ്രൈം മിനിസ്റ്റേഴ്സ് ഇലവനെതിരായ പിങ്ക് ബോള്‍ സന്നാഹ മത്സരത്തില്‍ ഇന്ത്യക്ക് അനായാസ ജയം. 5 വിക്കറ്റിനാണ് ഇന്ത്യയുടെ ജയം. 50 ഓവറാക്കി പുതുക്കി നിശ്ചയിച്ച പോരില്‍ ആദ്യം ബാറ്റ് ചെയ്ത പ്രൈം മിനിസ്റ്റേഴ്സ് ഇലവന്‍ 43.2 ഓവറില്‍ 240 റണ്‍സില്‍ പുറത്തായി. ഇന്ത്യ 46 ഓവറില്‍ 5 വിക്കറ്റ് നഷ്ടത്തില്‍ 257 റണ്‍സെടുത്താണ് ജയം സ്വന്തമാക്കിയത്. ഇന്ത്യക്കായി ശുഭ്മാന്‍ ഗില്‍ അര്‍ധ സെഞ്ച്വറി നേടി. താരം 50 റണ്‍സെടുത്തു. ഓപ്പണര്‍ യശസ്വി ജയ്‌സ്വാള്‍ (45), നിതീഷ് കുമാര്‍ റെഡ്ഡി (42), കെഎല്‍ രാഹുല്‍ (27), രവീന്ദ്ര ജഡേജ (27), വാഷിങ്ടന്‍ സുന്ദര്‍ (പുറത്താകാതെ 42) എന്നിവരെല്ലാം ബാറ്റിങില്‍ തിളങ്ങി. ക്യാപ്റ്റന്‍ രോഹിത് ശര്‍മ പക്ഷേ വീണ്ടും ബാറ്റിങില്‍ അമ്പേ പരാജയമായി. 11 പന്തില്‍ 3 റണ്‍സുമായി രോഹിത് മടങ്ങി. സമീപ കാലത്ത് ടെസ്റ്റില്‍ ഫോം ഔട്ടായി ഉഴറുകയാണ് നായകന്‍. സന്നാഹ മത്സരത്തിലും താരത്തിനു തിളങ്ങാന്‍ സാധിച്ചില്ല. രണ്ടാം ടെസ്റ്റിനൊരുങ്ങുന്ന ഇന്ത്യക്ക് രോഹിതിന്റെ ഫോം ഔട്ടാണ് വലിയ തലവേദനയാകുന്നത്. ബ്രിസ്‌ബെയ്ന്‍ ഹീറ്റിനെ വീഴ്ത്തി; മെല്‍ബണ്‍ റെനഗേഡ്‌സിന് വനിതാ ബിഗ് ബാഷ് ലീഗില്‍ കന്നി കിരീടം മഴയെ തുടര്‍ന്നു ദ്വിദിന പോരാട്ടം ഇന്ന് 50 ഓവറാക്കി ചുരുക്കിയാണ് നടന്നത്. അഡ്ലെയ്ഡില് നടക്കുന്ന രണ്ടാം ടെസ്റ്റില്‍ പിങ്ക് പന്തിലാണ് ഇന്ത്യ ഓസ്ട്രേലിയയുമായി ഏറ്റുമുട്ടുന്നത്. അതിനാലാണ് പരിശീലന മത്സരം പിങ്ക് പന്തിലാക്കിയത്. ഹര്‍ഷിത് റണയുടെ മിന്നും ബൗളിങാണ് പ്രൈം മിനിസ്റ്റേഴ്സ് ഇലവനെ 240ല്‍ ഒതുക്കിയത്. താരം നാല് വിക്കറ്റുകള്‍ സ്വന്തമാക്കി. അകാശ് ദീപ് രണ്ട് വിക്കറ്റെടുത്തു. മുഹമ്മദ് സിറാജ്, പ്രസിദ്ധ് കൃഷ്ണ, വാഷിങ്ടന്‍ സുന്ദര്‍, രവീന്ദ്ര ജഡേജ എന്നിവര്‍ ഓരോ വിക്കറ്റെടുത്തു. പ്രൈം മിനിസ്റ്റേഴ്സ് ഇലവനായി ഓപ്പണര്‍ സാം കോണ്‍സ്റ്റാസ് സെഞ്ച്വറി നേടി. താരം 107 റണ്‍സെടുത്തു. വാലറ്റത്ത് ഹന്നോ ജേക്കബ്സ് അര്‍ധ സെഞ്ച്വറി നേടി. 60 പന്തില്‍ 61 റണ്‍സാണ് താരം നേടിയത്. 40 റണ്‍സെടുത്ത ജാക്ക് ക്ലൈറ്റനാണ് തിളങ്ങിയ മറ്റൊരു താരം.
ബ്രിസ്‌ബെയ്ന്‍ ഹീറ്റിനെ വീഴ്ത്തി; മെല്‍ബണ്‍ റെനഗേഡ്‌സിന് വനിതാ ബിഗ് ബാഷ് ലീഗില്‍ കന്നി കിരീടം
#WBBL10
സിഡ്‌നി: മുന്‍ ഓസ്‌ട്രേലിയന്‍ ഓപ്പണര്‍ ഇയാന്‍ റെഡ്പാത് അന്തരിച്ചു. അദ്ദേഹത്തിന് 83 വയസായിരുന്നു. 1964 മുതല്‍ 1976 വരെ ഓസീസിനായി തിളങ്ങിയ താരമാണ് ഇയാന്‍ റെഡ്പാത്. ഓസ്‌ട്രേലിയക്കായി 66 ടെസ്റ്റ് മത്സരങ്ങള്‍ കളിച്ചു. 5 ഏകദിന മത്സരങ്ങളും. അന്താരാഷ്ട്ര അരങ്ങേറ്റത്തില്‍ തന്നെ ഇയാന്‍ ശ്രദ്ധേയനായിരുന്നു. 1964ല്‍ ദക്ഷിണാഫ്രിക്കക്കെതിരെ ടെസ്റ്റില്‍ അരങ്ങേറിയ അദ്ദേഹത്തിനു 3 റണ്‍സില്‍ സെഞ്ച്വറി നഷ്ടമായി. അരങ്ങേറ്റ പോരില്‍ 97 റണ്‍സാണ് ഇയാന്‍ കണ്ടെത്തിയത്. എന്നാല്‍ പിന്നീട് 5 വര്‍ഷങ്ങള്‍ക്ക് ശേഷമാണ് താരം ടെസ്റ്റിലെ ആദ്യ സെഞ്ച്വറി കണ്ടെത്തിയത്. ഗാരി സോബേഴ്‌സും വെസ് ഹാളുമടങ്ങിയ കരുത്തരായ വെസ്റ്റ് ഇന്‍ഡീസിനെതിരെ 132 റണ്‍സടിച്ചാണ് കന്നി ടെസ്റ്റ് സെഞ്ച്വറി സ്വന്തമാക്കിയത്. പിങ്ക് ബോള്‍ സന്നാഹം; പ്രൈം മിനിസ്റ്റേഴ്സ് ഇലവനെതിരെ ഇന്ത്യക്ക് 241 റണ്‍സ് ലക്ഷ്യം ടെസ്റ്റില്‍ 4,737 റണ്‍സ് നേടി. എട്ട് സെഞ്ച്വറികളുമുണ്ട്. ഇംഗ്ലണ്ടിനെതിരെ 1970ല്‍ പെര്‍ത്തില്‍ നേടിയ 171 റണ്‍സാണ് ഉയര്‍ന്ന സ്‌കോര്‍. ഹെല്‍മറ്റ് ധരിച്ച് ബാറ്റര്‍മാര്‍ കളിക്കുന്നതിനു മുന്‍പുള്ള കാലഘട്ടത്തില്‍ ക്രിക്കറ്റ് കളിച്ച ഇയാന്റെ സാങ്കേതിക ഭദ്രത അന്ന് പ്രസിദ്ധമായിരുന്നു. അത്തരമൊരു കാലത്ത് സൂക്ഷ്മമായി പന്തിനെ വിലയിരുത്തി ഷോട്ടുകള്‍ തിരഞ്ഞെടുക്കുന്നതില്‍ ഇയാന്‍ കണിശത കാട്ടിയിരുന്നു. ഇയാന്‍, ക്രെയ്ഗ് ചാപ്പല്‍മാരുടെ കാലത്ത് ഇരുവരുടേയും സഹ നായകനായും ഇയാന്‍ റെഡ്പാത് ഓസീസിനായി ഇറങ്ങിയിട്ടുണ്ട്. 2023ല്‍ ഓസ്‌ട്രേലിയന്‍ ക്രിക്കറ്റ് അദ്ദേഹത്തെ ഹാള്‍ ഓഫ് ഫെയ്മില്‍ ഉള്‍പ്പെടുത്തി ആദരിച്ചു.
ക്രൈസ്റ്റ് ചര്‍ച്ച്: അരങ്ങേറ്റ മത്സരത്തില്‍ ടെസ്റ്റ് ക്രിക്കറ്റിലെ രണ്ടാമത്തെ അതിവേഗ അര്‍ധ സെഞ്ച്വറിയുമായി ഇംഗ്ലണ്ട് യുവ ബാറ്റര്‍ ജേക്കബ് ബെതല്‍. ന്യൂസീലന്‍ഡിനെതിരായ ആദ്യ ടെസ്റ്റില്‍ ഇംഗ്ലണ്ട് എട്ടുവിക്കറ്റ് വിജയം നേടിയപ്പോള്‍ രണ്ടാം ഇന്നിങ്സില് 37 പന്തുകള്‍ നേരിട്ട താരം 50 റണ്‍സുമായി പുറത്താകാതെനിന്നു. ടി20 ശൈലിയില്‍ ബാറ്റുവീശിയ താരം ഒരു സിക്സും എട്ടു ഫോറുകളുമാണു ബൗണ്ടറി കടത്തിയത്. ഇതോടെ 104 റണ്‍സ് വിജയലക്ഷ്യം പിന്തുടര്‍ന്ന ഇംഗ്ലണ്ട് 12.4 ഓവറില്‍ രണ്ടു വിക്കറ്റ് നഷ്ടത്തില്‍ ലക്ഷ്യത്തിലെത്തി. സ്‌കോര്‍ ബോര്‍ഡില്‍ ഒരു റണ്‍സ് എന്നിരിക്കെ ഓപ്പണര്‍ സാക്ക് ക്രൗലി പുറത്തായി. പിന്നാലെ ബെന്‍ ഡക്കറ്റും ജേക്കബ് ബെതലും കൈകോര്‍ത്തത്. 27 റണ്‍സെടുത്ത് ഡക്കറ്റ് മടങ്ങിയപ്പോള്‍, അര്‍ധ സെഞ്ചറിയുമായി ബെതല്‍ ക്രീസില്‍ ഉറച്ചുനിന്നു. ഐപിഎല്‍ താരലേലത്തില്‍ ഇംഗ്ലണ്ട് ബാറ്റര്‍ ബെതലിനെ 2.60 കോടി രൂപയ്ക്കാണ് റോയല്‍ ചാലഞ്ചേഴ്‌സ് ബാംഗ്ലൂര്‍ വാങ്ങിയത്. ആദ്യ ഇന്നിങ്സില് 34 പന്തുകള്‍ നേരിട്ട താരം 10 റണ്‍സ് മാത്രമെടുത്തു പുറത്തായിരുന്നു. Star Boy Jacob Bethell’s 37 balls 50* highlights. - 2nd fastest fifty on Test Debut in the History. pic.twitter.com/H5AxWC07EA — Fearless (@ViratTheLegend) December 1, 2024 വിട്ടുകൊടുക്കാതെ ഗുകേഷ്; ലോക ചെസ് ഫൈനലിലെ അഞ്ചാം പോരും ഒപ്പത്തിനൊപ്പം ആദ്യം ബാറ്റു ചെയ്ത ന്യൂസീലന്‍ഡ് ഒന്നാം ഇന്നിങ്സില് 348 റണ്‍സെടുത്തപ്പോള്‍, മറുപടിയില്‍ ഇംഗ്ലണ്ട് 499 സ്‌കോര്‍ ചെയ്തു. രണ്ടാം ഇന്നിങ്സില് ആതിഥേയര്‍ 254 റണ്‍സെടുത്തു പുറത്തായി. രണ്ട് ഇന്നിങ്സുകളിലുമായി പത്തു വിക്കറ്റുകള്‍ വീഴ്ത്തിയ ഇംഗ്ലിഷ് പേസര്‍ ബ്രൈഡന്‍ കാര്‍സിന്റെ പ്രകടനവും മത്സരത്തില്‍ നിര്‍ണായകമായി.
ഡർബൻ >ശ്രീലങ്കയെ തകർത്തെറിഞ്ഞ് ദക്ഷിണാഫ്രിക്ക ലോക ടെസ്റ്റ് ക്രിക്കറ്റ് ചാമ്പ്യൻഷിപ് പട്ടികയിൽ രണ്ടാംസ്ഥാനത്തേക്ക് കയറി. ഡർബനിൽ നടന്ന ഒന്നാം ടെസ്റ്റിൽ 233 റണ്ണിന്റെ വമ്പൻ ജയമാണ് ദക്ഷിണാഫ്രിക്ക സ്വന്തമാക്കിയത്. രണ്ട് ഇന്നിങ്സിലുമായി 11 വിക്കറ്റെടുത്ത പേസർ മാർകോ ജാൻസെൻ ദക്ഷിണാഫ്രിക്കൻ വിജയത്തിന് ചുക്കാൻപിടിച്ചു. നാലാംദിനം 516 എന്ന കൂറ്റൻ ലക്ഷ്യത്തിലേക്ക് ബാറ്റുമായി ഇറങ്ങിയ ലങ്ക 282ന് കൂടാരം കയറി. ദക്ഷിണാഫ്രിക്ക രണ്ടാം ഇന്നിങ്സ് അഞ്ചിന് 366 എന്ന നിലയിൽ ഡിക്ലയർ ചെയ്യുകയായിരുന്നു. സ്കോർ: ദക്ഷിണാഫ്രിക്ക 191, 366/5 ഡി. ; ശ്രീലങ്ക 42, 282. രണ്ടാം ഇന്നിങ്സിൽ ദിനേഷ് ചൻഡിമൽ (83), ക്യാപ്റ്റൻ ധനഞ്ജയ ഡി സിൽവ (59), കുശാൽ മെൻഡിസ് (48) എന്നിവരുടെ പ്രകടനങ്ങളാണ് ലങ്കയെ കൂറ്റൻ തോൽവിയിൽനിന്ന് രക്ഷിച്ചത്. ജാൻസെൻ നാല് വിക്കറ്റെടുത്തു. ലോക ചാമ്പ്യൻഷിപ് പട്ടികയിൽ ഓസ്ട്രേലിയയെ പിന്തള്ളിയാണ് ദക്ഷിണാഫ്രിക്ക രണ്ടാമതെത്തിയത്. ലങ്ക അഞ്ചാമതാണ്. ഇന്ത്യയാണ് പട്ടികയിലെ ഒന്നാംസ്ഥാനക്കാർ. രണ്ടാം ടെസ്റ്റ് അഞ്ചിന് തുടങ്ങും.
ബ്ലാസ്റ്റേഴ്സ് മങ്ങുന്നു, കാണികൾ മടങ്ങുന്നു;പിഴവ്‌, തോൽവി... തുടർക്കഥ
കൊച്ചി >‘അതെങ്ങനെ ഗോളായെന്ന് ഇപ്പോഴും എനിക്ക് മനസ്സിലാകുന്നില്ല. എന്റെ കണ്ണിൽ അതൊരു ഗോൾസാധ്യത പോലുമല്ലായിരുന്നു. 100ൽ 99 തവണയും സച്ചിൻ സുരേഷിന് തടയാൻ കഴിയുന്ന പന്ത്’–- ഐഎസ്എല്ലിൽ എഫ്സി ഗോവയോട് തോറ്റശേഷം കേരള ബ്ലാസ്റ്റേഴ്സ് പരിശീലകൻ മിക്കേൽ സ്റ്റാറേയുടെ പ്രതികരണം. ഗോൾ കീപ്പർമാരുടെ പിഴവുകൊണ്ട് ബ്ലാസ്റ്റേഴ്സ് തോൽക്കുന്ന ആദ്യകളിയല്ലിത്. ഗോവയ്ക്കെതിരായ കളിയിൽ ബോറിസ് സിങ്ങിന്റെ ഷോട്ടാണ് സച്ചിൻ സുരേഷിന്റെ കൈയിൽ തട്ടി വലയിൽ കയറിയത്. കൃത്യമായി കൈയിലേക്ക് വന്ന പന്താണ് സച്ചിൻ വലയിലേക്ക് തട്ടിയത്. അതുവരെ കളിയിലുണ്ടായിരുന്ന നിയന്ത്രണം ബ്ലാസ്റ്റേഴ്സിന് നഷ്ടമായ നിമിഷം.പത്തു മത്സരം പൂർത്തിയാകുമ്പോൾ അഞ്ചാംതോൽവി വഴങ്ങി മോശം അവസ്ഥയിലാണ് സ്റ്റാറേയുടെ സംഘം. ഗോവയോടുള്ള ഒറ്റ ഗോൾ തോൽവി ഇരട്ടപ്രഹരമായി. സീസണിൽ ആകെ 17 ഗോളാണ് ടീം വഴങ്ങിയത്. ഒരു കളിയിൽമാത്രം ഗോൾ വഴങ്ങിയില്ല. സച്ചിനും രണ്ടാം ഗോൾകീപ്പർ സോം കുമാറും പിഴവുകൾ വരുത്തുന്നതിൽ മത്സരിച്ചു. അഞ്ച് പെനൽറ്റിയാണ് വഴങ്ങിയത്. ഒന്നുപോലും തടയാനായിട്ടില്ല. അടിച്ചത് 15 ഗോൾ. ഗോൾ കീപ്പിങ് മാത്രമല്ല പ്രതിരോധത്തിൽ മുഴുവൻ മങ്ങിയ പ്രകടനമാണ്. പ്രതിരോധരംഗത്ത് ഇതുവരെ ഒരു നല്ല കൂട്ടുകെട്ടുണ്ടാക്കാനായിട്ടില്ല. പ്രീതം കോട്ടൽ തന്റെ നല്ല കാലത്തിലല്ല. റുയ്വാ ഹോർമിപാമും മിലോസ് ഡ്രിൻസിച്ചും ഒത്തിണക്കം കാട്ടുന്നില്ല. മുന്നേറ്റത്തിൽ അവസരങ്ങൾ മുതലാക്കുന്നതിൽ പിന്നിലാണ്. ഗോവയ്ക്കെതിരെ ആദ്യഘട്ടത്തിൽ കിട്ടിയ അവസരങ്ങൾ തുലയ്ക്കുകയായിരുന്നു. ബോക്സ് വരെ കുതിച്ച് പിന്നെ തളർച്ച. നോഹ സദൂയിക്കും ഹെസ്യൂസ് ഹിമിനെസിനും മികവ് നിലനിർത്താനാകാത്തതും തിരിച്ചടിയായി. കഴിഞ്ഞ സീസണിൽ ബ്ലാസ്റ്റേഴ്സ് നീക്കങ്ങളുടെ ഹൃദയമായിരുന്ന അഡ്രിയാൻ ലൂണ മങ്ങിയതും ഈ സീസണിൽ കളിനിലവാരത്തെ ബാധിച്ചു. വളരെ എളുപ്പത്തിലാണ് ബ്ലാസ്റ്റേഴ്സ് കളിക്കാരുടെ കാലിൽനിന്ന് പന്ത് നഷ്ടപ്പെടുന്നത്. തിരിച്ചുപിടിക്കാനുള്ള ആസൂത്രണമോ അതിനുള്ള മികവോ കാണാനില്ല. സ്ഥാനം തെറ്റിനിൽക്കുന്ന കളിക്കാരും ഭാവനാശൂന്യമായ നീക്കങ്ങളുമാണ് കളത്തിൽ. സ്വന്തം തട്ടകത്തിലുണ്ടായ ആധിപത്യംകൂടിയാണ് ഇക്കുറി നഷ്ടമായത്. ആറിൽ നാലു കളിയും കൊച്ചിയിലാണ് തോറ്റത്. തോൽവികൾ കാണികളെയും ബാധിച്ചു. അവസാന രണ്ടു മത്സരങ്ങളിൽ കാണികളുടെ എണ്ണം ഗണ്യമായി കുറഞ്ഞു. പ്ലേ ഓഫ് സാധ്യത നിലനിർത്താൻ ബ്ലാസ്റ്റേഴ്സിന് ഈ കളി പോരാ. അടുത്തത് രണ്ടും എതിർതട്ടകത്തിൽ കടുത്ത പോരാട്ടങ്ങളാണ്. രണ്ടാമത് നിൽക്കുന്ന ബംഗളൂരിനെ ഏഴിന് നേരിടും. 14ന് കൊൽക്കത്തയിൽ ഒന്നാംസ്ഥാനക്കാരായ മോഹൻ ബഗാൻ സൂപ്പർ ജയന്റുമായാണ് തുടർന്നുള്ള പോരാട്ടം.
ദേശീയ സ്കൂൾ ജൂനിയർ മീറ്റ്; കേരളം നാലാമത്‌
ലഖ്നൗ >ദേശീയ ജൂനിയർ (അണ്ടർ 17) സ്കൂൾ അത്ലറ്റിക് മീറ്റിൽ പഴയ പ്രതാപത്തിലേക്ക് തിരിച്ചുവരാൻ കേരളത്തിനായില്ല. രണ്ട് സ്വർണവും അഞ്ച് വെള്ളിയും രണ്ട് വെങ്കലവുമടക്കം 27 പോയിന്റുമായി നാലാംസ്ഥാനത്തായി. 12 സ്വർണമെഡലുകളുടെ തിളക്കത്തിൽ 70 പോയിന്റ് സ്വന്തമാക്കിയ മഹാരാഷ്ട്രയാണ് ജേതാക്കൾ. ഹരിയാന (42) രണ്ടും ഉത്തർപ്രദേശ് (32) മൂന്നും സ്ഥാനം നേടി. കേരളത്തിന്റെ ഓവറോൾ കിരീടത്തിൽ എക്കാലത്തും നിർണായകശക്തിയായിരുന്ന പെൺകുട്ടികളുടെ സംഘം മങ്ങിപ്പോയി. മഹാരാഷ്ട്രയും ഹരിയാനയും മുന്നിലെത്തി. ജാർഖണ്ഡിനും കേരളത്തിനും തുല്യ പോയിന്റാണ്. സ്വർണത്തരിപോലുമില്ലാതെയാണ് പെൺകുട്ടികളുടെ മടക്കം. നാല് വെള്ളിയും ഒരു വെങ്കലവുമടക്കം 13 പോയിന്റുമാത്രം. ഹർഡിൽസിൽ വിഷ്ണുശ്രീ നേടിയ ഇരട്ട വെള്ളിയാണ് പ്രധാനം. അവസാന ദിവസം ലോങ്ജമ്പിൽ പാലക്കാട് കോട്ടായി ജിഎച്ച്എസ്എസിലെ എസ് അനന്യ വെള്ളി കരസ്ഥമാക്കി. ചാടിയ ദൂരം 5.37 മീറ്റർ. ജാർഖണ്ഡിന്റെ ഒബാബി മുർമു 5.62 മീറ്ററോടെ സ്വർണം നേടി. ആൺകുട്ടികൾ രണ്ട് സ്വർണവും ഓരോ വെള്ളിയും വെങ്കലവും നേടി. ഉത്തർപ്രദേശും മഹാരാഷ്ട്രയും മുന്നിൽ കയറി. 4x400 മീറ്റർ റിലേയിൽ ആരോമൽ ഉണ്ണി, എം അമൃത്, സ്റ്റെഫിൻ സാലു, സബിൻ ജോർജ് എന്നിവർ ഉൾപ്പെട്ട ടീം രണ്ടാംസ്ഥാനം നേടി. 4x100 മീറ്റർ റിലേയിൽ സ്വർണമുണ്ടായിരുന്നു.
ലോക ചെസ് ചാമ്പ്യൻഷിപ്; അഞ്ചാം ഗെയിമും സമനില
സിംഗപ്പുർ >ലോക ചെസ് ചാമ്പ്യൻഷിപ്പിൽ ചൈനയുടെ ഡിങ് ലിറെനും എതിരാളി ഇന്ത്യയുടെ ഡി ഗുകേഷും സമനിലയിൽ പിരിഞ്ഞു. അഞ്ചാം ഗെയിം 40 നീക്കത്തിൽ അവസാനിച്ചു. ഇതോടെ ഇരുവർക്കും രണ്ടര പോയിന്റ് വീതമായി. ആറാം റൗണ്ട് ഇന്ന് നടക്കും. വെള്ളക്കരുക്കളുമായി പതിനെട്ടുകാരൻ ഗുകേഷ് ആത്മവിശ്വാസത്തോടെയാണ് തുടങ്ങിയത്. ഡിങ് സമയമെടുത്താണ് നീക്കങ്ങൾ നടത്തിയത്. 14–-ാം നീക്കത്തിന് 33 മിനിറ്റെടുത്തു. 23–ാം നീക്കത്തിൽ ഗുകേഷിന് പിഴവുപറ്റി. എന്നാൽ, അത് മുതലാക്കാൻ ചൈനീസ് ഗ്രാൻഡ്മാസ്റ്റർക്കായില്ല. പിന്നീട് കളി സമനിലയിലേക്ക് വഴുതി. അവസരം ഉപയോഗപ്പെടുത്തുന്നതിൽ പിഴവുപറ്റിയതായി ഡിങ് സമ്മതിച്ചു. ആദ്യകളിയിലെ തോൽവിക്കുശേഷം ആത്മവിശ്വാസം വർധിച്ചെന്നായിരുന്നു ഗുകേഷിന്റെ പ്രതികരണം.
സ്പാനിഷ് ലീഗിൽ ബാഴ്സയ്-ക്ക് സ്വന്തം തട്ടകത്തിൽ തോൽവി
ബാഴ്സലോണ >സ്പാനിഷ് ഫുട്ബോൾ ലീഗിൽ ബാഴ്സലോണയ്ക്ക് ഞെട്ടിക്കുന്ന തോൽവി. സീസണിൽ ആദ്യമായി ലീഗിൽ സ്വന്തംതട്ടകത്തിൽ തോറ്റു. പോയിന്റ് പട്ടികയിൽ ഏറെ പിന്നിലുള്ള ലാൽ പൽമാസ് 2–-1നാണ് ബാഴ്സയെ വീഴ്ത്തിയത്. ലീഗിലെ മൂന്നാം തോൽവിയാണ്. 15 കളിയിൽ 34 പോയിന്റുമായി ഒന്നാമത് തുടരുന്നുണ്ടെങ്കിലും ഹാൻസി ഫ്ളിക്കിന്റെ സംഘം സുരക്ഷിതരല്ല. 30 പോയിന്റുമായി രണ്ടാമതുള്ള റയൽ മാഡ്രിഡിന് രണ്ടുകളി ബാക്കിയുണ്ട്. ലീഗിൽ തുടർച്ചയായി മൂന്നാം കളിയിലാണ് ബാഴ്സ ജയമില്ലാതെ അവസാനിപ്പിക്കുന്നത്. 14–-ാംസ്ഥാനത്തുള്ള പൽമാസിന്റെ നാലാം ജയംമാത്രമാണിത്. 1971നുശേഷം ആദ്യമായി ബാഴ്സയുടെ തട്ടകത്തിൽ ജയിച്ചു. സാൻഡ്രോ റാമിറെസ് പൽമാസിനെ മുന്നിലെത്തിച്ചു. റഫീന്യയുടെ തകർപ്പൻഗോളിൽ ബാഴ്സ ഒപ്പമെത്തിയെങ്കിലും കാര്യമുണ്ടായില്ല. അവസാനഘട്ടത്തിൽ ഫാബിയോ സിൽവ പൽമാസിന്റെ വിജയഗോൾ തൊടുത്തു. ക്ലബ് രൂപീകരിച്ചതിന്റെ 125–-ാം വാർഷിക ആഘോഷത്തിനിടയിലാണ് ബാഴ്സയുടെ തോൽവി. കഴിഞ്ഞ ദിവസമായിരുന്നു ആഘോഷം. പക്ഷേ, കളത്തിൽ അതുണ്ടായില്ല. കളിയിൽ ആകെ 26 ഷോട്ടുകളാണ് പായിച്ചത്. ലക്ഷ്യത്തിലേക്ക് എട്ടെണ്ണം. റഫീന്യയുടെ ഫ്രീകിക്ക് പൽമാസ് ഗോൾ കീപ്പർ യാസ്പർ സില്ലിസെൺ തകർപ്പൻ നീക്കത്തിലൂടെ തട്ടിയകറ്റുകയായിരുന്നു. പ്രതിരോധക്കാരൻ അലസാൻഡ്രോ ബാൽദെ കളിയുടെ തുടക്കത്തിൽ പരിക്കേറ്റ് പുറത്തുപോയതും തിരിച്ചടിയായി.
വിട്ടുകൊടുക്കാതെ ഗുകേഷ്; ലോക ചെസ് ഫൈനലിലെ അഞ്ചാം പോരും ഒപ്പത്തിനൊപ്പം
സിങ്കപ്പുര്‍: ലോക ചെസ് ചാംപ്യന്‍ഷിപ്പ് ഫൈനലിലെ അഞ്ചാം പോരാട്ടവും സമനിലയില്‍. നിലവിലെ ലോക ചാംപ്യന്‍ ചൈനയുടെ ഡിങ് ലിറനും ഇന്ത്യയുടെ യുവ താരം ഡി ഗുകേഷുമാണ് ലോക ചാംപ്യന്‍ പട്ടത്തിനായി ഏറ്റുമുട്ടുന്നത്. അഞ്ചാം പോരില്‍ ഗുകേഷ് വെളുത്ത കരുക്കളുമായാണ് നീക്കം നടത്തിയത്. 40 നീക്കങ്ങള്‍ക്കൊടുവിലാണ് മത്സരം സമനിലയില്‍ പിരിയാന്‍ തീരുമാനിച്ചത്. ഇരുവര്‍ക്കും 2.5 പോയിന്റ് വീതം. 5 പോയിന്റുകളാണ് ലോക ചാംപ്യനാകാന്‍ വേണ്ടത്. ഇന്ത്യയോട് കനത്ത തോല്‍വി, പിന്നാലെ ഓസ്‌ട്രേലിയക്ക് മറ്റൊരു അടി! 'ഫൈനല്‍' സ്വപ്‌നം കൈയാലപ്പുറത്ത് ഒന്നാം പോരാട്ടം ജയിച്ച് ഡിങ് ലിറന്‍ തുടങ്ങിയെങ്കിലും ഗുകേഷ് മൂന്നാം മത്സരത്തില്‍ ജയം പിടിച്ച് ഒപ്പമെത്തി. അതിനിടെ രണ്ടാം പോരാട്ടം ഇരുവരും സമനിലയില്‍ പിരിഞ്ഞിരുന്നു. പിന്നാലെയാണ് നാലും അഞ്ചും പോരാട്ടം ഒപ്പത്തിനൊപ്പം നിന്നത്.
ഇന്ത്യയോട് കനത്ത തോല്‍വി, പിന്നാലെ ഓസ്‌ട്രേലിയക്ക് മറ്റൊരു അടി! 'ഫൈനല്‍'സ്വപ്‌നം കൈയാലപ്പുറത്ത്
സിഡ്‌നി: ഇന്ത്യക്കെതിരെ പെര്‍ത്തില്‍ നടന്ന ഒന്നാം ടെസ്റ്റിലെ തോല്‍വിക്കു പിന്നാലെ ഓസ്‌ട്രേലിയയ്ക്ക് കനത്ത തിരിച്ചടി. ലോക ടെസ്റ്റ് ചാംപ്യന്‍ഷിപ്പ് ഫൈനലെന്ന അവരുടെ സ്വപ്‌നത്തിന്റെ കടയ്ക്കല്‍ കത്തിയുമായി ദക്ഷിണാഫ്രിക്ക. ശ്രീലങ്കക്കെതിരായ ഒന്നാം ക്രിക്കറ്റ് ടെസ്റ്റില്‍ ദക്ഷിണാഫ്രിക്ക 233 റണ്‍സിന്റെ മിന്നും ജയം സ്വന്തമാക്കിയതോടെ അവര്‍ ലോക ടെസ്റ്റ് ചാംപ്യന്‍ഷിപ്പിന്റെ പോയിന്റ് പട്ടികയില്‍ രണ്ടാം സ്ഥാനത്തേക്ക് കയറി. ഓസ്ട്രേലിയയെ പിന്തള്ളിയാണ് പ്രോട്ടീസിന്റെ മുന്നേറ്റം. ഇതോടെയാണ് ഓസീസിന്റെ ഫൈനല്‍ ബെര്‍ത്തെന്ന ആഗ്രഹം തുലാസിലായത്. ഇന്ത്യക്കെതിരെ ശേഷിക്കുന്ന നാലില്‍ നാല് മത്സരങ്ങളും ഇതോടെ അവര്‍ക്ക് അതി നിര്‍ണായകമായി. മിന്നും ജയത്തോടെ ഒറ്റയടിക്ക് മൂന്ന് സ്ഥാനങ്ങള്‍ മെച്ചപ്പെടുത്തിയാണ് ദക്ഷിണാഫ്രിക്ക രണ്ടാം സ്ഥാനത്തേക്ക് കുതിച്ചെത്തിയത്. ഇന്ത്യയാണ് നിലവില്‍ പോയിന്റ് പട്ടികയില്‍ ഒന്നാമതുള്ളത്. ഇന്ത്യയെ വീഴ്ത്തി പാകിസ്ഥാന്; അണ്ടര്‍ 19 ഏഷ്യാ കപ്പ് ക്രിക്കറ്റില്‍ തോല്‍വിത്തുടക്കം 59.26 വിജയ ശതമാനവുമായാണ് അവര്‍ രണ്ടാമതത്തെതിയത്. ഓസ്‌ട്രേലിയക്ക് 57.69 ശതമാനം. 61.11 ശതമാനവുമായി ഇന്ത്യ ഒന്നാം സ്ഥാനത്ത്. തോല്‍വിയോടെ ശ്രീലങ്ക താഴേക്കിറങ്ങി. അവര്‍ അഞ്ചാം സ്ഥാനത്തായി. വരും ദിവസങ്ങളില്‍ പോയിന്റ് പട്ടികയില്‍ ഇനിയും മാറ്റങ്ങള്‍ സംഭവിച്ചേക്കാം. ഇംഗ്ലണ്ട്- ന്യൂസിലന്‍ഡ് പോരാട്ടമടക്കം ഇപ്പോള്‍ നടക്കുന്നുണ്ട്.
ലങ്കാ ദഹനം പൂര്‍ണം! ഒന്നാം ടെസ്റ്റില്‍ കൂറ്റന്‍ ജയവുമായി ദക്ഷിണാഫ്രിക്ക
ഡര്‍ബന്‍: ശ്രീലങ്കക്കെതിരായ ഒന്നാം ക്രിക്കറ്റ് ടെസ്റ്റില്‍ കൂറ്റന്‍ ജയം സ്വന്തമാക്കി ദക്ഷിണാഫ്രിക്ക. 516 റണ്‍സിന്റെ വമ്പന്‍ ലക്ഷ്യത്തിലേക്ക് ബാറ്റേന്തിയ ശ്രീലങ്കയുടെ പോരാട്ടം 282 റണ്‍സില്‍ അവസാനിപ്പിച്ചാണ് പ്രോട്ടീസ് ജയം പിടിച്ചത്. 233 റണ്‍സിനാണ് ദക്ഷിണാഫ്രിക്കയുടെ വിജയം. ഒന്നാം ഇന്നിങ്സില് ദക്ഷിണാഫ്രിക്ക 191 റണ്‍സെടുത്തു. രണ്ടാം ഇന്നിങ്സില് 5ന് 366 റണ്‍സെന്ന നിലയില്‍ അവര്‍ ഇന്നിങ്സ് ഡിക്ലയര്‍ ചെയ്തു. ലങ്കയുടെ ഒന്നാം ഇന്നിങ്സ് വെറും 42 റണ്‍സില്‍ അവസാനിച്ചിരുന്നു. ടെസ്റ്റില്‍ ലങ്കയുടെ ഏറ്റവും ചെറിയ ടോട്ടലെന്ന നാണക്കേടിന്റെ റെക്കോര്‍ഡും അവര്‍ ഒന്നാം ഇന്നിങ്സില് നേടിയിരുന്നു. വിജയത്തിലേക്ക് ബാറ്റേന്തിയ ലങ്കയ്ക്കായി ദിനേഷ് ചാന്‍ഡിമല്‍ (83), ക്യാപ്റ്റന്‍ ധനഞ്ജയ ഡി സില്‍വി (59) എന്നിവര്‍ അര്‍ധ സെഞ്ച്വറി നേടി. കുശാല്‍ മെന്‍ഡിസ് 48 റണ്‍സും കണ്ടെത്തി. മാറ്റാരും കാര്യമായി തിളങ്ങിയില്ല. ഒന്നാം ഇന്നിങ്സില് 7 വിക്കറ്റെടുത്ത ദക്ഷിണാഫ്രിക്കന്‍ പേസര്‍ മാര്‍ക്കോ യാന്‍സന്‍ രണ്ടാം ഇന്നിങ്സില് 4 വിക്കറ്റുകള്‍ വീഴ്ത്തി. രണ്ടിന്നിങ്‌സിലുമായി താരം 11 വിക്കറ്റുകള്‍ കൊയ്തു. കഗിസോ റബാഡ, ജെറാര്‍ഡ് കോറ്റ്സി, കേശവ് മഹാരാജ് എന്നിവര്‍ രണ്ട് വീതം വിക്കറ്റുകളും സ്വന്തമാക്കി. 149 റണ്‍സ് ലീഡുമായാണ് പ്രോട്ടീസ് രണ്ടാം ഇന്നിങ്സ് തുടങ്ങിയത്. ക്യാപ്റ്റന്‍ ടെംബ ബവുമ, ട്രിസ്റ്റന്‍ സ്റ്റബ്സ് എന്നിവരുടെ കിടിലന്‍ സെഞ്ച്വറികളാണ് ദക്ഷിണാഫ്രിക്കയ്ക്ക് മികച്ച സ്‌കോര്‍ സമ്മാനിച്ചത്. സ്റ്റബ്സ് 9 ഫോറും രണ്ട് സിക്സും സഹിതം 122 റണ്‍സും ബവുമ 9 ഫോറുകള്‍ സഹിതം 113 റണ്‍സും കണ്ടെത്തി. ആദ്യ ഇന്നിങ്സില് ബവുമ അര്‍ധ സെഞ്ച്വറി നേടിയിരുന്നു. റൂഡ് വാന്‍ നിസ്റ്റല്‍ റൂയ് ലെയ്സ്റ്റര്‍ സിറ്റിയുടെ പുതിയ പരിശീലകന്‍ നേരത്തെ ഏഴ് വിക്കറ്റുകള്‍ വീഴ്ത്തിയ മാര്‍ക്കോ യാന്‍സന്റെ തീ പാറും ബൗളിങാണ് ലങ്കാ ദഹനത്തിനു കാരണമായത്. അവരുടെ 5 ബാറ്റര്‍മാര്‍ പൂജ്യത്തിനു പുറത്തായി. രണ്ട് പേര്‍ മാത്രമാണ് രണ്ടക്കം കടന്നത്. കാമിന്ദു മെന്‍ഡിസ് 13 റണ്‍സെടുത്ത് ടോപ് സ്‌കോററായി. 10 റണ്‍സുമായി പുറത്താകാതെ നിന്ന ലഹിരു കുമാരയാണ് രണ്ടക്കം കടന്ന മറ്റൊരാള്‍. 6.5 ഓവറില്‍ വെറും 13 റണ്‍സ് മാത്രം വഴങ്ങിയാണ് യാന്‍സന്‍ 7 വിക്കറ്റുകള്‍ പിഴുതത്. ജെറാള്‍ഡ് കോറ്റ്സി 2 വിക്കറ്റും കഗിസോ റബാഡ ഒരു വിക്കറ്റും സ്വന്തമാക്കി. ടോസ് നേടി ശ്രീലങ്ക ദക്ഷിണാഫ്രിക്കയെ ബാറ്റിങിനു അയക്കുകയായിരുന്നു. ഒന്നാം ദിനത്തില്‍ വെളിച്ചക്കുറവിനെ തുടര്‍ന്നു പോരാട്ടം നേരത്തെ അവസാനിപ്പിച്ചിരുന്നു. രണ്ടാം ദിനം തുടങ്ങിയ പ്രോട്ടീസ് ഒരു ഘട്ടത്തില്‍ 5 വിക്കറ്റ് നഷ്ടത്തില്‍ 83 റണ്‍സെന്ന നിലയിലായിരുന്നു. ഒരറ്റത്ത് ക്യാപ്റ്റന്‍ ടെംബ ബവുമ നിന്നു പൊരുതിയതാണ് കൂട്ടത്തകര്‍ച്ചയില്‍ നിന്നു അവരെ കരകയറ്റിയത്. താരം 70 റണ്‍സുമായി പൊരുതി. മറ്റൊരാളും പിന്തുണയ്ക്കാനുണ്ടായിരുന്നില്ല. ശ്രീലങ്കക്കായി ലഹിരു കുമാര, അസിത ഫെര്‍ണാണ്ടോ എന്നിവര്‍ 3 വിക്കറ്റുകള്‍ വീഴ്ത്തി. വിശ്വ ഫെര്‍ണാണ്ടോ, പ്രബാത് ജയസൂര്യ എന്നിവര്‍ രണ്ട് വീതം വിക്കറ്റുകളും സ്വന്തമാക്കി
റൂഡ് വാന്‍ നിസ്റ്റല്‍ റൂയ് ലെയ്സ്റ്റര്‍ സിറ്റിയുടെ പുതിയ പരിശീലകന്‍
ലണ്ടന്‍: ഇംഗ്ലീഷ് പ്രീമിയര്‍ ലീഗ് മുന്‍ ചാംപ്യന്‍മാരായ ലെയ്സ്റ്റര്‍ സിറ്റി അവരുടെ പുതിയ പരിശീലകനായി മാഞ്ചസ്റ്റര്‍ യുനൈറ്റഡ് ഇതിഹാസം റൂഡ് വാന്‍ നിസ്റ്റല്‍ റൂയിയെ നിയമിച്ചു. 2027 വരെയുള്ള കരാറിലാണ് മുന്‍ പിഎസ്‌വി ഐന്തോവന്‍ പരിശീലകന്‍ എത്തുന്നത്. നേരത്തെ മാഞ്ചസ്റ്റര്‍ യുനൈറ്റഡിന്റെ താത്കാലിക പരിശീലകനായിരുന്നു നിസ്റ്റല്‍ റൂയ്. റെഡ് ഡെവിള്‍സ് റുബന്‍ അമോറിമിനെ പുതിയ പരിശീലകനായി എത്തിച്ചതിനു പിന്നാലെ മാഞ്ചസ്റ്റര്‍ യുനൈറ്റഡ് ഇതിഹാസം കൂടിയായ നിസ്റ്റല്‍ റൂയ് സ്ഥാനമൊഴിയുകയായിരുന്നു. 'ഇന്ത്യയുടെ മത്സരങ്ങൾ മാത്രം പുറത്തു നടത്താം'- വഴങ്ങി പാക് ക്രിക്കറ്റ് ബോർഡ്, പക്ഷേ... 12 മത്സരങ്ങളില്‍ മാത്രം ലെയ്സ്റ്റര്‍ സിറ്റിയെ പരിശീലിപ്പിച്ച സ്റ്റീവ് കൂപ്പറിനെ ക്ലബ് കഴിഞ്ഞ ദിവസമാണ് പുറത്താക്കിയത്. സീസണില്‍ ടീമിന്റെ അവസ്ഥ പരിതാപകരമായി തുടരുന്ന സാഹചര്യത്തിലായിരുന്നു നടപടി. സീസണില്‍ 12 മത്സരങ്ങളില്‍ നിന്നു രണ്ട് ജയം മാത്രമാണ് ലെയ്സ്റ്റര്‍ സിറ്റിക്കുള്ളത്. നാല് സമനിലയും ആറ് തോല്‍വിയുമായി ടീം 16ാം സ്ഥാനത്താണ്.
'ഇന്ത്യയുടെ മത്സരങ്ങൾ മാത്രം പുറത്തു നടത്താം'- വഴങ്ങി പാക് ക്രിക്കറ്റ് ബോർഡ്, പക്ഷേ...
ദുബായ്: ചാംപ്യന്‍സ് ട്രോഫി ക്രിക്കറ്റ് പോരാട്ടം ഹൈബ്രിഡ് മോഡലില്‍ നടത്താന്‍ പാകിസ്ഥാന് ക്രിക്കറ്റ് ബോര്‍ഡ് സമ്മതം അറിയിച്ചതായി റിപ്പോര്‍ട്ടുകള്‍. ഇന്ത്യയുടെ എല്ലാ മത്സരങ്ങളും മറ്റൊരു രാജ്യത്തെ വേദിയിലും ശേഷിക്കുന്ന പോരാട്ടങ്ങള്‍ പാകിസ്ഥാനില്‍ നടത്തുന്നതിനുമാണ് പാക് ബോര്‍ഡ് ഐസിസിയെ സമ്മതം അറിയിച്ചത്. ഇക്കാര്യത്തില്‍ ചില നിബന്ധനകള്‍ പാക് ബോര്‍ഡ് വച്ചതായാണ് റിപ്പോര്‍ട്ടുകള്‍. ഇന്ത്യയുടെ മത്സരങ്ങള്‍ മറ്റൊരു വേദിയില്‍ നടത്താം. ഇന്ത്യ ഫൈനല്‍ കാണാതെ പുറത്താകുന്ന സാഹചര്യമാണു ടൂര്‍ണമെന്റില്‍ എങ്കില്‍ ഫൈനല്‍ പോരാട്ടം ലാഹോറില്‍ നടത്തണമെന്നാണ് പാകിസ്ഥാന് മുന്നോട്ടു വച്ചിരിക്കുന്ന നിബന്ധനയെന്നും റിപ്പോര്‍ട്ടുകളുണ്ട്. പാകിസ്ഥാനില്‍ മാത്രം നടത്താന്‍ ഐസിസി തീരുമാനിച്ചാല്‍ ഇന്ത്യയെ അയക്കേണ്ടതില്ലെന്ന കടുത്ത നിലപാട് കേന്ദ്ര സര്‍ക്കാര്‍ എടുത്തിരുന്നു. സുരക്ഷ സംബന്ധിച്ച ആശങ്കകള്‍ ബിസിസിഐ കേന്ദ്ര സര്‍ക്കാരിനെ അറിയിച്ചതോടെയാണ് വിദേശകാര്യ മന്ത്രാലയം ടീമിനെ അയക്കേണ്ടതില്ലെന്നു തീരുമാനിച്ചത്. ഇംഗ്ലണ്ടിന് ജയ പ്രതീക്ഷ; രണ്ടാം ഇന്നിങ്സില് ന്യൂസിലന്‍ഡിന് ബാറ്റിങ് തകര്‍ച്ച ഇതോടെ പാകിസ്ഥാന് വെട്ടിലായി. ടൂര്‍ണമെന്റ് വേദി നഷ്ടമാകാതിരിക്കാന്‍ ഹൈബ്രിഡ് മോഡലാണ് ഏക പോംവഴിയെന്നു ഐസിസി പാക് ബോര്‍ഡിനെ അറിയിച്ചിരുന്നു. എന്നാല്‍ പാക് ബോര്‍ഡ് കടുത്ത വിയോജിപ്പുമായി നിന്നതോടെ ഇന്നലെ ഐസിസി യോഗത്തില്‍ സമവായം കണ്ടെത്താന്‍ സാധിച്ചില്ല. പിന്നാലെയാണ് യോഗം ഇന്നത്തേക്ക് മാറ്റിയത്. ഈ യോഗത്തിലാണ് പാകിസ്ഥാന് ഐസിസിയുടെ സമ്മര്‍ദ്ദത്തിനു വഴങ്ങിയതെന്നാണ് സൂചനകള്‍. ഇന്ത്യ പാകിസ്ഥാനില്‍ വന്ന് കളിക്കണമെന്ന കടുത്ത നിലപാടുമായി പാക് ക്രിക്കറ്റ് ബോര്‍ഡ് നില്‍ക്കുന്ന ഘട്ടത്തിലാണ് ഇന്ത്യ നിലപാട് കടുപ്പിച്ച് രംഗത്തെത്തിയത്. സുരക്ഷ സംബന്ധിച്ച ആശങ്കകള്‍ നിലനില്‍ക്കുന്നതായി വിദേശകാര്യ മന്ത്രാലയം വ്യക്തമാക്കിയിരുന്നു. ഇസ്ലാമബാദില്‍ കഴിഞ്ഞ ദിവസം കലാപ സമാനമായ അന്തരീക്ഷമായിരുന്നു. പാകിസ്ഥാനില്‍ പര്യടനത്തിനായി എത്തിയ ശ്രീലങ്ക എ ടീം പരമ്പര പാതി വഴിയില്‍ ഉപേക്ഷിച്ച് മടങ്ങിപ്പോയതും പാകിസ്ഥാന് വലിയ തിരിച്ചടിയായി മാറിയിട്ടുണ്ട്. ഇതോടെയാണ് സുരക്ഷ സംബന്ധിച്ച ആശങ്കകളും ഉയര്‍ന്നത്.
ഇംഗ്ലണ്ടിന് ജയ പ്രതീക്ഷ; രണ്ടാം ഇന്നിങ്സില് ന്യൂസിലന്‍ഡിന് ബാറ്റിങ് തകര്‍ച്ച
ക്രൈസ്റ്റ്ചര്‍ച്ച്: ഇംഗ്ലണ്ടിനെതിരായ ഒന്നാം ക്രിക്കറ്റ് ടെസ്റ്റില്‍ ന്യൂസിലന്‍ഡിന് രണ്ടാം ഇന്നിങ്സില് ബാറ്റിങ് തകര്‍ച്ച. മൂന്നാം ദിനം കളി നിര്‍ത്തുമ്പോള്‍ അവര്‍ ആറ് വിക്കറ്റ് നഷ്ടത്തില്‍ 155 റണ്‍സെന്ന നിലയില്‍. നിലവില്‍ കിവികള്‍ക്ക് 4 റണ്‍സ് മാത്രാം ലീഡ്. ഒന്നാം ഇന്നിങ്സില് ന്യൂസിലന്‍ഡ് 348 റണ്‍സെടുത്തിരുന്നു. ഇംഗ്ലണ്ട് ഒന്നാം ഇന്നിങ്സില് 499 റണ്‍സ് സ്വന്തമാക്കി. 151 റണ്‍സിന്റെ നിര്‍ണായക ലീഡുമായാണ് ഇംഗ്ലണ്ട് രണ്ടാം ഇന്നിങ്സില് പന്തെടുത്തത്. രണ്ടാം ഇന്നിങ്സിലും കിവികളെ രക്ഷിച്ചത് മുന്‍ നായകന്‍ കെയ്ന്‍ വില്ല്യംസനാണ്. രണ്ടാം ഇന്നിങ്സിലും താരം അര്‍ധ സെഞ്ച്വറി (61) നേടി. രചിന്‍ രവീന്ദ്ര (24)യാണ് അല്‍പ്പ നേരം ക്രീസില്‍ നിന്ന മറ്റൊരാള്‍. നിലവില്‍ 31 റണ്‍സുമായി പുറത്താകാതെ നില്‍ക്കുന്ന ഡാരില്‍ മിച്ചല്‍ മാത്രമാണ് ഇനി അവരുടെ പ്രതീക്ഷ. ഇംഗ്ലണ്ടിനായി ക്രിസ് വോക്‌സ്, ബ്രയ്ഡന്‍ കര്‍സ് എന്നിവര്‍ 3 വീതം വിക്കറ്റുകള്‍ പങ്കിട്ടു. ഹാരി ബ്രൂക്കിന്റെ സെഞ്ച്വറിയും ഒലി പോപ്പ്, ക്യാപ്റ്റന്‍ ബെന്‍ സ്റ്റോക്സ് എന്നിവരുടെ അര്‍ധ സെഞ്ച്വറികളുടേയും ബലത്തിലാണ് ഇംഗ്ലണ്ട് ഒന്നാം ഇന്നിങ്സില് മികച്ച സ്‌കോര്‍ സ്വന്തമാക്കിയത്. 5 വിക്കറ്റ് നഷ്ടത്തില്‍ 319 റണ്‍സെന്ന നിലയിലാണ് അവര്‍ മൂന്നാം ദിനം തുടങ്ങിയത്. ഹാരി ബ്രൂക്ക് 15 ഫോറും 3 സിക്സും സഹിതം 171 റണ്‍സ് സ്വന്തമാക്കിയാണ് ക്രീസ് വിട്ടത്. ബെന്‍ സ്റ്റോക്സ് 80 റണ്‍സ് കണ്ടെത്തി. നേരത്തെ രണ്ടാം ദിനത്തില്‍ ഒലി പോപ്പും അര്‍ധ സെഞ്ച്വറി നേടിയിരുന്നു. താരം 77 റണ്‍സുമായി മടങ്ങി. ബെന്‍ ഡുക്കറ്റാണ് തിളങ്ങിയ മറ്റൊരാള്‍. താരം 46 റണ്‍സെടുത്തു. വാലറ്റത്ത് ഗസ് അറ്റ്കിന്‍സന്‍ (48), ബ്രയ്ഡന്‍ കര്‍സ് (പുറത്താകാതെ 33) എന്നിവരും മികവോടെ ബാറ്റ് ചെയ്തതോടെയാണ് ഇംഗ്ലണ്ട് മികച്ച സ്‌കോര്‍ സ്വന്തമാക്കിയത്. അണ്ടര്‍ 19 ഏഷ്യാ കപ്പ് ക്രിക്കറ്റ്; വീണ്ടും ബ്ലോക്ക്ബസ്റ്റര്‍, ഇന്ത്യക്ക് മുന്നില്‍ 282 ലക്ഷ്യം വച്ച് പാകിസ്ഥാന് കിവികള്‍ക്കായി മാറ്റ് ഹെന്റി 4 വിക്കറ്റുകള്‍ വീഴ്ത്തി. നതാന്‍ സ്മിത്ത് 3 വിക്കറ്റുകള്‍ നേടി. ടിം സൗത്തി 2 വിക്കറ്റും പിഴുതു. വില്‍ ഒറൂര്‍ക്ക് ഒരു വിക്കറ്റെടുത്തു. നേരത്തെ ആദ്യം ബാറ്റിങിന് ഇറങ്ങിയ ന്യൂസിലന്‍ഡിനു ഫോമിലേക്ക് മടങ്ങിയെത്തിയ മുന്‍ നായകന്‍ കെയ്ന്‍ വില്ല്യംസന്റെ ബാറ്റിങാണ് തുണയായത്. അര്‍ഹിച്ച സെഞ്ച്വറി വില്ല്യംസനു നഷ്ടമായതാണ് അവരെ നിരാശപ്പെടുത്തിയത്. താരം 93 റണ്‍സില്‍ പുറത്തായി. ഓപ്പണറും നായകനുമായ ടോം ലാതം (47), ഗ്ലെന്‍ ഫിലിപ്സ് (പുറത്താകാതെ 58), രചിന്‍ രവീന്ദ്ര (34) എന്നിവരാണ് പൊരുതിയ മറ്റുള്ളവര്‍. ടോസ് നേടി ഇംഗ്ലണ്ട് കിവീസിനെ ബാറ്റിങിനു വിടുകയായിരുന്നു. ഇംഗ്ലണ്ടിനായി ഷൊയ്ബ് ബഷീര്‍, ബ്രയ്ഡന്‍ കര്‍സ് എന്നിവര്‍ നാല് വീതം വിക്കറ്റുകള്‍ വീഴ്ത്തി ബൗളിങില്‍ തിളങ്ങി. ഗസ് അറ്റ്കിന്‍സന്‍ രണ്ട് വിക്കറ്റെടുത്തു.
ദുബായ്: അണ്ടര്‍ 19 ഏഷ്യാ കപ്പ് ക്രിക്കറ്റ് പോരാട്ടത്തില്‍ ഇന്ത്യയ്ക്ക് മുന്നില്‍ 282 റണ്‍സിന്റെ മികച്ച ലക്ഷ്യം മുന്നില്‍ വച്ച് ചിരവൈരികളായ പാകിസ്ഥാന്. ടോസ് നേടി പാകിസ്ഥാന് ബാറ്റിങ് തിരഞ്ഞെടുക്കുകയായിരുന്നു. നിശ്ചിത ഓവറില്‍ അവര്‍ 7 വിക്കറ്റ് നഷ്ടത്തില്‍ 281 റണ്‍സ് ബോര്‍ഡില്‍ ചേര്‍ത്തു. ഓപ്പണര്‍ ഷഹ്‌സൈബ് ഖാന്റെ സെഞ്ച്വറിയും സഹ ഓപ്പണര്‍ ഉസ്മാന്‍ ഖാന്റെ അര്‍ധ സെഞ്ച്വറിയുമാണ് പാക് ഇന്നിങ്‌സിനു ബലമായത്. ഇരുവരും ചേര്‍ന്നു ഒന്നാം വിക്കറ്റില്‍ 160 റണ്‍സ് ചേര്‍ത്താണ് പിരിഞ്ഞത്. ഇന്ത്യയുടെ സന്നാഹ മത്സരത്തിന്റെ ആദ്യ ദിനം മഴയില്‍ ഒലിച്ചു; നാളെ 50 ഓവര്‍ പോരാട്ടം ഷഹ്‌സൈബ് 147 പന്തില്‍ 10 സിക്സും 5 ഫോറും സഹിതം 159 റണ്‍സ് അടിച്ചെടുത്തു. ഉസ്മാന്‍ 60 റണ്‍സും കണ്ടെത്തി. 27 റണ്‍സെടുത്ത മുഹമ്മദ് റയ്‌സുല്ലയാണ് പിടിച്ചു നിന്ന മറ്റൊരാള്‍. മറ്റാരും രണ്ടക്കം കടന്നില്ല. ഇന്ത്യക്കായി സമര്‍ഥ് നാഗരാജ് 3 വിക്കറ്റുകള്‍ വീഴ്ത്തി. ആയുഷ് മാഹ്‌ത്രെ രണ്ട് വിക്കറ്റെടുത്തു. യുധജിത് ഗുഹ, കിരണ്‍ ചോര്‍മല്‍ എന്നിവര്‍ ഓരോ വിക്കറ്റും വീഴ്ത്തി.
ഇന്ത്യയുടെ സന്നാഹ മത്സരത്തിന്റെ ആദ്യ ദിനം മഴയില്‍ ഒലിച്ചു; നാളെ 50 ഓവര്‍ പോരാട്ടം
അഡ്ലെയ്ഡ്: ഓസ്ട്രേലിയക്കെതിരായ രണ്ടാം ക്രിക്കറ്റ് ടെസ്റ്റിനു മുന്നോടിയായി ഇന്ത്യ കളിക്കാനിരുന്ന സന്നാഹ മത്സരത്തിന്റെ ആദ്യ ദിനം ഒറ്റ പന്ത് പോലും എറിയാതെ ഉപേക്ഷിച്ചു. പ്രൈം മിനിസ്റ്റേഴ്സ് ഇലവനുമായി ദ്വിദിന പോരാട്ടമാണ് നടക്കേണ്ടിയിരുന്നത്. മഴയെ തുടര്‍ന്നാണ് ആദ്യ ദിനത്തിലെ മത്സരം വേണ്ടെന്നു വച്ചത്. രണ്ടാം ടെസ്റ്റ് പിങ്ക് പന്തിലായതിനാല്‍ സന്നാഹ മത്സരവും പിങ്ക് പന്തിലാണ് തീരുമാനിച്ചിരുന്നത്. ഇന്നത്തെ പോരാട്ടം ഉപേക്ഷിച്ചതിനാല്‍ നാളെ 50 ഓവര്‍ വീതമുള്ള മത്സരം നടക്കും. കോഹ്‌ലിയെ മറികടന്നു; ടെസ്റ്റില്‍ അതിവേഗം 9000 റണ്‍സ് തികച്ച് വില്ല്യംസന്; റെക്കോര്‍ഡ് നേട്ടം 2022നു ശേഷം രോഹിത് ശര്‍മയുടെ നേതൃത്വത്തിലുള്ള ഇന്ത്യന്‍ സംഘം പിങ്ക് പന്തില്‍ ടെസ്റ്റ് കളിച്ചിട്ടില്ല. താരങ്ങള്‍ക്ക് പിങ്ക് പന്തില്‍ പരിചയം നേടുക ലക്ഷ്യമിട്ടാണ് സന്നാഹ മത്സരം ഇത്തരത്തില്‍ തീരുമാനിച്ചത്. ഡിസംബര്‍ ആറ് മുതല്‍ 10 വരെ അഡ്ലെയ്ഡിലാണ് ഇന്ത്യ- ഓസ്‌ട്രേലിയ രണ്ടാം ടെസ്റ്റ്. അഞ്ച് മത്സരങ്ങളടങ്ങിയ ബോര്‍ഡര്‍- ഗാവസ്‌കര്‍ ട്രോഫി പോരാട്ടത്തില്‍ ആദ്യ ടെസ്റ്റില്‍ ഇന്ത്യ തകര്‍പ്പന്‍ ജയം സ്വന്തമാക്കിയിരുന്നു. പരമ്പരയില്‍ ഇന്ത്യ 1-0ത്തിനു മുന്നിലാണ്.
കോഹ്‌ലിയെ മറികടന്നു; ടെസ്റ്റില്‍ അതിവേഗം 9000 റണ്‍സ് തികച്ച് വില്ല്യംസന്; റെക്കോര്‍ഡ് നേട്ടം
വെല്ലിംഗ്ടണ്‍: ടെസ്റ്റ് ക്രിക്കറ്റില്‍ 9000 റണ്‍സ് തികയ്ക്കുന്ന ആദ്യ ന്യൂസിലന്‍ഡ് ബാറ്റര്‍ എന്ന ഖ്യാതി നേടി കെയ്ന്‍ വില്ല്യംസന്. ഇംഗ്ലണ്ടിനെതിരെ ആദ്യ ടെസ്റ്റ് മാച്ചില്‍ രണ്ടു ഇന്നിംഗ്‌സിലുമായി രണ്ടു അര്‍ധ സെഞ്ച്വറികള്‍ നേടിയതോടെയാണ് കെയന്‍ വില്ല്യംസന് റെക്കോര്‍ഡ് ബുക്കില്‍ ഇടംപിടിച്ചത്. ആദ്യ ഇന്നിംഗ്സില് 93ഉം, രണ്ടാം ഇന്നിംഗ്സില് 61 റണ്‍സുമാണ് താരം നേടിയത്. ഫാബ് ഫോറില്‍ വിരാട് കോഹ് ലി, ജോ റൂട്ട്, സ്റ്റീവ് സ്മിത്ത് എന്നിവര്‍ക്ക് പിന്നാലെയാണ് വില്ല്യംസനും പട്ടികയില്‍ ഇടംപിടിച്ചത്. 9000 റണ്‍സ് തികയ്ക്കാന്‍ എടുത്ത ഇന്നിംഗ്‌സുകളുടെ എണ്ണത്തില്‍ ജോ റൂട്ടിനെയും വിരാട് കോഹ് ലിയെയും വില്ല്യംസന് മറികടന്നു. 103 മത്സരങ്ങളില്‍ 182 ഇന്നിംഗ്സുകളില് നിന്നാണ് വില്യംസന്‍ 9000 റണ്‍സ് തികച്ചത്. കോഹ് ലിക്ക് 192 ഇന്നിംഗ്‌സ് വേണ്ടി വന്നപ്പോള്‍ ജോ റൂട്ട് 196 ഇന്നിംഗ്സുകളില് നിന്നാണ് 9000 റണ്‍സ് തികച്ചത്. 'കോഹ്‌ലിയെ കണ്ട് പഠിക്കൂ'; ലാംബുഷെയ്‌നെയും സ്മിത്തിനെയും ഉപദേശിച്ച് റിക്കി പോണ്ടിങ് ഫാബ് ഫോറില്‍ സ്റ്റീവ് സ്മിത്താണ് മുന്നില്‍. നൂറില്‍ താഴെ മാച്ചുകളില്‍ നിന്നാണ് സ്മിത്തിന്റെ നേട്ടം. ന്യൂസിലന്‍ഡിനെതിരെയായ പരമ്പരയിലാണ് കോഹ് ലി 9000 റണ്‍സ് എന്ന നാഴികക്കല്ല് പിന്നിട്ടത്. ഇന്ത്യയില്‍ നടന്ന ന്യൂസിലന്‍ഡ് പരമ്പരയില്‍ കെയ്ന്‍ വില്ല്യംസന് പരിക്കുകളെ തുടര്‍ന്ന് കളിച്ചിരുന്നില്ല. വില്ല്യംസന്റെ അഭാവത്തിലാണ് ന്യൂസിലന്‍ഡ് ഇന്ത്യന്‍ മണ്ണില്‍ 3-0ന് ജയിച്ചത്. ന്യൂസിലന്‍ഡ് ക്രിക്കറ്റില്‍ സ്റ്റീഫന്‍ ഫ്‌ളെമിങ്ങും റോസ് ടെയ്‌ലറുമാണ് വില്ല്യംസന് തൊട്ടുപിന്നില്‍.ഇരുവര്‍ക്കും ഏഴായിരത്തിലധികം റണ്‍സ് ആണ് സ്വന്തം പേരിലുള്ളത്.
'കോഹ്‌ലിയെ കണ്ട് പഠിക്കൂ'; ലാംബുഷെയ്‌നെയും സ്മിത്തിനെയും ഉപദേശിച്ച് റിക്കി പോണ്ടിങ്
അഡ്ലെയ്ഡ്: ബോര്‍ഡര്‍-ഗാവസ്‌കര്‍ ട്രോഫിയില്‍ ശേഷിക്കുന്ന മത്സരങ്ങളില്‍ സ്വന്തം കഴിവില്‍ വിശ്വാസമര്‍പ്പിക്കാന്‍ ഓസീസ് ബാറ്റര്‍മാര്‍ക്ക് റിക്കി പോണ്ടിങ്ങിന്റെ ഉപദേശം. വിരാട് കോഹ്‌ലിയെ പോലെ സ്വന്തം കളിയില്‍ വിശ്വാസമര്‍പ്പിച്ച് മുന്നോട്ട് പോകണമെന്ന് സ്റ്റീവ് സ്മിത്തിനോടും ലാംബുഷെയ്‌നോടും പോണ്ടിങ് പറഞ്ഞു. പരമ്പരയില്‍ മികച്ച ബാറ്റിങ് പ്രകടനം പുറത്തെടുക്കുന്നതില്‍ ഇരുവരും പാടുപെടുന്ന സാഹചര്യത്തിലാണ് പോണ്ടിങ്ങിന്റെ ഉപദേശം. പെര്‍ത്ത് ടെസ്റ്റില്‍ ജസ്പ്രീത് ബുംറയുടെ നയിക്കുന്ന ഇന്ത്യന്‍ പേസ് നിരയ്‌ക്കെതിരെ മികച്ച ബാറ്റിങ് പ്രകടനം പുറത്തെടുക്കാന്‍ ലംബുഷെയ്‌ന് കഴിഞ്ഞില്ല. ഓസീസ് 295 റണ്‍സിന് തോല്‍വി വഴങ്ങിയ മത്സരത്തില്‍ 52 പന്ത് നേരിട്ട താരം ആദ്യ ഇന്നിങ്സില് രണ്ടും രണ്ടാം ഇന്നിങ്സില് മൂന്ന് റണ്‍സുമാണ് നേടിയത്. രണ്ടാം ടെസ്റ്റിന് മുമ്പ് ഓസ്‌ട്രേലിയയ്ക്ക് തിരിച്ചടി; സൂപ്പര്‍ പേസര്‍ പുറത്ത് സ്മിത്ത് ആകെ ആദ്യ ഇന്നിങ്സില് ഡക്കാകുകയും രണ്ടാം ഇന്നിങ്സില് 60 പന്തില്‍ 17 റണ്‍സെടുത്തും പുറത്തായി. ബുംറയ്ക്കും മുഹമ്മദ് സിറാജിനും മുന്നിലാണ് സ്മിത്ത് വീണത്. ബുദ്ധിമുട്ടുള്ള വിക്കറ്റില്‍ മികച്ച നിലവാരമുള്ള ബൗളിങ്ങായിരുന്നു ഇന്ത്യയുടേതെന്നും പോണ്ടിങ് ഐസിസി റിവ്യൂവിനോട് പറഞ്ഞു. പെര്‍ത്തില്‍ കോഹ്‌ലിയുടെ തിരിച്ചുവരവിനെ കുറിച്ചും പോണ്ടിങ് പറഞ്ഞു. തന്റെ കളിയില്‍ വിശ്വാസമര്‍പ്പിച്ചുള്ള തിരിച്ചു വരവാണ് താരം നടത്തിയത്. ആദ്യ ഇന്നിങ്സിനെ അപേക്ഷിച്ച് തികച്ചും വ്യത്യസ്തനായ കളിക്കാരനായാണ് രണ്ടാം ഇന്നിങ്സില് വിരാടിനെ കണ്ടത്' പോണ്ടിങ് പറഞ്ഞു. ആദ്യ ഇന്നിങ്സില് കോഹ്‌ലി അഞ്ച് റണ്‍സിന് പുറത്തായി. എന്നാല്‍ രണ്ടാം ഇന്നിങ്സില് പുറത്താകാതെ 100 റണ്‍സ് നേടി. കോഹ്‌ലി തന്റെ കഴിവില്‍ ശ്രദ്ധ കേന്ദ്രീകരിച്ചു. സ്മിത്തും ലാംബുഷെയ്‌നും ഇതാണ് ചെയ്യേണ്ടതെന്നും പോണ്ടിങ് പറഞ്ഞു.
അഡ്ലെയ്ഡ് ഓസ്ട്രേലിയക്കെതിരായ രണ്ടാം ടെസ്റ്റ് ക്രിക്കറ്റിനുമുന്നോടിയായി ഇന്ത്യയുടെ പരിശീലനമത്സരം ഇന്ന്. പ്രൈം മിനിസ്റ്റേഴ്സ് ഇലവനുമായി രണ്ടുദിന സന്നാഹമത്സരം കളിക്കും. രാവിലെ 9.10ന് കളി തുടങ്ങും. രോഹിത് ശർമയ്ക്കുകീഴിലാണ് ഇന്ത്യ ഇറങ്ങുക. വ്യക്തിപരമായ കാരണങ്ങളാൽ ആദ്യമത്സരത്തിലുണ്ടായിരുന്നില്ല രോഹിത്. ആറിന് അഡ്ലെയ്ഡിലാണ് രണ്ടാം ടെസ്റ്റ്. പകൽ–-രാത്രി മത്സരമാണിത്. പിങ്ക് പന്തിൽ ഒരുങ്ങുക എന്നതാണ് ഇന്ത്യൻ ലക്ഷ്യം. പരിക്കുമാറിയ ശുഭ്മാൻ ഗിൽ ഇന്ന് കളിച്ചേക്കും. ജാക്ക് എഡ്വേർഡ്സാണ് പ്രൈം മിനിസ്റ്റേഴ്സ് ഇലവൻ ക്യാപ്റ്റൻ. ഓസീസ് അണ്ടർ 19 താരങ്ങളാണ് കൂടുതലും. മുൻ ക്യാപ്റ്റൻ ടിം പെയ്നാണ് അവരുടെ പരിശീലകൻ.
ക്രൈസ്റ്റ്ചർച്ച് ഹാരി ബ്രൂക്കിന്റെ സെഞ്ചുറിക്കരുത്തിൽ ന്യൂസിലൻഡിനെതിരായ ഒന്നാം ടെസ്റ്റ് ക്രിക്കറ്റിൽ ഇംഗ്ലണ്ട് മികച്ച നിലയിൽ. രണ്ടാംദിനം കളി അവസാനിക്കുമ്പോൾ അഞ്ച് വിക്കറ്റ് നഷ്ടത്തിൽ 319 റണ്ണെന്ന നിലയിലാണ്. ബ്രൂക്ക് 132 റണ്ണുമായി ക്രീസിലുണ്ട്. കിവീസ് ഒന്നാം ഇന്നിങ്സിൽ 348 റണ്ണിന് പുറത്തായിരുന്നു. ഇംഗ്ലണ്ടിന് 29 റൺകൂടി മതി ഒപ്പമെത്താൻ. 71 റണ്ണിനിടെ നാല് വിക്കറ്റ് നഷ്ടമായ ഇംഗ്ലീഷുകാരെ ബ്രൂക്ക് രക്ഷപ്പെടുത്തുകയായിരുന്നു. ഒല്ലി പോപ്പിനെ (77) കൂട്ടുപിടിച്ച് മുന്നേറി. ടെസ്റ്റ് കുപ്പായത്തിലെ ഏഴാം സെഞ്ചുറിയാണ് ഇരുപത്തഞ്ചുകാരൻ കുറിച്ചത്. ക്യാപ്റ്റൻ ബെൻ സ്റ്റോക്സാണ് (37) ബ്രൂക്കിന് കൂട്ടായി ക്രീസിൽ. സ്കോർ: ന്യൂസിലൻഡ് 348 ഇംഗ്ലണ്ട് 319/5.
ഡർബൻ ദക്ഷിണാഫ്രിക്കയ്ക്കെതിരായ ആദ്യ ടെസ്റ്റ് ക്രിക്കറ്റിൽ ശ്രീലങ്ക തോൽവിയിലേക്ക്. 516 റണ്ണിന്റെ കൂറ്റൻ വിജയലക്ഷ്യം പിന്തുടർന്ന ലങ്കയ്ക്ക് മൂന്നാംദിനം കളി നിർത്തുമ്പോൾ 103 റണ്ണെടുക്കുന്നതിനിടെ അഞ്ച് വിക്കറ്റുകൾ നഷ്ടമായിക്കഴിഞ്ഞു. 413 റൺ പിറകിലാണ്. രണ്ടാം ഇന്നിങ്സിൽ ദക്ഷിണാഫ്രിക്ക 366 റണ്ണിന് ഡിക്ലയർ ചെയ്തിരുന്നു. സെഞ്ചുറി നേടിയ ക്യാപ്റ്റൻ ടെംബ ബവുമയും (113) ട്രിസ്റ്റൻ സ്റ്റബ്സുമാണ് (122) മികച്ച ലീഡ് സമ്മാനിച്ചത്. ലങ്ക ഒന്നാം ഇന്നിങ്സിൽ 42 റണ്ണിന് പുറത്തായിരുന്നു. സ്കോർ: ദ.ആഫ്രിക്ക 191 & 366/5ഡി, ശ്രീലങ്ക 42, 103/5.
ലോക ചെസ് ചാമ്പ്യൻഷിപ് ; ഗുകേഷിന് സമനില
സിംഗപ്പുർ ലോക ചെസ് ചാമ്പ്യൻഷിപ്പിൽ ഇന്ത്യയുടെ ഡി ഗുകേഷിന് നാലാം ഗെയിമിൽ സമനില. ചൈനീസ് ചാമ്പ്യൻ ഡിങ് ലിറെൻ 42 നീക്കത്തിനൊടുവിൽ സമനില സമ്മതിച്ചു. രണ്ടുപേരും അര പോയിന്റ്വീതം നേടി. ആകെ പോയിന്റ് രണ്ടുവീതം. 14 ഗെയിമിൽ ആദ്യം ഏഴര പോയിന്റ് കിട്ടുന്ന കളിക്കാരൻ ലോക ചാമ്പ്യനാകും. അഞ്ചാം ഗെയിം ഇന്ന് നടക്കും. ഒരു ദിവസത്തെ വിശ്രമത്തിനുശേഷമാണ് ഇരുവരും നാലാം ഗെയിമിന് ഇറങ്ങിയത്. വെള്ളക്കരുക്കളുമായി ഡിങ് മികച്ച തുടക്കമായിരുന്നു. എന്നാൽ, താളം കണ്ടെത്തിയ ഗുകേഷ് കറുത്ത കരുവിൽ വിശ്വാസമർപ്പിച്ച് ചൈനീസ് താരത്തിന്റെ മുൻതൂക്കം ഇല്ലാതാക്കി. പിന്നീട് ഇരുവരും സമയമെടുത്ത് കരുനീക്കിയപ്പോൾ സമനില അനിവാര്യമായി. ആദ്യ ഗെയിം ജയിച്ച് മുന്നിലെത്തിയ ഡിങ്ങിനെ മൂന്നാം ഗെയിമിലാണ് ഗുകേഷ് പിടിച്ചത്. രണ്ടാമത്തേത് സമനിലയായിരുന്നു. തുടക്കത്തിൽ ചെറിയ അമ്പരപ്പുണ്ടായെന്ന് ഗുകേഷ് പറഞ്ഞു. എന്നാൽ, പിന്നീട് ആത്മവിശ്വാസം വീണ്ടെടുക്കാനായി. എതിരാളിയുടെ മുൻതൂക്കം ഒഴിവാക്കാൻ സാധിച്ചതും നേട്ടമായെന്ന് പതിനെട്ടുകാരൻ പറഞ്ഞു.
യൂറോപ ലീഗ് ; മാഞ്ചസ്റ്റർ യുണൈറ്റഡിന്‌ ജയം
ലണ്ടൻ പുതിയ പരിശീലകൻ റൂബെൻ അമോരിമിന് മാഞ്ചസ്റ്റർ യുണൈറ്റഡിൽ ആദ്യജയം. യൂറോപ ലീഗ് ഫുട്ബോളിൽ നോർവെ ക്ലബ് ബോഡോയെ 3–-2ന് വീഴ്ത്തി. റാസ്മസ് ഹോയിലണ്ട് ഇരട്ടഗോൾ നേടി. മറ്റൊന്ന് അലെയാന്ദ്രോ ഗർണാച്ചോയും കുറിച്ചു. ബോഡോയ്ക്കായി ഹാകോൻ ഏവെനും ഫിലിപ് സിൻകെർനഗെലും ലക്ഷ്യംകണ്ടു. ടോട്ടനം ഹോട്സ്പറും റോമയും 2–-2ന് പിരിഞ്ഞു.
സൂറിച്ച് ഫിഫയുടെ ഈ വർഷത്തെ മികച്ച പുരുഷതാരത്തിനുള്ള പട്ടികയിൽ ഇടംപിടിച്ച് 11 പേർ. നിലവിലെ ജേതാവ് ലയണൽ മെസി, ബാലൻ ഡി ഓർ ജേതാവ് റോഡ്രി, വിനീഷ്യസ് ജൂനിയർ, എർലിങ് ഹാലണ്ട് തുടങ്ങിയ താരങ്ങൾ പട്ടികയിലുണ്ട്. ക്രിസ്റ്റ്യാനോ റൊണാൾഡോ ഇടംപിടിച്ചില്ല. വനിതകളിൽ അയ്താന ബൊൻമാറ്റി, ലൂസി ബ്രൗൺസ് എന്നീ പ്രമുഖ താരങ്ങളെല്ലാമുണ്ട്. പരിശീലകർ, ടീം ക്യപ്റ്റൻമാർ, തെരഞ്ഞെടുക്കുന്ന കായിക മാധ്യമപ്രവർത്തകർ, ആരാധകർ എന്നിവർ വോട്ടെടുപ്പിലൂടെയാണ് പുരസ്കാര ജേതാവിനെ കണ്ടെത്തുക. എന്നാണ് പ്രഖ്യാപനമെന്ന് ഫിഫ വ്യക്തമാക്കിയിട്ടില്ല.
ശ്രീനഗർ പ്രതിരോധക്കാരനും മലയാളിയുമായ അതുൽ ഉണ്ണിക്കൃഷ്ണന്റെ ഗോളിൽ റിയൽ കശ്മീരിനെ തളച്ച് ഗോകുലം കേരള. ഐ ലീഗ് ഫുട്ബോളിൽ 1–-1നാണ് ഇരുടീമും പിരിഞ്ഞത്. 76–-ാം മിനിറ്റിലായിരുന്നു അതുലിന്റെ സമനിലഗോൾ. ശ്രീനഗറിലെ ടിആർസി ടർഫ് സ്റ്റേഡിയത്തിൽ നടന്ന കളിയിൽ ആതിഥേയരായ റിയൽ കശ്മീരിനായിരുന്നു ആധിപത്യം. രണ്ടാം മിനിറ്റിൽത്തന്നെ ബൗബ അമിനോവിലൂടെ അവർ ലീഡെടുത്തു. ഗോകുലം മുൻ ക്യാപ്റ്റനായിരുന്നു ഈ പ്രതിരോധക്കാരൻ. ഹെഡ്ഡറിലൂടെയാണ് വലകുലുക്കിയത്. രണ്ടാംപകുതിയിൽ അതുലിലൂടെ ഗോകുലം സമനില പിടിച്ചു. രണ്ടുകളിയിൽ നാല് പോയിന്റുമായി രണ്ടാമതാണ് ഗോകുലം. ഇതേ പോയിന്റുള്ള റിയൽ കശ്മീർ ഒന്നാംസ്ഥാനത്താണ്. ഡിസംബർ മൂന്നിന് ഐസ്വാൾ എഫ്സിയുമായാണ് ഗോകുലത്തിന്റെ അടുത്ത മത്സരം. കോഴിക്കോട് കോർപറേഷൻ ഇ എം എസ് സ്റ്റേഡിയത്തിൽ രാത്രി ഏഴിനാണ് പോരാട്ടം. സീസണിലെ ഗോകുലത്തിന്റെ ആദ്യ ഹോംമാച്ചാണിത്.
മുംബൈയെ തകർത്ത് മുന്നോട്ട് ; കേരളത്തിന് 43 റൺ ജയം
ഹൈദരാബാദ് പ്രതാപശാലികളായ മുംബൈയെ തരിപ്പണമാക്കി കേരളം. സയ്ദ് മുഷ്താഖ് അലി ട്രോഫി ട്വന്റി20 ക്രിക്കറ്റിൽ 43 റണ്ണിനാണ് സഞ്ജു സാംസണും സംഘവും മുംബൈയെ വീഴ്ത്തിയത്. സൽമാൻ നിസാറിന്റെയും (49 പന്തിൽ 99*) രോഹൻ കുന്നുമ്മലിന്റെയും (48 പന്തിൽ 87) വെടിക്കെട്ട് ബാറ്റിങ്ങിൽ കേരളം ഉയർത്തിയത് 234 റൺ. ടൂർണമെന്റിലെ ടീമിന്റെ എക്കാലത്തെയും മികച്ച സ്കോർ. മറുപടിയിൽ മുംബൈ 191ൽ ഒതുങ്ങി. നാല് വിക്കറ്റുമായി പേസർ എം ഡി നിതീഷ് തിളങ്ങി. സ്കോർ: കേരളം 234/5 മുംബൈ 191/9. ടോസ് നഷ്ടമായി ആദ്യം ബാറ്റെടുത്ത കേരളത്തിന് മോശം തുടക്കമായിരുന്നു. ക്യാപ്റ്റനും സൂപ്പർതാരവുമായ സഞ്ജു ആദ്യ ഓവറിൽത്തന്നെ മടങ്ങി. വെറും നാലു റണ്ണായിരുന്നു വിക്കറ്റ് കീപ്പർ ബാറ്ററുടെ സമ്പാദ്യം. ശാർദുൽ ഠാക്കൂറിന്റെ പന്തിൽ ക്ലീൻ ബൗൾഡാവുകയായിരുന്നു. സ്ഥാനക്കയറ്റം ലഭിച്ച മുഹമ്മദ് അസ്ഹറുദീനും (13) പിടിച്ചുനിൽക്കാനായില്ല. തുടർന്നെത്തിയ സച്ചിൻ ബേബി (7) പരിക്കേറ്റ് കളംവിട്ടതും തിരിച്ചടിയായി. എന്നാൽ, പിന്നീട് കൂട്ടുചേർന്ന രോഹനും സൽമാനും കേരളത്തെ കരകയറ്റി. ആദ്യമേ ഇരുവരും കത്തിക്കയറി. മുംബൈ ബൗളർമാർക്ക് ഒരവസരവും നൽകാതെ മുന്നേറി. ഇരുവരും 140 റൺ ചേർത്തു. രോഹൻ ഏഴ് സിക്സറും അഞ്ച് ബൗണ്ടറിയും പായിച്ചു. 18–-ാം ഓവറിലാണ് മടങ്ങിയത്. ഇടംകൈയൻ ബാറ്ററായ സൽമാനാകട്ടെ എട്ട് സിക്സറും അഞ്ച് ഫോറും നേടി. അർഹിച്ച സെഞ്ചുറി ഒരു റണ്ണിനകലെയാണ് നഷ്ടമായത്. മോഹിത് അവാസ്തി മുംബൈക്കായി നാല് വിക്കറ്റെടുത്തു. മറുപടിയിൽ പേരുകേട്ട മുംബൈ ബാറ്റിങ് നിര പതറി. പൃഥ്വി ഷാ (23), അംഗ്രിഷ് രഘുവൻഷി (16), ക്യാപ്റ്റൻ ശ്രേയസ് അയ്യർ (32) എന്നിവർക്ക് മികച്ച പ്രകടനം പുറത്തെടുക്കാനായില്ല. അജിൻക്യ രഹാനെ (35 പന്തിൽ 68) മാത്രമാണ് പൊരുതിയത്. ഗ്രൂപ്പ് ഇയിൽ നാലു കളിയിൽ 12 പോയിന്റുമായി രണ്ടാംസ്ഥാനത്താണ് കേരളം. നാളെ ഗോവയെ നേരിടും.
ഫിഫ ദി ബെസ്റ്റ് പുരസ്കാര പട്ടികയില്‍ മെസി! ആരാധകര്‍ക്ക് അമ്പരപ്പ്, ഫുട്‌ബോള്‍ ലോകം രണ്ട് തട്ടില്‍
സൂറിച്ച്: അര്‍ജന്റീന ഇതിഹാസം ലയണല്‍ മെസി ഫുട്‌ബോളില്‍ നേടാത്ത കിരീടങ്ങളില്ല. 37ാം വയസിലും താരം കളത്തില്‍ സജീവം. ലോകകപ്പും കോപ്പ അമേരിക്കയും ചാംപ്യന്‍സ് ലീഗും ക്ലബ് ലോകകപ്പും ഒളിംപിക്‌സ് സ്വര്‍ണവും അടക്കം എണ്ണം പറഞ്ഞ കിരീടങ്ങളെല്ലാം ആ ഷോക്കേസിലുണ്ട്. ഫിഫ ദി ബെസ്റ്റ്, ബാല്ലണ്‍ ഡി ഓര്‍ ഉള്‍പ്പെടെ വ്യക്തിഗത പുരസ്‌കാരങ്ങള്‍ വേറെയും. ഏറ്റവും പുതിയ ഫിഫ ദി ബെസ്റ്റ് പട്ടിക പുറത്തുവിട്ടപ്പോള്‍ ആരാധകര്‍ പക്ഷേ ഞെട്ടിപ്പോയി. കാരണം ഫിഫയുടെ പുരസ്കാര പട്ടികയില്‍ ലയണല്‍ മെസി അപ്രതീക്ഷിതമായി ഉള്‍പ്പെട്ടതാണ് അമ്പരപ്പിച്ചത്. മികച്ച മുന്നേറ്റ താരങ്ങളുടെ പുരസ്കാര പട്ടികയിലും മെസിയുടെ പേരുണ്ട്. ഇതോടെ സാമൂഹിക മാധ്യമങ്ങളില്‍ ആരാധകര്‍ രണ്ട് തട്ടിലായി ചര്‍ച്ചയും തുടങ്ങി. റയല്‍ മാഡ്രിഡിന്റെ ഇംഗ്ലണ്ട് താരം ജൂഡ് ബെല്ലിങ്ഹാം, റയലിന്റെ സ്പാനിഷ് താരം ഡാനി കാര്‍വഹാല്‍, മാഞ്ചസ്റ്റര്‍ സിറ്റിയുടെ നോര്‍വെ മുന്നേറ്റക്കാരന്‍ എര്‍ലിങ് ഹാളണ്ട്, വിരമിച്ച ജര്‍മന്‍ ഇതിഹാസം ടോണി ക്രൂസ്, റയലിന്റെ ഫ്രഞ്ച് താരം കിലിയന്‍ എംബാപ്പെ, മാഞ്ചസ്റ്റര്‍ സിറ്റിയുടെ സ്പാനിഷ് താരം റോഡ്രി, റയലിന്റെ ഉറുഗ്വെ താരം വാല്‍വര്‍ഡെ, റയലിന്റെ തന്നെ ബ്രസീല്‍ താരം വിനിഷ്യസ് ജൂനിയര്‍, ബയര്‍ ലെവര്‍കൂസന്റെ ജര്‍മന്‍ യുവ താരം ഫ്‌ളോറിയന്‍ വിയറ്റ്‌സ്, ബാഴ്‌സലോണയുടെ സ്പാനിഷ് യുവ താരം ലമിന്‍ യമാല്‍ എന്നിവരാണ് പട്ടികയിലുള്ളത്. ഇവര്‍ക്കൊപ്പമാണ് മെസിയുടെ പേരുമുള്ളത്. നിലവില്‍ അമേരിക്കന്‍ മേജര്‍ ലീഗ് സോക്കറിലാണ് മെസി കളിക്കുന്നത്. ഇന്റര്‍ മയാമി താരമാണ് അര്‍ജന്റീന ഇതിഹാസം. #TheBest FIFA Men's Player 2024 nominees. Let the voting begin... ️ — FIFA World Cup (@FIFAWorldCup) November 28, 2024 പാകിസ്ഥാനില്‍ കളിക്കില്ല, കട്ടായം! നിലപാട് കടുപ്പിച്ച് ഇന്ത്യ; പാക് ബോര്‍ഡിന് മുന്നില്‍ കൈ മലര്‍ത്തി ഐസിസിയും #TheBest FIFA Men's 11 nominees. Cast your vote now! — FIFA World Cup (@FIFAWorldCup) November 28, 2024 ആരാധകര്‍ പ്രധാനമായും മുന്നോട്ടു വയ്ക്കുന്ന സംശയം യൂറോപ്പിലെ വമ്പന്‍ ലീഗുകളില്‍ കളിക്കുന്ന താരങ്ങള്‍ക്കൊപ്പം എംഎല്‍എസില്‍ കളിക്കുന്ന മെസിയെ ഉള്‍പ്പെടുത്താമോ എന്നാണ്. മാത്രമല്ല സീസണില്‍ 22 മത്സരങ്ങളില്‍ നിന്നു മെസി 21 ഗോളുകള്‍ നേടിയത് പുരസ്‌കാരത്തിനു പരിഗണിക്കാന്‍ പാകത്തിലുള്ള പ്രകടനമാണോ എന്നും ആരാധകര്‍ സംശയം ഉന്നയിക്കുന്നു. മെസിയുടെ വരവ് എംഎല്എസിന്റെ ജനപ്രീതിയില്‍ കാര്യമായ മുന്നേറ്റമുണ്ടാക്കി എന്നത് സത്യമാണെന്നു ആരാധകര്‍ സമ്മതിക്കുന്നു. എന്നാല്‍ എംഎല്‍എസിലെ മത്സരങ്ങള്‍ക്ക് ലാ ലിഗ, പ്രീമിയര്‍ ലീഗ് മത്സരങ്ങളുടെ ആവേശമുണ്ടോയെന്ന സംശയവും ചിലര്‍ പങ്കിടുന്നു. ഈ പ്രായത്തിലും മെസി തന്നെയാണ് മികച്ച തെന്നു തെളിയിക്കുന്നതായി ചില ആരാധകര്‍ അനുകൂലിച്ചും പറയുന്നു. കോപ്പ അമേരിക്ക കിരീടമടക്കമുള്ള നേട്ടങ്ങളും അവര്‍ എടുത്തു കാണിക്കുന്നു. എംഎല്എസിന്റെ ജനപ്രീയത വര്‍ധിപ്പിച്ചതടക്കമുള്ള നേട്ടങ്ങളും അവര്‍ എടുത്തു കാണിക്കുന്നു.
ന്യൂഡല്‍ഹി: ചാംപ്യന്‍സ് ട്രോഫി ക്രിക്കറ്റ് പോരാട്ടത്തിനായി ഇന്ത്യ പാകിസ്ഥാനിലേക്ക് പോകില്ലെന്നു വ്യക്തമാക്കി വിദേശകാര്യ മന്ത്രാലയം. അടുത്ത വര്‍ഷം നടക്കുന്ന പോരാട്ടത്തിന് പാകിസ്ഥാനാണ് വേദിയാകുന്നത്. ഇന്ത്യ പാകിസ്ഥാനില്‍ വന്ന് കളിക്കണമെന്ന കടുത്ത നിലപാടുമായി പാക് ക്രിക്കറ്റ് ബോര്‍ഡ് നില്‍ക്കുന്ന ഘട്ടത്തിലാണ് ഇന്ത്യയുടെ നിലപാട് കടുപ്പിച്ച് രംഗത്തെത്തിയത്. സുരക്ഷ സംബന്ധിച്ച ആശങ്കകള്‍ നിലനില്‍ക്കുന്നതായി വിദേശകാര്യ മന്ത്രാലയം വ്യക്തമാക്കി. പാകിസ്ഥാനില്‍ മാത്രമായി ടൂര്‍ണമെന്റ് നടത്താന്‍ ഐസിസി തീരുമാനം എടുത്താല്‍ ഇന്ത്യ ടൂര്‍ണമെന്റ് കളിക്കേണ്ടതില്ലെന്നാണ് കേന്ദ്രത്തിന്റെ തീരുമാനം. ഇന്ത്യയുടെ മത്സരങ്ങള്‍ മറ്റൊരു വേദിയില്‍ നടത്തി ഹൈബ്രിഡ് മോഡലില്‍ ടൂര്‍ണമെന്റ് നടത്താനാണ് ഐസിസി ആലോചന. എന്നാല്‍ ഇക്കാര്യത്തില്‍ പാകിസ്ഥാന് വിട്ടുവീഴ്ചയ്ക്ക് തയ്യാറായിട്ടില്ല. ഇന്ന് ചേര്‍ന്ന ഐസിസി എക്‌സിക്യൂട്ടീവ് യോഗത്തില്‍ ഇക്കാര്യത്തില്‍ സമവായം കണ്ടെത്താനും സാധിച്ചിട്ടില്ല. ഇതോടെ യോഗം നാളേയ്ക്ക് മാറ്റിയിരുന്നു. അതിനിടെയാണ് ഇന്ത്യ നിലപാടറിയിച്ച് രംഗത്തെത്തിയത്. ബവുമയ്ക്കും സ്റ്റബ്‌സിനും സെഞ്ച്വറി; ശ്രീലങ്ക റണ്‍ മല താണ്ടണം ഇസ്ലാമബാദില്‍ കഴിഞ്ഞ ദിവസം കലാപ സമാനമായ അന്തരീക്ഷമായിരുന്നു. പാകിസ്ഥാനില്‍ പര്യടനത്തിനായി എത്തിയ ശ്രീലങ്ക എ ടീം പരമ്പര പാതി വഴിയില്‍ ഉപേക്ഷിച്ച് മടങ്ങിപ്പോയതും പാകിസ്ഥാന് വലിയ തിരിച്ചടിയായി മാറിയിട്ടുണ്ട്. ഇതോടെയാണ് സുരക്ഷ സംബന്ധിച്ച ആശങ്കകളും ഉയര്‍ന്നത്. സുരക്ഷ സംബന്ധിച്ച ആശങ്കകള്‍ വിദേശകാര്യ മന്ത്രാലയവുമായി ബിസിസിഐ പങ്കിട്ടിരുന്നു. അവരുടെ റിപ്പോര്‍ട്ടിന്റെ അടിസ്ഥാനത്തില്‍ കൂടിയാണ് കേന്ദ്രത്തിന്റെ തീരുമാനം. ബിസിസിഐ സമാന സുരക്ഷാ ആശങ്ക ഐസിസിയേയും പാക് ക്രിക്കറ്റ് ബോര്‍ഡിനേയും ബോധ്യപ്പെടുത്തുകയും ചെയ്തിരുന്നു. ഇന്ത്യയുടെ കളി മറ്റൊരു വേദിയില്‍ നടത്തുക ഏക പോംവഴി ചാംപ്യന്‍സ് ട്രോഫി പോരാട്ടത്തിനു വേദി ഉറപ്പിക്കണമെങ്കില്‍ ഇന്ത്യയുടെ മത്സരങ്ങള്‍ മറ്റൊരു വേദിയില്‍ നടത്താന്‍ തയ്യാറാകണമെന്നു ഐസിസി അസന്നിഗ്ധമായി പിസിബിയെ അറിയിച്ചതായി റിപ്പോര്‍ട്ടുകള്‍. ഹൈബ്രിഡ് മോഡല്‍ മാത്രമാണ് പ്രശ്‌ന പരിഹരത്തിനുള്ള ഏക പോംവഴിയെന്നു പാക് ക്രിക്കറ്റ് ബോര്‍ഡിനെ ഐസിസി ധരിപ്പിച്ചതായാണ് റിപ്പോര്‍ട്ടുകള്‍ പറയുന്നത്.
ബവുമയ്ക്കും സ്റ്റബ്‌സിനും സെഞ്ച്വറി; ശ്രീലങ്ക റണ്‍ മല താണ്ടണം
ഡര്‍ബന്‍: ശ്രീലങ്കക്കെതിരായ ഒന്നാം ക്രിക്കറ്റ് ടെസ്റ്റില്‍ കൂറ്റന്‍ ലക്ഷ്യം മുന്നില്‍ വച്ച് ദക്ഷിണാഫ്രിക്ക. രണ്ടാം ഇന്നിങ്സില് ദക്ഷിണാഫ്രിക്ക 5 വിക്കറ്റ് നഷ്ടത്തില്‍ 366 റണ്‍സെന്ന നിലയില്‍ ഇന്നിങ്സ് ഡിക്ലയര്‍ ചെയ്തു. ലങ്കയ്ക്ക് ജയത്തിലേക്ക് വേണ്ടത് 516 റണ്‍സ്. ഒന്നാം ഇന്നിങ്സില് പ്രോട്ടീസിനെ 191 റണ്‍സിനു പുറത്താക്കിയ ലങ്കയുടെ ഒന്നാം ഇന്നിങ്സ് പോരാട്ടം വെറും 42 റണ്‍സില്‍ അവസാനിച്ചിരുന്നു. ടെസ്റ്റില്‍ ലങ്കയുടെ ഏറ്റവും ചെറിയ ടോട്ടലെന്ന നാണക്കേടിന്റെ റെക്കോര്‍ഡും അവര്‍ ഒന്നാം ഇന്നിങ്സില് നേടിയിരുന്നു. 149 റണ്‍സ് ലഡുമായാണ് പ്രോട്ടീസ് രണ്ടാം ഇന്നിങ്സ് തുടങ്ങിയത്. ക്യാപ്റ്റന്‍ ടെംബ ബവുമ, ട്രിസ്റ്റന്‍ സ്റ്റബ്സ് എന്നിവരുടെ കിടിലന്‍ സെഞ്ച്വറികളാണ് ദക്ഷിണാഫ്രിക്കയ്ക്ക് മികച്ച സ്‌കോര്‍ സമ്മാനിച്ചത്. സ്റ്റബ്സ് 9 ഫോറും രണ്ട് സിക്സും സഹിതം 122 റണ്‍സും ബവുമ 9 ഫോറുകള്‍ സഹിതം 113 റണ്‍സും കണ്ടെത്തി. ആദ്യ ഇന്നിങ്സില് ബവുമ അര്‍ധ സെഞ്ച്വറി നേടിയിരുന്നു. നേരത്തെ ഏഴ് വിക്കറ്റുകള്‍ വീഴ്ത്തിയ മാര്‍ക്കോ യാന്‍സന്റെ തീ പാറും ബൗളിങാണ് ലങ്കാ ദഹനത്തിനു കാരണമായത്. അവരുടെ 5 ബാറ്റര്‍മാര്‍ പൂജ്യത്തിനു പുറത്തായി. രണ്ട് പേര്‍ മാത്രമാണ് രണ്ടക്കം കടന്നത്. കാമിന്ദു മെന്‍ഡിസ് 13 റണ്‍സെടുത്ത് ടോപ് സ്‌കോററായി. 10 റണ്‍സുമായി പുറത്താകാതെ നിന്ന ലഹിരു കുമാരയാണ് രണ്ടക്കം കടന്ന മറ്റൊരാള്‍. തീരാതെ ഇന്ത്യ- പാക് തർക്കം; ചാംപ്യൻസ് ട്രോഫി വേദിയിൽ അനിശ്ചിതത്വം തുടരുന്നു യാന്‍സന്‍ 6.5 ഓവറില്‍ വെറും 13 റണ്‍സ് മാത്രം വഴങ്ങിയാണ് യാന്‍സന്‍ 7 വിക്കറ്റുകള്‍ പിഴുതത്. ജെറാള്‍ഡ് കോറ്റ്സി 2 വിക്കറ്റും കഗിസോ റബാഡ ഒരു വിക്കറ്റും സ്വന്തമാക്കി. ടോസ് നേടി ശ്രീലങ്ക ദക്ഷിണാഫ്രിക്കയെ ബാറ്റിങിനു അയക്കുകയായിരുന്നു. ഒന്നാം ദിനത്തില്‍ വെളിച്ചക്കുറവിനെ തുടര്‍ന്നു പോരാട്ടം നേരത്തെ അവസാനിപ്പിച്ചിരുന്നു. രണ്ടാം ദിനം തുടങ്ങിയ പ്രോട്ടീസ് ഒരു ഘട്ടത്തില്‍ 5 വിക്കറ്റ് നഷ്ടത്തില്‍ 83 റണ്‍സെന്ന നിലയിലായിരുന്നു. ഒരറ്റത്ത് ക്യാപ്റ്റന്‍ ടെംബ ബവുമ നിന്നു പൊരുതിയതാണ് കൂട്ടത്തകര്‍ച്ചയില്‍ നിന്നു അവരെ കരകയറ്റിയത്. താരം 70 റണ്‍സുമായി പൊരുതി. മറ്റൊരാളും പിന്തുണയ്ക്കാനുണ്ടായിരുന്നില്ല. ശ്രീലങ്കക്കായി ലഹിരു കുമാര, അസിത ഫെര്‍ണാണ്ടോ എന്നിവര്‍ 3 വിക്കറ്റുകള്‍ വീഴ്ത്തി. വിശ്വ ഫെര്‍ണാണ്ടോ, പ്രബാത് ജയസൂര്യ എന്നിവര്‍ രണ്ട് വീതം വിക്കറ്റുകളും സ്വന്തമാക്കി.
ലോക ചെസ് ചാംപ്യന്‍ഷിപ്പ്; ഡിങ് ലിറനെ സമനിലയില്‍ പിടിച്ച് ഗുകേഷ്
സിങ്കപ്പുര്‍: ലോക ചെസ് ചാംപ്യന്‍ഷിപ്പിലെ നാലാം പോരാട്ടം സമനിലയില്‍ അവസാനിച്ചു. ഇന്ത്യന്‍ യുവ താരം ഡി ഗുകേഷും നിലവിലെ ലോക ചാംപ്യന്‍ ചൈനയുടെ ഡിങ് ലിറനും തമ്മിലാണ് മത്സരം. 42 നീക്കങ്ങള്‍ക്കൊടുവിലാണ് പോരാട്ടം സമനിലയില്‍ പിരിഞ്ഞത്. കറുത്ത കരുക്കളുമായാണ് ഗുകേഷ് നാലാം പോരില്‍ മത്സരിച്ചത്. ഇരുവര്‍ക്കും രണ്ട് വീതം പോയിന്റുകള്‍. തീരാതെ ഇന്ത്യ- പാക് തർക്കം; ചാംപ്യൻസ് ട്രോഫി വേദിയിൽ അനിശ്ചിതത്വം തുടരുന്നു ആദ്യ പോരാട്ടം ഡിങ് ലിറന്‍ വിജയിച്ചപ്പോള്‍ രണ്ടാം മത്സരം സമനിലയില്‍ അവസാനിച്ചു. മൂന്നാം പോരില്‍ ഗുകേഷ് ജയവുമായി തിരിച്ചടിച്ചു.
തീരാതെ ഇന്ത്യ- പാക് തർക്കം; ചാംപ്യൻസ് ട്രോഫി വേദിയിൽ അനിശ്ചിതത്വം തുടരുന്നു
ദുബായ്: അടുത്ത വര്‍ഷം നടക്കേണ്ട ഐസിസി ചാംപ്യന്‍സ് ട്രോഫി പോരാട്ടത്തിലെ വേദി സംബന്ധിച്ച അനിശ്ചിതത്വം തുടരുന്നു. ഇന്ന് ചേര്‍ന്ന ഐസിസി യോഗത്തില്‍ സമവായമായില്ല. യോഗം നാളേയ്ക്ക് മാറ്റിയതായി സൂചനകളുണ്ട്. നിലവില്‍ പാകിസ്ഥാനാണ് വേദിയായി തീരുമാനിച്ചിരിക്കുന്നത്. എന്നാല്‍ ഇന്ത്യ പാകിസ്ഥാനിലേക്ക് വരാന്‍ വിസമ്മതിക്കുന്ന സാഹചര്യത്തിലാണ് അനിശ്ചിതത്വം. ഇന്ത്യ പാകിസ്ഥാനില്‍ വന്ന് കളിക്കണമെന്ന നിലപാടില്‍ ഉറച്ചു നില്‍ക്കുന്നതായാണ് റിപ്പോര്‍ട്ടുകള്‍. എന്നാല്‍ സമവായം ഉണ്ടാകാന്‍ ഹൈബ്രിഡ് മോഡല്‍ പോരാട്ടമാണ് ഐസിസി മുന്നോട്ടു വയ്ക്കുന്നത്. ഇന്ത്യയുടെ മത്സരങ്ങള്‍ മറ്റൊരു വേദിയില്‍ നടത്തുകയാണ് ഐസിസി മുന്നില്‍ കാണുന്നത്. 6,6,6,4,6... ഹര്‍ദികിന്റെ വെടിക്കെട്ട്! അതിവേഗം ബറോഡ (വിഡിയോ) ശ്രീലങ്കന്‍ എ ടീം പാകിസ്ഥാനില്‍ പര്യടനം നടത്താനെത്തിയിരുന്നു. എന്നാല്‍ അതിനിടെ ഇസ്ലാമബാദില്‍ അരങ്ങേറിയ രാഷ്ട്രീയ സംഘര്‍ഷത്തെ തുടര്‍ന്നു ടീം പരമ്പര വെട്ടിച്ചുരുക്കി തിരികെ പോയത് പാകിസ്ഥാന് പുതിയ അടിയായി മാറി. സുരക്ഷ സംബന്ധിച്ച ആശങ്കകളും ഇതോടെ ഐസിസിയുടെ പരിഗണനാ വിഷയത്തിലേക്ക് വന്നു. ഇതും നിലവില്‍ പാകിസ്ഥാന് തിരിച്ചടിയായി നില്‍ക്കുന്ന കാര്യമാണ്. പാകിസ്ഥാന് ആതിഥേയത്വം ലഭിച്ചാലും ഇന്ത്യയുടെ മത്സരങ്ങള്‍ മിക്കവാറും യുഎഇയിലായിരിക്കും അരങ്ങേറുക. 2023ലെ ഏഷ്യാ കപ്പിലെ ഇന്ത്യയുടെ മത്സരങ്ങള്‍ ഇത്തരത്തില്‍ ഐസിസി വിജയകരമായി ഹൈബ്രിഡ് മോഡലില്‍ നടത്തിയിരുന്നു.
6,6,6,4,6... ഹര്‍ദികിന്റെ വെടിക്കെട്ട്! അതിവേഗം ബറോഡ (വിഡിയോ)
ഇന്‍ഡോര്‍: ടി20യില്‍ മിന്നും ഫോം തുടര്‍ന്നു ഇന്ത്യന്‍ ഓള്‍ റൗണ്ടര്‍ ഹര്‍ദിക് പാണ്ഡ്യ. ബറോഡയ്ക്കായി കളിക്കാനിറങ്ങിയ താരം ത്രിപുരയ്‌ക്കെതിരെ ഒരോവറില്‍ തൂക്കിയത് നാല് സിക്‌സുകള്‍. സയ്യിദ് മുഷ്താഖ് അലി ട്രോഫി പോരാട്ടത്തില്‍ താരത്തിന്റെ മികവില്‍ ബറോഡ അതിവേഗം മത്സരം ജയിക്കുകയും ചെയ്തു. ആദ്യം ബാറ്റ് ചെയ്ത ത്രിപുര നിശ്ചിത ഓവറില്‍ 9 വിക്കറ്റ് നഷ്ടത്തില്‍ 109 റണ്‍സാണ് കണ്ടെത്തിയത്. മറുപടി പറഞ്ഞ ബറോഡ വെറും 11.2 ഓവറില്‍ 3 വിക്കറ്റ് മാത്രം നഷ്ടത്തില്‍ 115 റണ്‍സ് കണ്ടെത്തിയാണ് ജയം പിടിച്ചത്. ഹര്‍ദിക് 23 പന്തില്‍ 5 സിക്സും 3 ഫോറും സഹിതം 47 റണ്‍സ് വാരി. ഇതില്‍ നാല് സിക്സും ഒരു ഫോറും വന്നത് ഒറ്റ ഓവറില്‍. പര്‍വേസ് സുല്‍ത്താന്‍ എറിഞ്ഞ പത്താം ഓവറിലാണ് താരത്തിന്റെ വെടിക്കെട്ട്. ഈ ഒറ്റ ഓവറില്‍ 28 റണ്‍സാണ് ഹര്‍ദിക് വാരിയത്. 37 റണ്‍സെടുത്ത മിതേഷ് പട്ടേല്‍ പുറത്താകാതെ നിന്നു. Hardik Pandya was on fire again The Baroda all-rounder went berserk smashing 6⃣,6⃣,6⃣,4⃣,6⃣ in an over on his way to a whirlwind 47(23) against Tripura #SMAT | @IDFCFIRSTBank Scorecard ▶️ https://t.co/1WPFeVRTum pic.twitter.com/xhgWG63y9g — BCCI Domestic (@BCCIdomestic) November 29, 2024 കേരളത്തിന് അട്ടിമറി വിജയം! സയ്യിദ് മുഷ്താഖ് അലി ടി20യില്‍ കരുത്തരായ മുംബൈയെ തകര്‍ത്തു മന്‍ദീപ് സിങിന്റെ അര്‍ധ സെഞ്ച്വറി മികവിലാണ് ത്രിപുര 109ല്‍ എത്തിയത്. താരത്തിന്റെ ഒറ്റയാള്‍ പോരാട്ടമായിരുന്നു ക്രീസില്‍. മറ്റൊരാളും പിന്തുണച്ചില്ല. 40 പന്തില്‍ 50 റണ്‍സാണ് ത്രിപുര നായകന്‍ നേടിയത്. ബറോഡയ്ക്കായി ആകാശ് സിങ് മൂന്ന് വിക്കറ്റുകള്‍ വീഴ്ത്തി. ക്യാപ്റ്റന്‍ ക്രുണാല്‍ പാണ്ഡ്യ 2 വിക്കറ്റെടുത്തു.
ഹാരി ബ്രൂക്കിന് സെഞ്ച്വറി; ലീഡിനായി ഇംഗ്ലണ്ട് പൊരുതുന്നു
ക്രൈസ്റ്റ്ചര്‍ച്ച്: ന്യൂസിലന്‍ഡിനെതിരായ ഒന്നാം ക്രിക്കറ്റ് ടെസ്റ്റില്‍ ഇംഗ്ലണ്ട് പൊരുതുന്നു. രണ്ടാം ദിനം കളി നിര്‍ത്തുമ്പോള്‍ ഒന്നാം ഇന്നിങ്സ് ബാറ്റിങ് തുടരുന്ന ഇംഗ്ലണ്ട് 5 വിക്കറ്റ് നഷ്ടത്തില്‍ 319 റണ്‍സെന്ന നിലയിലാണ്. കിവികളുടെ ഒന്നാം ഇന്നിങ്സില് 348 റണ്‍സില്‍ അവസാനിച്ചിരുന്നു. ന്യൂസിലന്‍ഡ് സ്‌കോറിനൊപ്പമെത്താന്‍ ഇംഗ്ലണ്ടിനു ഇനി വേണ്ടത് 29 റണ്‍സ് കൂടി. ഹാരി ബ്രൂക്കിന്റെ കിടിലന്‍ സെഞ്ച്വറിയാണ് ഇംഗ്ലണ്ടിനു കരുത്തായത്. താരം ബാറ്റിങ് തുടരുന്നു. 10 ഫോറും രണ്ട് സിക്സും സഹിതം 132 റണ്‍സ് ബ്രൂക്ക് ഇതുവരെ കണ്ടെത്തിയിട്ടുണ്ട്. ഒലി പോപ് അര്‍ധ സെഞ്ച്വറി നേടി. താരം 77 റണ്‍സുമായി മടങ്ങി. ബെന്‍ ഡുക്കറ്റാണ് തിളങ്ങിയ മറ്റൊരാള്‍. താരം 46 റണ്‍സെടുത്തു. കളി അവസാനിക്കുമ്പോള്‍ ബ്രൂക്കിനൊപ്പം 37 റണ്‍സുമായി ക്യാപ്റ്റന്‍ ബെന്‍ സ്റ്റോക്സാണ് ക്രീസില്‍. കിവികള്‍ക്കായി നതാന്‍ സ്മിത്ത് രണ്ട് വിക്കറ്റുകള്‍ വീഴ്ത്തി. ടിം സൗത്തി, മാറ്റ് ഹെന്റി, വില്‍ ഒറൂര്‍ക്ക് എന്നിവര്‍ ഓരോ വിക്കറ്റെടുത്തു. കേരളത്തിന് അട്ടിമറി വിജയം! സയ്യിദ് മുഷ്താഖ് അലി ടി20യില്‍ കരുത്തരായ മുംബൈയെ തകര്‍ത്തു നേരത്തെ ആദ്യം ബാറ്റിങിന് ഇറങ്ങിയ ന്യൂസിലന്‍ഡിനു ഫോമിലേക്ക് മടങ്ങിയെത്തിയ മുന്‍ നായകന്‍ കെയ്ന്‍ വില്ല്യംസന്റെ ബാറ്റിങാണ് തുണയായത്. അര്‍ഹിച്ച സെഞ്ച്വറി വില്ല്യംസനു നഷ്ടമായതാണ് അവരെ നിരാശപ്പെടുത്തിയത്. താരം 93 റണ്‍സില്‍ പുറത്തായി. ഓപ്പണറും നായകനുമായ ടോം ലാതം (47), ഗ്ലെന്‍ ഫിലിപ്സ് (പുറത്താകാതെ 58), രചിന്‍ രവീന്ദ്ര (34) എന്നിവരാണ് പൊരുതിയ മറ്റുള്ളവര്‍. ടോസ് നേടി ഇംഗ്ലണ്ട് കിവീസിനെ ബാറ്റിങിനു വിടുകയായിരുന്നു. ഇംഗ്ലണ്ടിനായി ഷൊയ്ബ് ബഷീര്‍, ബ്രയ്ഡന്‍ കര്‍സ് എന്നിവര്‍ നാല് വീതം വിക്കറ്റുകള്‍ വീഴ്ത്തി ബൗളിങില്‍ തിളങ്ങി. ഗസ് അറ്റ്കിന്‍സന്‍ രണ്ട് വിക്കറ്റെടുത്തു.
കേരളത്തിന് അട്ടിമറി വിജയം! സയ്യിദ് മുഷ്താഖ് അലി ടി20യില്‍ കരുത്തരായ മുംബൈയെ തകര്‍ത്തു
ഹൈദരാബാദ്: സയ്യിദ് മുഷ്താഖ് അലി ട്രോഫി ടി20 പോരാട്ടത്തില്‍ കരുത്തരായ മുംബൈയെ അട്ടിമറിച്ച് കേരളം. 43 റണ്‍സിന്റെ മിന്നും ജയമാണ് കേരളം സ്വന്തമാക്കിയത്. ആദ്യം ബാറ്റ് ചെയ്ത കേരളം നിശ്ചിത ഓവറില്‍ 5 വിക്കറ്റ് നഷ്ടത്തില്‍ 234 റണ്‍സെന്ന കൂറ്റന്‍ സ്‌കോര്‍ ബോര്‍ഡില്‍ ചേര്‍ത്തു. മറുപടി പറഞ്ഞ മുംബൈയുടെ പോരാട്ടം 9 വിക്കറ്റ് നഷ്ടത്തില്‍ 191 റണ്‍സില്‍ അവസാനിച്ചു. നാല് വിക്കറ്റുകള്‍ പിഴുത എംഡി നിധീഷിന്റെ മികച്ച ബൗളിങാണ് കേരളത്തിന്റെ ജയം സാധ്യമാക്കിയത്. വിനോദ് കുമാര്‍, അബ്ദുല്‍ ബാസിത് എന്നിവര്‍ രണ്ട് വീതം വിക്കറ്റുകളും ബാസില്‍ ഒരു വിക്കറ്റും സ്വന്തമാക്കി. മുംബൈ നിരയില്‍ അജിന്‍ക്യ രഹാനെയാണ് ടോപ് സ്‌കോറര്‍. താരം നാല് സിക്സും അഞ്ച് ഫോറും സഹിതം 68 റണ്‍സ് വാരി. ക്യാപ്റ്റന്‍ ശ്രേയസ് അയ്യരും തിളങ്ങി. 18 പന്തില്‍ രണ്ട് സിക്സും ഫോറും സഹിതം ശ്രേയസ് 32 റണ്‍സെടുത്തു. 13 പന്തില്‍ 23 റണ്‍സടിച്ച ഹര്‍ദിക് തമോറാണ് പിടിച്ചു നിന്ന മറ്റൊരാള്‍. ഓപ്പണര്‍ പൃഥ്വി ഷായും 13 പന്തില്‍ രണ്ട് വീതം സിക്സും ഫോറും സഹിതം 23 റണ്‍സെടുത്തു. ചാംപ്യന്‍സ് ട്രോഫി ക്രിക്കറ്റ് പാകിസ്ഥാനില്‍ നടക്കുമോ? ഇന്നറിയാം നേരത്തെ ആദ്യം ബാറ്റ് ചെയ്ത കേരളത്തിനായി രോഹന്‍ കുന്നുമ്മല്‍, സല്‍മാന്‍ നിസാര്‍ എന്നിവര്‍ കിടിലന്‍ ബാറ്റിങുമായി കളം വാണു. സല്‍മാന്‍ നിസാറാണ് ടോപ് സ്‌കോറര്‍. താരം 49 പന്തില്‍ എട്ട് സിക്സും അഞ്ച് ഫോറും സഹിതം 99 റണ്‍സുമായി പുറത്താകാതെ നിന്നു. രോഹന്‍ കുന്നുമ്മല്‍ 48 പന്തില്‍ ഏഴ് സിക്സും അഞ്ച് ഫോറും സഹിതം 87 റണ്‍സും കണ്ടെത്തി. ക്യാപ്റ്റന്‍ സഞ്ജു സാംസണ്‍ 4 റണ്‍സില്‍ പുറത്തായി. ഗ്രൂപ്പ് എഫില്‍ നാലില്‍ മൂന്ന് ജയങ്ങളുമായി കേരളം രണ്ടാം സ്ഥാനത്ത് നില്‍ക്കുന്നു. മുംബൈ മൂന്നാമത്. ആന്ധ്രയാണ് പട്ടികയില്‍ ഒന്നാമതുള്ളത്.
‘പറക്കും ഫിലിപ്സ്’; പറന്ന് ക്യാച്ചെടുത്ത് ന്യൂസിലൻഡ് താരം ഗ്ലെൻ ഫിലിപ്സ്- വീഡിയോ
ക്രൈസ്റ്റ്ചർച്ച് >ന്യൂസിലൻഡ് ഓൾറൗണ്ടർ ഗ്ലെൻ ഫിലിപ്സ് വീണ്ടും ‘പറന്നു’. ഇംഗ്ലണ്ടിനെതിരായ ടെസ്റ്റ് മത്സരത്തിലാണ് ഗ്ലെൻ ഫിലിപ്സ് തന്റെ ഫീൽഡിങ് മികവ് ഒരിക്കൽ കൂടി പുറത്തെടുത്തത്. ന്യൂസിലൻഡിലെ ഹാഗ്ലി ഓവലിൽ നടന്ന മത്സരത്തിൽ ഇംഗ്ലണ്ട് ബാറ്റർ ഒലി പോപ്പിനെ (77) മനോഹരമായ ക്യാച്ചിലൂടെ ഫിലിപ്സ് പുറത്താക്കുകയായിരുന്നു. പേസർ ടിം സൗത്തിക്കാണ് വിക്കറ്റ്. 150 റൺസ് പാർട്ണഷിപ്പും കടന്ന് ഒലി പോപ്പ്–-ഹാരി ബ്രൂക്ക് സഖ്യം മുന്നേറുന്നതിനിടെയാണ് ഗ്ലെൻ ഫിലിപ്സിന്റെ ക്യാച്ച്. ടിം സൗത്തിയുടെ മണിക്കൂറിൽ 125.9 കിലോമീറ്റർ വേഗതിയിൽ വന്ന പന്തിൽ ബാറ്റ് വച്ചപ്പോഴാണ് പോപ്പിന് വിക്കറ്റ് നഷ്ടമായത്. ഓഫ് സ്റ്റമ്പിന് പുറത്തേക്ക് വന്ന പന്ത് പോപ്പ് കട്ട് ചെയ്യുകയായിരുന്നു. മികച്ച രീതിയിൽ ഷോട്ടുതിർത്ത ഒലി പോപ്പ് തന്റെ വിക്കറ്റിനെ കുറിച്ച് ചിന്തിക്കുക പോലും ചെയ്യാത്തിടത്തു നിന്നാണ് ഗ്ലെൻ ഫിലിപ്സ് ക്യാച്ചെടുത്തത്. ഗള്ളിയിലുണ്ടായിരുന്ന ന്യൂസിലൻഡ് താരം വലതു വശത്തേക്ക് പറന്ന്, പന്തിനെയും വിക്കറ്റിനെയും കയ്യിൽ സുരക്ഷിതമാക്കി. കഴിഞ്ഞ ഫെബ്രുവരിയിലും ഇതേ ഗ്രൗണ്ടിൽ ഓസീസിനെതിരായ മത്സരത്തിൽ ഫിലിപ്സ് സമനാമായ പ്രകടനം പുറത്തെടുത്തിരുന്നു. ടിം സൗത്തിക്ക് തന്നെയായിരുന്നു അന്നും വിക്കറ്റ്. ഗള്ളിയിൽ തന്നെയായിരുന്നു അന്നും ഫിലിപ്സിന്റെ സ്ഥാനം. ഇന്ത്യക്കെതിരായ കഴിഞ്ഞ ടെസ്റ്റ് പരമ്പരയിലുൾപ്പെടെ മികച്ച ഓൾറൗണ്ടർ പ്രകടനം കാഴ്ചവച്ച താരമാണ് ഗ്ലെൻ ഫിലിപ്സ്. ബാറ്റ് ചെയ്യാനും ബോൾ ചെയ്യാനും അറിയാവുന്ന താരം മികച്ച ഫീൽഡറും കൂടിയാണ്. ക്രിക്കറ്റ് ലോകത്തെ ഞെട്ടിക്കുന്ന നിരവധി മികച്ച ഫീൽഡിങ് പ്രകടനങ്ങൾ താരത്തിന്റെ ഭാഗത്ത് നിന്നുണ്ടായിട്ടുണ്ട്. ബാറ്റിങ്ങിലും ബൗളിങ്ങിലും ഫീൽഡിങ്ങിലും മാത്രമല്ല വിക്കറ്റ് കീപ്പർ റോളിലും താരം തിളങ്ങിയിട്ടുണ്ട്. ഒലി പോപ്പിന്റെ വിക്കറ്റ് വീണതോടെ അഞ്ചിന് 319 എന്ന നിലയിൽ ന്യൂസിലൻഡിനോട് 29 റൺസിന്റെ ലീഡ് വഴങ്ങി നിൽക്കുകയാണ് ഇംഗ്ലണ്ട് ഇപ്പോൾ. ഇംഗ്ലണ്ട് നിരയിൽ സെഞ്ച്വറി തികച്ച ഹാരി ബ്രൂക്ക് (132*), ക്യാപ്റ്റൻ ബെൻ സ്റ്റോക്സ് (37*) എന്നിവരാണ് ക്രീസിലുള്ളത്. ആദ്യ ഇന്നിങ്സിൽ 348 റൺസായിരുന്നു ന്യൂസിലൻഡിന്റെ സമ്പാദ്യം. ന്യുസിലൻഡിന്റെ മുഴുവൻ വിക്കറ്റുകളും കൂടാരം കയറിയപ്പോൾ ഗ്ലെൻ ഫിലിപ്സാണ് (58) അർധസെഞ്ച്വറിയോടെ പുറത്താകാതെ നിന്നത്. Watch Video:- View this post on Instagram A post shared by BLACKCAPS (@blackcapsnz)
കോഹ് ലിയെ പിടിച്ചു കെട്ടാനാവാത്തത് കഴിവുകേട്‌; 'സെഞ്ച്വറി'യില്‍ ഓസിസിനെതിരെ അലന്‍ ബോര്‍ഡര്‍
മെല്‍ബണ്‍: പെര്‍ത്തില്‍ നടന്ന ആദ്യ ടെസ്റ്റ് മത്സരത്തില്‍ മുന്‍ ഇന്ത്യന്‍ നായകന്‍ വിരാട് കോഹ്‌ലിയെ പിടിച്ച് കെട്ടാന്‍ കഴിയാത്ത ഓസിസ് ടീമിനെതിരെ വിമര്‍ശനവുമായി മുന്‍ നായകന്‍ അലന്‍ ബോര്‍ഡര്‍. പരമ്പര ഓസിസിന് നഷ്ടമാകാന്‍ ഇടയുണ്ടെന്നും ബോര്‍ഡര്‍ പറഞ്ഞു. ഒന്നരവര്‍ഷത്തിനിടെ ഒരു ടെസ്റ്റ് സെഞ്ച്വറി പോലും നേടാനാകാത്ത കോഹ് ലി രണ്ടാം ഇന്നിങ്സില് സെഞ്ച്വറിയുമായി ഫോമിലേക്ക് തിരിച്ചെത്തിയപ്പോള്‍ ഇന്ത്യ ആതിഥേയര്‍ക്കെതിരെ 295 റണ്‍സിന്റെ തകര്‍പ്പന്‍ ജയം സ്വന്തമാക്കി. 'ഒട്ടും പോരാടാതെ നിങ്ങള്‍ കോഹ് ലിയെ സെഞ്ച്വറി കടക്കാന്‍ അനുവദിച്ചതില്‍ ശരിക്കും ഞാന്‍ നിരാശനായിരുന്നു' ബോര്‍ഡര്‍ പറഞ്ഞു. ക്യാപ്റ്റന്‍ പാറ്റ് കമ്മിന്‍സിന്റെ തന്ത്രങ്ങള്‍ക്കെതിരെയും മുന്‍നായകന്‍ രംഗത്തുവന്നു. കോഹ് ലി ക്രീസിലെത്തിയതിന് പിന്നാലെ ഫീല്‍ഡ് ഒരുക്കിയ കമ്മിന്‍സിന്റെ തീരുമാനത്തെയും ബോര്‍ഡര്‍ വിമര്‍ശിച്ചു. വെറും 42 റണ്‍സില്‍ ഓള്‍ ഔട്ട്, 5 ബാറ്റര്‍മാര്‍ പൂജ്യത്തിന് പുറത്ത്; ദക്ഷിണാഫ്രിക്കയുടെ ലങ്കാ ദഹനം! മുന്‍ ഓപ്പണര്‍ മാത്യു ഹെയ്ഡനും ഓസിസ് ടീമിന്റെ മോശം പ്രകടത്തിനെതിരെ രംഗത്തെത്തി. കോഹ് ലിയെ കയറൂരി വിടുന്ന തരത്തിലായിരുന്നു ഫീല്‍ഡിങ് സംവിധാനം. തുടക്കം മുതലെ കോഹ് ലിയെ നിയന്ത്രിക്കാനും ഓസിസ് ടീമിനായില്ലെന്നും ഹെയ്ഡന്‍ പറഞ്ഞു. പെര്‍ത്തിലെ സെഞ്ച്വറിയോടെ ഓസിസ് മണ്ണില്‍ കോഹ് ലി നേടുന്ന സെഞ്ച്വറികളുടെ എണ്ണം ഏഴായി.
പൂനെ: ക്രിക്കറ്റ് കളിക്കുന്നതിനിടെ യുവാവ് ഹൃദയാഘാതത്തെ തടര്‍ന്ന് കുഴഞ്ഞുവീണു മരിച്ചു. പൂനെയിലെ ഗാര്‍വെയര്‍ സ്റ്റേഡിയത്തില്‍ കളിക്കുന്നതിനിടെയായിരുന്നു ദൗര്‍ഭാഗ്യകരമായ സംഭവം. ഓപ്പണറായി ഇറങ്ങിയ ഇമ്രാന് പട്ടേല്‍ ആണ് മരിച്ചത്. കളിക്കിടെ അസ്വസ്ഥത അനുഭവപ്പെട്ട യുവാവ് ഇക്കാര്യം തന്റെ സഹബാറ്ററെ അറിയിച്ചു. ഇരുവരും ഇക്കാര്യം അമ്പയര്‍മാരോട് പറയുകയും ചെയ്തു. തുടര്‍ന്ന് ഇമ്രാന് കളിക്കളം വിടാന്‍ അനുമതി നല്‍കി. എന്നാല്‍ പവലിയനിലേക്ക് മടങ്ങുന്നതിനിടെ യുവാവ് കുഴഞ്ഞുവീഴുകയായിരുന്നു മത്സരത്തിന്റെ തല്‍സമയ സംപ്രേഷണം ഉണ്ടായതിനാല്‍ യുവാവ് കുഴഞ്ഞുവീഴുന്നതും മറ്റ് താരങ്ങള്‍ ഓടിക്കൂടുന്നതും ദൃശ്യങ്ങളില്‍ വ്യക്തമാണ്. ഉടന്‍ തന്നെ സമീപത്തെ ആശുപത്രിയിലെത്തിച്ചെങ്കിലും അപ്പോഴെക്കും മരണം സംഭവിച്ചിരുന്നു. കളിക്കുന്നതിന് മുന്‍പ് ഇമ്രാന് ശാരിരികമായി യോഗ്യനായിരുന്നെന്നും മറ്റ് ആരോഗ്യപ്രശ്‌നങ്ങള്‍ ഒന്നും തന്നെ ഉണ്ടായിരുന്നില്ലെന്നും സഹതാരങ്ങള്‍ പറഞ്ഞു. A young man, Imran Sikandar Patel, died of a #heartattack while playing cricket in the Chhatrapati Sambhaji Nagar district of Maharashtra. https://t.co/aCciWMuz8Y pic.twitter.com/pwybSRKSsa — Dee (@DeeEternalOpt) November 28, 2024 ജയത്തിന്റെ ആഹ്ലാദം അവസാനിച്ചു! ബ്ലാസ്റ്റേഴ്സ് കൊച്ചിയില്‍ വീണ്ടും തോറ്റു ഇമ്രാന് ഭാര്യയും മൂന്ന് കുട്ടികളുമുണ്ട്. ഇളയകുട്ടിക്ക് നാലുമാസം മാത്രമാണ് പ്രായം. ഇമ്രാന് ഒരു ക്രിക്കറ്റ് ടീമിന്റെ ഉടമയും ഒരു റിയല്‍ എസ്റ്റേറ്റ് വ്യവസായിയുമാണ്. ഈ വര്‍ഷം സെപ്റ്റംബറില്‍ ഹബീബ് ഷെയ്ഖ് എന്ന യുവാവും ക്രിക്കറ്റ് കളിക്കുന്നതിനിടെ സമാനമായ രീതിയില്‍ മരിച്ചിരുന്നു.
ജയത്തിന്റെ ആഹ്ലാദം അവസാനിച്ചു! ബ്ലാസ്റ്റേഴ്സ് കൊച്ചിയില്‍ വീണ്ടും തോറ്റു
കൊച്ചി: ഇന്ത്യന്‍ സൂപ്പര്‍ ലീഗില്‍ കേരള ബ്ലാസ്റ്റേഴ്‌സിനു നിരാശയുടെ ദിനം. കഴിഞ്ഞ മത്സരത്തില്‍ സ്വന്തം തട്ടകത്തില്‍ ചെന്നൈയിന്‍ എഫ്സിയെ വീഴ്ത്തി തിരിച്ചു വന്ന കൊമ്പാന്‍മാര്‍ക്ക് പക്ഷേ ഇന്ന് അതേ മൈതാനത്ത് തോല്‍വി നേരിട്ടു. മറുപടിയില്ലാത്ത ഒറ്റ ഗോളിന് ബ്ലാസ്‌റ്റേഴ്‌സിനെ എഫ്സി ഗോവ വീഴ്ത്തി. കളിയുടെ 40ാം മിനിറ്റില്‍ ബോറിസ് സിങ് തങ്ജമാണ് ഗോവയുടെ വിജയ ഗോള്‍ വലയിലാക്കിയത്. വെറും 42 റണ്‍സില്‍ ഓള്‍ ഔട്ട്, 5 ബാറ്റര്‍മാര്‍ പൂജ്യത്തിന് പുറത്ത്; ദക്ഷിണാഫ്രിക്കയുടെ ലങ്കാ ദഹനം! ആക്രമണത്തിലും പന്തടക്കത്തിലും ആധിപത്യം പുലര്‍ത്താന്‍ ബ്ലാസ്റ്റേഴ്‌സിനായി. എന്നാല്‍ ലക്ഷ്യത്തിലേക്ക് പന്തെത്തിക്കാന്‍ ടീമിനു സാധിച്ചില്ല. തോല്‍വിയോടെ ടീം പത്താം സ്ഥാനത്തേക്ക് വീണു. ഗോവ അഞ്ചാമത്. തോല്‍വി ബ്ലാസ്‌റ്റേഴ്‌സിന്റെ നോക്കൗട്ട് സാധ്യതകളേയും ബാധിക്കും.
വെറും 42 റണ്‍സില്‍ ഓള്‍ ഔട്ട്, 5 ബാറ്റര്‍മാര്‍ പൂജ്യത്തിന് പുറത്ത്; ദക്ഷിണാഫ്രിക്കയുടെ ലങ്കാ ദഹനം!
ഡര്‍ബന്‍: ദക്ഷിണാഫ്രിക്കക്കെതിരായ ഒന്നാം ക്രിക്കറ്റ് ടെസ്റ്റില്‍ ശ്രീലങ്കയ്ക്ക് നാണക്കേടിന്റെ ദിനം. ഒന്നാം ഇന്നിങ്സില് പ്രോട്ടീസിനെ 191 റണ്‍സിനു പുറത്താക്കിയ ലങ്കയുടെ ഒന്നാം ഇന്നിങ്സ് പോരാട്ടം വെറും 42 റണ്‍സില്‍ അവസാനിച്ചു! ടെസ്റ്റില്‍ ലങ്കയുടെ ഏറ്റവും ചെറിയ ടോട്ടലെന്ന നാണക്കേടിന്റെ റെക്കോര്‍ഡും ഇതു തന്നെ. ഏഴ് വിക്കറ്റുകള്‍ വീഴ്ത്തിയ മാര്‍ക്കോ യാന്‍സന്റെ തീ പാറും ബൗളിങാണ് ലങ്കാ ദഹനത്തിനു കാരണമായത്. അവരുടെ 5 ബാറ്റര്‍മാര്‍ പൂജ്യത്തിനു പുറത്തായി. രണ്ട് പേര്‍ മാത്രമാണ് രണ്ടക്കം കടന്നത്. കാമിന്ദു മെന്‍ഡിസ് 13 റണ്‍സെടുത്ത് ടോപ് സ്‌കോററായി. 10 റണ്‍സുമായി പുറത്താകാതെ നിന്ന ലഹിരു കുമാരയാണ് രണ്ടക്കം കടന്ന മറ്റൊരാള്‍. യാന്‍സന്‍ 6.5 ഓവറില്‍ വെറും 13 റണ്‍സ് മാത്രം വഴങ്ങിയാണ് യാന്‍സന്‍ 7 വിക്കറ്റുകള്‍ പിഴുതത്. ജെറാള്‍ഡ് കോറ്റ്സി 2 വിക്കറ്റും കഗിസോ റബാഡ ഒരു വിക്കറ്റും സ്വന്തമാക്കി. സിംബാബ്വെയെ 99 റണ്‍സിന് വീഴ്ത്തി; ഏകദിന പരമ്പര പാകിസ്ഥാന് ടോസ് നേടി ശ്രീലങ്ക ദക്ഷിണാഫ്രിക്കയെ ബാറ്റിങിനു അയക്കുകയായിരുന്നു. ഒന്നാം ദിനത്തില്‍ വെളിച്ചക്കുറവിനെ തുടര്‍ന്നു പോരാട്ടം നേരത്തെ അവസാനിപ്പിച്ചിരുന്നു. രണ്ടാം ദിനം തുടങ്ങിയ പ്രോട്ടീസ് ഒരു ഘട്ടത്തില്‍ 5 വിക്കറ്റ് നഷ്ടത്തില്‍ 83 റണ്‍സെന്ന നിലയിലായിരുന്നു. ഒരറ്റത്ത് ക്യാപ്റ്റന്‍ ടെംബ ബവുമ നിന്നു പൊരുതിയതാണ് കൂട്ടത്തകര്‍ച്ചയില്‍ നിന്നു അവരെ കരകയറ്റിയത്. താരം 70 റണ്‍സുമായി പൊരുതി. മറ്റൊരാളും പിന്തുണയ്ക്കാനുണ്ടായിരുന്നില്ല. ശ്രീലങ്കക്കായി ലഹിരു കുമാര, അസിത ഫെര്‍ണാണ്ടോ എന്നിവര്‍ 3 വിക്കറ്റുകള്‍ വീഴ്ത്തി. വിശ്വ ഫെര്‍ണാണ്ടോ, പ്രബാത് ജയസൂര്യ എന്നിവര്‍ രണ്ട് വീതം വിക്കറ്റുകളും സ്വന്തമാക്കി.
സിംബാബ്വെയെ 99 റണ്‍സിന് വീഴ്ത്തി; ഏകദിന പരമ്പര പാകിസ്ഥാന്
ബുലവായോ: മൂന്നാം ഏകദിനത്തില്‍ സിംബാബ്വെയെ 99 റണ്‍സിനു വീഴ്ത്തി ഏകദിന പരമ്പര സ്വന്തമാക്കി പാകിസ്ഥാന്. 304 റണ്‍സിന്റെ കൂറ്റന്‍ ലക്ഷ്യം പിന്തുടര്‍ന്ന സിംബാബ്‌വെയുടെ പോരാട്ടം 204 റണ്‍സില്‍ അവസാനിച്ചു. ആദ്യം ബാറ്റ് ചെയ്ത പകിസ്ഥാന്‍ നിശ്ചിത ഓവറില്‍ 6 വിക്കറ്റ് നഷ്ടത്തില്‍ പാകിസ്ഥാന് 303 റണ്‍സാണ് ബോര്‍ഡില്‍ ചേര്‍ത്തത്. മൂന്ന് മത്സരങ്ങളടങ്ങിയ പരമ്പര പാകിസ്ഥാന് 2-1നു സ്വന്തമാക്കി. ജയം തേടിയിറങ്ങിയ സിംബാബ്വെക്കായി ക്യാപ്റ്റന്‍ ക്രെയ്ഗ് ഇര്‍വിന്‍ ഒരറ്റത്ത് പൊരുതിയെങ്കിലും അതു മതിയായില്ല. താരം അര്‍ധ സെഞ്ച്വറി നേടി. 51 റണ്‍സാണ് ക്യാപ്റ്റന്‍ കണ്ടെത്തിയത്. ബ്രയാന്‍ ബെന്നറ്റ് (37), മരുമാനി, സീന്‍ വില്ല്യംസ് (24 വീതം) എന്നിവരും പൊരുതിയെങ്കിലും അതൊന്നും വിജയത്തിലെത്താന്‍ സഹായിച്ചില്ല. 40.1 ഓവറില്‍ സിംബാബ്‌വെയുടെ പോരാട്ടം അവസാനിച്ചു. പാകിസ്ഥാനായി സയം ആയുബ്, അബ്രാര്‍ അഹമദ്, ഹാരിസ് റൗഫ്, ആമിര്‍ ജമാല്‍ എന്നിവര്‍ 2 വീതം വിക്കറ്റുകള്‍ നേടി. ഫൈസല്‍ അക്രം, കമ്രാന്‍ ഗുലാം എന്നിവര്‍ ഓരോ വിക്കറ്റെടുത്തു. ഓസ്‌ട്രേലിയന്‍ പ്രധാനമന്ത്രിയെ സന്ദര്‍ശിച്ച് ഇന്ത്യന്‍ ടീം; പാര്‍ലമെന്റില്‍ പ്രസംഗിച്ച് രോഹിത് ശര്‍മ ടോസ് നേടി ബാറ്റിങിനിറങ്ങിയ പാകിസ്ഥാനായി കമ്രാന്‍ ഗുലാം കന്നി ഏകദിന സെഞ്ച്വറി നേടി. ഓപ്പണര്‍ അബ്ദുല്ല ഷഫീഖ് അര്‍ധ സെഞ്ച്വറിയും നേടി. 99 പന്തുകള്‍ നേരിട്ട് 10 ഫോറും 4 സിക്സും സഹിതമാണ് 29കാരനായ കമ്രാന്‍ ഗുലാം ശതകം സ്വന്തമാക്കിയത്. അബ്ദുല്ല ഷഫീഖ് 68 പന്തില്‍ 50 റണ്‍സ് കണ്ടെത്തി. ക്യാപ്റ്റന്‍ മുഹമ്മദ് റിസ്വാന്‍ (37), ഓപ്പണര്‍ സയം ആയൂബ് (31), സല്‍മാന്‍ ആഘ (30) എന്നിവരാണ് തിളങ്ങിയ മറ്റുള്ളവര്‍. 16 പന്തില്‍ 29 റണ്‍സുമായി പുറത്താകാതെ നിന്ന തയ്യബ് താഹിറിന്റെ ബാറ്റിങാണ് സ്‌കോര്‍ 300 കടത്തിയത്. സിംബാബ്വെക്കായി സിക്കന്ദര്‍ റാസ, റിച്ചാര്‍ഡ് എന്‍ഗരാവ എന്നിവര്‍ 2 വീതം വിക്കറ്റുകള്‍ നേടി. ബ്ലസിങ് മസരബാനി, ഫറാസ് അക്രം എന്നിവര്‍ ഓരോ വിക്കറ്റെടുത്തു.
കമ്രാന്‍ ഗുലാമിന്റെ കന്നി സെഞ്ച്വറി; സിംബാബ്‌വെയ്ക്ക് മുന്നില്‍ കൂറ്റന്‍ ലക്ഷ്യം വച്ച് പാകിസ്ഥാന്
ബുലവായോ: മൂന്നാം ഏകദിനത്തില്‍ സിംബാബ്‌വെയ്ക്ക് മുന്നില്‍ 304 റണ്‍സിന്റെ കൂറ്റന്‍ ലക്ഷ്യം വച്ച് പാകിസ്ഥാന്. ടോസ് നേടി ബാറ്റിങിനിറങ്ങിയ പാകിസ്ഥാനായി കമ്രാന്‍ ഗുലാം കന്നി ഏകദിന സെഞ്ച്വറി നേടി. ഓപ്പണര്‍ അബ്ദുല്ല ഷഫീഖ് അര്‍ധ സെഞ്ച്വറിയും നേടി. നിശ്ചിത ഓവറില്‍ 6 വിക്കറ്റ് നഷ്ടത്തില്‍ പാകിസ്ഥാന് 303 റണ്‍സാണ് ബോര്‍ഡില്‍ ചേര്‍ത്തത്. മൂന്ന് മത്സരങ്ങളടങ്ങിയ പരമ്പരയില്‍ ഇരു ടീമുകളും ഓരോ ജയവുമായി ഒപ്പം നില്‍ക്കുന്നു. ഈ മത്സരം പരമ്പര ജേതാക്കളെ നിര്‍ണയിക്കും. 99 പന്തുകള്‍ നേരിട്ട് 10 ഫോറും 4 സിക്സും സഹിതമാണ് 29കാരനായ കമ്രാന്‍ ഗുലാം ശതകം സ്വന്തമാക്കിയത്. അബ്ദുല്ല ഷഫീഖ് 68 പന്തില്‍ 50 റണ്‍സ് കണ്ടെത്തി. ഓസ്‌ട്രേലിയന്‍ പ്രധാനമന്ത്രിയെ സന്ദര്‍ശിച്ച് ഇന്ത്യന്‍ ടീം; പാര്‍ലമെന്റില്‍ പ്രസംഗിച്ച് രോഹിത് ശര്‍മ ക്യാപ്റ്റന്‍ മുഹമ്മദ് റിസ്വാന്‍ (37), ഓപ്പണര്‍ സയം ആയൂബ് (31), സല്‍മാന്‍ ആഘ (30) എന്നിവരാണ് തിളങ്ങിയ മറ്റുള്ളവര്‍. 16 പന്തില്‍ 29 റണ്‍സുമായി പുറത്താകാതെ നിന്ന തയ്യബ് താഹിറിന്റെ ബാറ്റിങാണ് സ്‌കോര്‍ 300 കടത്തിയത്. സിംബാബ്വെക്കായി സിക്കന്ദര്‍ റാസ, റിച്ചാര്‍ഡ് എന്‍ഗരാവ എന്നിവര്‍ 2 വീതം വിക്കറ്റുകള്‍ നേടി. ബ്ലസിങ് മസരബാനി, ഫറാസ് അക്രം എന്നിവര്‍ ഓരോ വിക്കറ്റെടുത്തു.
ഓസ്‌ട്രേലിയന്‍ പ്രധാനമന്ത്രിയെ സന്ദര്‍ശിച്ച് ഇന്ത്യന്‍ ടീം; പാര്‍ലമെന്റില്‍ പ്രസംഗിച്ച് രോഹിത് ശര്‍മ
കാന്‍ബറ: ബോര്‍ഡര്‍- ഗാവസ്‌കര്‍ ട്രോഫി പോരാട്ടത്തിനായി ഓസ്‌ട്രേലിയയില്‍ പര്യടനം നടത്തുന്ന ഇന്ത്യന്‍ ടീം അംഗങ്ങള്‍ ഓസ്‌ട്രേലിയന്‍ പ്രധാനമന്ത്രി അന്റണി ആല്‍ബനീസിനെ സന്ദര്‍ശിച്ചു. പ്രൈം മിനിസ്റ്റേഴ്സ് ഇലവനുമായി ഇന്ത്യന്‍ ടീം ദ്വിദിന സന്നാഹ മത്സരം കളിക്കുന്നുണ്ട്. ശനി, ഞായര്‍ ദിവസങ്ങളിലാണ് പരിശീലന പോരാട്ടം. ഇതിനു മുന്നോടിയായാണ് ഇന്ത്യന്‍ ടീം പ്രധാനമന്ത്രിയെ സന്ദര്‍ശിച്ചത്. ഇന്ത്യന്‍ ടീമിനൊപ്പം പ്രൈം മിനിസ്റ്റേഴ്സ് ഇലവന്‍ താരങ്ങളും ആന്റണി ആല്‍ബനീസിനെ സന്ദര്‍ശിച്ചു. ഇന്ത്യന്‍ ക്യാപ്റ്റന്‍ രോഹിത് ശര്‍മ, സ്റ്റാര്‍ ബാറ്റര്‍ വിരാട് കോഹ്‌ലി, വൈസ് ക്യാപ്റ്റന്‍ ജസ്പ്രിത് ബുംറ അടക്കമുള്ളവര്‍ സന്ദര്‍ശനത്തിന്റെ ഭാഗമായി. സന്ദര്‍ശനത്തിനിടെ രോഹിത് ശര്‍മ ഓസ്‌ട്രേലിയന്‍ പാര്‍ലമെന്റിനെ അഭിസംബോധന ചെയ്ത് സംസാരിച്ചു. ഒരാഴ്ച മാത്രം ബാക്കി; ഇന്ത്യന്‍ ടീമില്‍ തിരിച്ചെത്താന്‍ ഷമിയ്ക്ക് മുന്നില്‍ വന്‍ കടമ്പ പെര്‍ത്തില്‍ നടന്ന ഒന്നാം ടെസ്റ്റില്‍ ഓസ്ട്രേലിയയെ വീഴ്ത്തിയ ഇന്ത്യന്‍ സംഘത്തെ പ്രധാനമന്ത്രി അഭിനന്ദിച്ചു. രോഹിത്, കോഹ്‌ലി എന്നിവരുമായി അദ്ദേഹം ദീര്‍ഘ നേരം സംസാരിക്കുകയും ചെയ്തു. ഡിസംബര്‍ ആറ് മുതല്‍ 10 വരെയാണ് പരമ്പരയിലെ രണ്ടാം പോരാട്ടം. അഡ്ലെയ്ഡില് നടക്കുന്ന രണ്ടാം ടെസ്റ്റ് പകല്‍- രാത്രി പോരാട്ടമാണ്. പിങ്ക് പന്തില്‍ നടക്കുന്ന ഈ മത്സരത്തിനു മുന്നോടിയായാണ് ഇന്ത്യ പ്രൈം മിനിസ്റ്റേഴ്സ് ഇലവനുമായി ദ്വിദിന പോരാട്ടം കളിക്കുന്നത്. ഈ മത്സരവും പിങ്ക് പന്തിലാണ്.